Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
Цефанорм
Саудалық атауы
Цефанорм
Халықаралық патенттелмегенатауы
Жоқ
Дәрілік түрі
Капсулалар
Құрамы
1 капсуланың құрамында
белсенді зат – кәдімгі жатаған изен жемісінің құрғақ экстрактісі (7-13:1) 4.0 мг (экстрагент - 60% этанол),
қосымша заттар: глюкоза, сусыз коллоидты кремнийдің қостотығы, лактоза моногидраты, магний стеараты, жүгері крахмалы, тальк,
капсула қабығының құрамы: желатин, натрий лаурилсульфаты, титанның қостотығы (Е171), тазартылған су.
Сипаттамасы
Өлшемі №3, өзі де, қақпағы да ақ түсті қатты мөлдір емес желантинді капсулалар.
Капсула ішіндегісі – өзіне тән хош иісі мен сәл ащылау дәмі бар ашық-қоңыр түсті ұнтақ.
Фармакотерапиялық тобы
Урогенитальді ағзаларды емдеуге арналған препараттар. Гинекологиялық ауруларды емдеуге арналған басқа препараттар.
АТХ коды G02СХ
Фармакологиялыққасиеттері
Фармакокинетикасы
Кәдімгі жатаған изен жемісінің құрамында 0,63%-ға дейін эфир майы, оның ішінде α- және β-пинендер (39,7%), цинеол (25,2%), лимонен (14,8%), сабинен; флавоноидтар (2% дейін) (флавонолдың туындылары - кастицин, кверцетагетин, кемпферол);кумариндер, алкалоидтар (витицин), шайырлы заттар; 1,3% дейін органикалық қышқылдар (құмырсқа, сірке, пропион, валериан) бар.
Цефанормның әсері кәдімгі жатаған изен жемісінің экстрактісі компоненттерінің біріккен әсері болып табылады, сондықтан фармакокинетикалық зерттеулер жүргізу мүмкін емес.
Фармакодинамикасы
Цефанорм әйелдер жыныс гормондарының концентрациясына гармонизациялау әсерін береді. Цефанорм дофаминергиялық әсер ете отырып, пролактиннің өнімін төмендетеді және гиперпролактинемияны кетіреді. Цефанорм гипоталамустың дофаминді D2-рецепторларына әсер етуі арқылы пролактиннің босап шығуын тежейді. Етеккір циклінің бұзылуы, етеккір алдындағы синдром, циклдік масталгия, мастодиния және фиброзды-кистоздық мастопатия көбіне пролактин концентрациясыжәне жасырын гиперпролактенемия жоғарылауынан пайда болады. Пролактин концентрациясының жоғарылауы гонадотропиндер секрециясын төмендетеді, соның нәтижесінде фолликулдар жетілуі,овуляция кезінде және сары дененің функциялық сатысында бұзылулар туындауы мүмкін. Бұл ретте эстрадиол және прогестерон құрамы арасында туындайтын тепе-теңсіздік етеккір циклінің әртүрлі бұзылуларына әкеледі. Цефанорм гонадотропты гормондардың арақатынасын қалпына келтіреді. Бір қалыпты өндірілуі және гонадотропты гормондар арақатынасының қалыпқа түсуі пролактиннің қалыпты деңгейі кезінде етеккір циклінің екінші фазасын ретке келтіреді. Эстрадиол мен прогестерон арасындағы тепе-теңсіздік жойылады.
Пролактин, сондай-ақ дәнекер тіндердің түзілуін күшейте және сүт түтіктерінің кеңеюін туындата отырып, сүт безінің пролиферациялық үдерісіне тікелей көтермелегіш әсер етеді. Пролактин мөлшерінің төмендеуі сүт бездерінде патологиялық үдерістердің кері дамуына әкеледі және мастодиния кезінде ауыру синдромын басады. Жүйелі өндірілуі және гонадотропты гормондар арақатынасының қалыпқа түсуі етеккір циклінің екінші фазасын қалпына келтіреді.
Қолданылуы
- етеккір циклінің бұзылуы
-мастодиния
-етеккір алдындағы синдром
Қолдану тәсілі және дозалары
Ішке, таңертең тамақтану кезінде, шайнамай, судың аздаған мөлшерімен 1 капсуладан күніне 1 рет қабылдау керек. Капсулаларды күннің белгілі бір уақытында қабылдау ұсынылады.
Емдеуді етеккір кезінде үзбестен, 3 ай бойы жүргізіледі.
Егер препаратты тоқтатқаннан кейін шағымдар қайтадан болатын болса, дәрігермен кеңесу қажет; ұсыным бойынша емдеуді жалғастыруға болады.
Жағымсыз әсерлері
Жағымсыз реакциялар жиілігі төмендегі шкаланы пайдалана отырып анықталған:
Өте жиі (> 1/10)
Жиі (>1/100 бастап <1/10 дейін)
Жиі емес (≥1/1000 бастап <1/100 дейін)
Сирек (≥1/10000 бастап <1/1000 дейін)
Өте сирек (≤1/10000 бастап)
Белгісіз (қолда бар деректер бойынша анықтау мүмкін емес).
Жиі емес:
- бас ауыру
- жүрек айну, іштің ауыруы
- тері реакциялары (қышыну, экзантема, есекжем, беттің ісінуі)
- ентігу
- жұтудың қиындауы
Өте сирек:
- психомоторлық қозу, сананың шатасуы, елестеулер.
Қолдануға болмайтын жағдайлар
- препарат компонентеріне жоғары сезімталдық
- жүктілік және лактация кезеңі
- гипофиз ісігі
- сүт безі обыры
- 18 жасқа дейінгі балалар мен жасөспірімдер
- тұқым қуалайтын галактоза жақпаушылығы, лактаза тапшылығы немесе глюкоза-галактоза мальабсорбциясы
Дәрілермен өзара әрекеттесуі
Цефанорм препаратының басқа да дәрілік заттармен өзара әрекеттесуі осы уақытқа дейін белгісіз. Дофаминді рецепторлар антагонистерімен (домперидон, метоклопрамид) бір мезгілде қолданғанда өзара әсері әлсіреуі мүмкін.
Айрықшанұсқаулар
Цефанорм препаратын қолданар алдында дәрігермен кеңесу ұсынылады.
Аллергиялық реакциялар жағдайында препаратты қабылдауды тоқтатып, дәрігермен кеңесу қажет.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Ұсынылған дозалау режимі сақталғанда Цефанорм препаратымен артық дозалану жағдайы сипатталмаған.
Артық дозалану жағдайларында жоғарыда аталған жағымсыз әсерлері туындауы мүмкін. Алдағы уақытта қандай шаралар қабылдануы тиіс екендігін шешіп алу үшін дәрігермен кеңесу қажет.
Шығарылу түрі және қаптамасы
10 капсуладан поливинилхлоридті үлбірден және алюминий фольгадан жасалған пішінді ұяшықты қаптамада.
3 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Cefak KG, Ostbahnhofstr. 15, D-87437 Kempten, Германия
Тіркеу куәлігінің иесі
Cefak KG, Ostbahnhofstr. 15, D-87437 Kempten, Германия
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
«AVITA (АВИТА)» ЖШС, 050040, Алматы қ., Сейфуллин к-сі, 458-460/95, 315 кеңсе, телефон/факс 8/727/2794732
Электрондық пошта: infoavita@mail.ru
