Тибулан 150 мг №1 капс
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Тибулан 150 мг №1 капс

2772
Қолжетімділігі
Сатылымда бар
Үлгі
5290931000711
Елі
Кипр
Өндіруші
Медохем и
0-0-4 бөліп төлеу
693 x 4 ай
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Тибулан

Саудалық атауы

Тибулан

Халықаралық патенттелмеген атауы

Флуконазол

Дәрілік түрі

50 мг және 150 мгкапсулалар

Құрамы

Бір капсуланың құрамында

белсенді зат –флуконазол50.0 мг және150.0 мг

қосымша заттар: лактоза моногидраты, желатинделген жүгері крахмалы, сусыз коллоидты кремнийдің қостотығы, натрий лаурилсульфаты, магний стеараты.

Капсула қабығының құрамы 50 мг:

қақпағы: кармоизин (Е 122), патенттелген көк V (Е131), титанның қостотығы (Е171), желатин

корпусы: титанның қостотығы (Е171), желатин

Капсула қабығының құрамы 150 мг:

қақпағы: патенттелген көк V (Е131), титанның қостотығы (Е171), желатин

корпусы: патенттелген көк V (Е131), титанның қостотығы (Е171), желатин.

Сипаттамасы

Қатты желатинді капсулалар өлшемі № 3, ақ түсті корпусы және көгілдір түсті қақпағы бар (50 мг доза үшін).

Қатты желатинді капсулалар өлшемі № 1, корпусы және көгілдір түсті қақпағы бар (150 мг доза үшін).

Капсула іші – ақ сусымалы ұнтақ.

Фармакотерапиялық тобы

Жүйелі пайдалануға арналған зеңге қарсы дәрі. Триазол туындысы. Флуконазол.

АТХ коды J02AC01

Фармакологиялық қасиеттері

Фармакокинетикасы

Сіңуі

Флуконазол ішке қабылдағаннан кейін жақсы сіңеді, қан плазмасындағы деңгейі (және жалпы биожетімділігі) венаішілік енгізу кезінде деңгейдің 90%-дан астамын құрайды. Ілесе ас қабылдау сіңуіне әсер етпейді. Қан плазмасындағы ең жоғары концентрациясына 0,5-1,5 сағат ішінде жетеді. Плазмадағы концентрация қабылдаған дозаға тура пропорционал. Тепе-тең деңгейінің 90%-ына күніне 1 рет қабылдаған 4-5 күнде жетеді. 1 күнде қос доза қабылдау 2-күні тепе-тең деңгейінің 90%-ына әкеледі.

Таралуы

Плазма ақуыздарымен байланысуы төмен (11-12%).

Организмнің барлық биологиялық орталарына жақсы өтеді. Сілекейдегі, қақырықтағы, буын және перитонеальді сұйықтықтардағы, қынаптық сөліністегі флуконазол концентрациялары қан плазмасындағыға ұқсас.

Зеңдік менингитпен науқастарда ЖМС-да флуконазол деңгейлері плазмадағы тиісті деңгейдің 80%-ын құрайды.

Эпидермистің мүйізгекті қабатында, дермада және тер бездерінде концентрациялар қан плазмасындағы концентрациялардан асатын мәндерге жетеді. Флуконазол мүйізгекті қабықта жинақталады. Тәулігіне 1 рет 50 мг қабылдағаннан кейін флуконазол концентрациясы 12 сағаттан соң 73 мкг/г және емді тоқтатқаннан кейін 7 күннен соң 5,8 мкг/г құрады. Аптасына 1 рет 150 мг қабылдағаннан кейін, мүйізгекті қабықта флуконазол концентрациясы 23,4 мкг/г және екінші дозаны қабылдағаннан кейін 7 күннен соң 7,1 мкг/г құрады.

Аптасына 1 рет 150 мг 4 ай қабылдағаннан кейін, тырнақтағы флуконазол концентрациясы сау тырнақта 4,05 мкг/г және зақымданған тырнақта 1,8 мкг/г құрады; флуконазол терапия аяқталғаннан кейін 6 айдан соң тырнақтың үлгілерінде байқалды.

Метаболизмі

Флуконазол болмашы дәрежеде метаболизденеді.

Радиоактивті дозаның 11%-ы ғана өзгермеген түрінде несеппен шығарылады. Флуконазол CYP2C9, CYP3A4 изоферменттерінің селективті тежегіші және CYP2C19 изоферментінің тежегіші болып табылады.

Шығарылуы

Қан плазмасынан флуконазолдың жартылай шығарылу кезеңі 30 сағатты құрайды. Басым бөлігі бүйректермен шығарылады (80%-ы - өзгермеген түрінде, 11%-ы - метаболиттер түрінде). Флуконазол клиренсі креатинин клиренсіне (КК) пропорционал.

Айналымдағы метаболиттердің бар болуына дәлел жоқ. Плазмадан ұзақ жартылай шығарылу кезеңі бірреттік дозамен, тәулігіне бір рет және басқа көрсеткіштер бойынша аптасына бір рет қынаптық кандидозға емдеу жүргізуге мүмкіндік береді.

Бүйрек жеткіліксіздігі кезіндегі фармакокинетикасы

Ауыр бүйрек жеткіліксіздігімен науқастарда (СКФ <20 мл / мин) жартылай шығарылу кезеңі (Т½) 30-дан 98 сағатқа дейін ұлғаяды. Демек, дозаны төмендету талап етіледі. Флуконазол гемодиализ көмегімен және перитонеальді диализ кезінде төмен дәрежеде шығарылады. Гемодиализдің үшсағаттық сеансынан кейін флуконазолдың 50%-ға жуығы қаннан шығарылады.

Балалардағы фармакокинетикасы

9 айдан 15 жасқа дейінгі балаларға 2-8 мг/кг флуконазолды енгізгеннен кейін, дозаның 1 мг/кг бірлігінің AUC-ы шамамен 38 мкг • сағ/мл құрады. Плазмадағы флуконазолдың орташа (Т½) 15-тен 18 сағатқа дейін өзгеріп отырады, ал таралу көлемі көп рет қолданғаннан кейін шамамен 880 мл/кг құрады. Плазмадан флуконазолдың неғұрлым ұзақ жартылай шығарылу кезеңі 24 сағатқа жуық, бірретік дозаны қабылдағаннан кейін байқалды. Бұл мәндер 11 күннен 11 айлық жасқа дейінгі сәбилерге 3 мг/кг бірреттік вена ішіне (в/і) енгізгеннен кейін плазмадан флуконазолдың жартылай шығарылу кезеңімен салыстырмалы. Бұл жастағы топта таралу көлемі 950 мл/кг құрады.

Егде пациенттердегі фармакокинетикасы

50 мг флуконазолды бір рет қабылдағаннан кейін Cmax қабылдағаннан кейін 1,3 сағаттан соң 1,54 мкг/мл құрады. AUC орташа мәні 76,4 ± 20,3 мкг • сағ/мл құрады, ал орташа соңғы жартылай шығарылу кезеңі 46,2 сағат. Фармакокинетикалық параметрлердің аталған мәндері сау жас ер адамдарға қарағанда жоғары. Диуретиктерді бірлесе қабылдаудан AUC немесе Cmax өзгермейді. Бұдан басқа, жас ер адамдарға қарағанда, егде тұлғаларда креатинин клиренсі (74 мл/мин), несептегі өзгермеген дәрілік препараттың пайызы (0 - 24 сағ, 22 %) және флуконазолдың бүйрек клиренсі (0,124 мл/мин/кг) толығымен төмен болды. Сөйтіп, егде пациенттерде флуконазол фармакокинетикасының өзгеруі аталған топ үшін бүйрек функциясы сипаттамаларының төмендеуіне негізделген.

Фармакодинамикасы

Тибулан – Р450 цитохромына тәуелді зеңдер ферменттерінің белсенділігін тежейтін жоғары спецификалық әсерге ие зеңге қарсы дәрі. Зең жасушалары ланостеролының эргостеролға айналуын бөгейді, жасушалық жарғақшаның өткізгіштігін арттырады, оның өсуін және репликациясын бұзады.

Препараттың белсенді заты - флуконазол, зеңдердің Р450 цитохромы үшін жоғары таңдамалы болып табылады, адам организмінде бұл ферменттерді (итраконазолмен, клотримазолмен, эконазолмен және кетоконазолмен салыстырғанда) тіпті әлсіретпейді, төмен дәрежеде адам бауырының микросомдарындағы Р450 цитохромына тәуелді тотығу процестерін басады. Антиандрогенді белсенділікке ие емес.

In vitro сезімталдығы

Флуконазол in vitro Candida клиникалық белгілі түрлерінің көпшілігіне қарсы (С.аlbicans, C. parapsilosis, C. Tropicalis-ті қоса) зеңге қарсы әсерге ие болады. C.glabrata сезімтал, сонымен бірге C. krusei флуконазолға резистентті. Флуконазол in vitro-сы Cryptococcus neoformans және Cryptococcus gattii-ге, сондай-ақ Blastomyces dermatiditis, Coccidioides immitis, Histoplasma capsulatum және Paracoccidioides brasiliensis эндемиялық зеңдеріне қарсы әрекет етеді.

Фармакокинетикалық/фармакодинамикалық өзарабайланысы

ЕТТК мәндерінің және Candida spp-мен туындаған эксперименттік микоздарға қарсы тиімділіктің арасында өзара байланыс анықталды. Клиникалық зерттемелерде AUC және флуконазол дозасының арасында тіпті 1:1 дозаға байланысты тәуелділік анықталды. Сондай-ақ AUC немесе дозаның және ауыз қуысы кандидозы кезінде және төмен дәрежеде кандидемия кезінде емдеуге сәтті клиникалық жауаптың арасында тура, дегенмен аяқталмаған байланыс бар. Сәтті емдеудің флуконазолдың жоғары ЕТТК-мен штамдармен туындаған инфекциялар кезінде ықтималдығы төмен.

Резистенттіліктің даму механизмдері

Candida тегінің зеңдерінде азолдар тобы антимикотиктерінің әсеріне қарсы қорғаныстық механизмдердің қатары анықталды. Бір немесе бірнеше осындай резистенттілік механизмдерін өндірген штамдар үшін, флуконазолдың ең төменгі тежегіш концентрациясы (ЕТТК) жоғары, бұл in vivo зерттемелерінде және клиникалық практикада препараттың тиімділігіне кері әсер етеді.

C. Albicans-тан басқа, өз табиғатынан флуконазолға жиі сезімтал емес болып табылатын Candida тегінің зеңдерімен (мысалы, Candida krusei) туындаған суперинфекциялардың даму жағдайлары тіркелген болатын. Мұндай жағдайларда баламалы зеңге қарсы терапияны қолдану талап етіледі.

Қолданылуы

Тибулан төмендегілерді емдеуге тағайындалады:

- криптококтық менингитті

- кокцидиоидомикозды

- инвазиялық кандидозды

- шырышты қабықтар кандидозын (орофарингеальді кандидозды, өңеш кандидозын, кандидурияны, созылмалы тері-шырышты кандидозын қоса)

- егер ауыз қуысы гигиенасы немесе ауырған жерді емдеу жеткіліксіз болса, (тіс протезін салған кезде туындайтын) ауыз қуысының созылмалы атрофиялы кандидозын

- жедел немесе қайталанбалы қынаптық кандидозды (жергілікті терапияны қолдану тиімсіз болған кезде)

- кандидозды баланитті (жергілікті терапияны қолдану тиімсіз болған кезде)

- табан, дене, шап аймағы микоздарын қоса дерматомикозды; сондай-ақ түрлі-түсті (кебек тәрізді) теміреткіні және тері кандидозын (жүйелі терапия қажет болған жағдайда)

- тырнақ дерматофитиясын (онихомикоз) (басқа дәрілерді қолдану мүмкін емес болған жағдайда).

Тибулан мыналардың профилактикасы үшін тағайындалады:

- криптококтық менингит қайталануының туындауының жоғары қаупімен науқастарда

- АИТВ жұқтырған, қайталанудың туындауының жоғары қаупімен пациенттерде орофарингеальді кандидоз немесе өңеш кандидозы

- қынаптық кандидозды қайталануы (жылына 4 және одан астам көріністер кезінде)

- ұзақ нейтропениямен пациенттерде кандидозды инфекциялар (мысалы, гематологиялық қатерлі ісіктермен, химиятерапия қабылдайтын науқастарда немесе гемопоэздік дің жасушаларының трансплантациясынан кейін пациенттерде).

Айрықша нұсқаулар

Бастың шашты бөлігінің дерматофитиясы

Балаларда бастың шашты бөлігін флуконазолмен емдеу нәтижелерін зерттеме көрсеткендей, препарат тиімділігі бойынша гризеофульвиннен аспайды; жалпы емдеу сәттілігі 20 %-ды құрады. Сондықтан бастың шашты бөлігінің дерматофитиясын емдеу үшін Тибуланды пайдаланбау керек.

Криптококкоз

Қолдануға көрсетілімдерде көрсетілмеген орналасуымен криптококкозды (мысалы өкпе және тері криптококкозын) емдеу кезінде флуконазолдың тиімділігі туралы деректер жеткіліксіз, бұл препаратты дозалау бойынша қандай да болсын ұсынымдарды беруге мүмкіндік бермейді.

Терең эндемиялық микоздар

Эндемиялық микоздардың басқа формаларын, мысалы паракокцидиоидомикозды, тері-лимфалық споротрихозды, гистоплазмозды емдеу кезінде флуконазолдың тиімділігі туралы деректер шектеулі, бұл препаратты дозалау бойынша қандай да болсын ұсынымдарды беруге мүмкіндік бермейді.

Бүйрек функциясының бұзылуы

Бүйрек функциясының бұзылуымен пациенттерге Тибуланды абайлап қолдану керек.

Бүйрекүстібезі жеткіліксіздігі

Кетоконазол бүйрекүстібез жеткіліксіздігін туғызатыны туралы деректер бар, ұқсас реакциялар сондай-ақ флуконазолды қолданған кезде сирек болса да бақылануы мүмкін.

Бауыр және өт шығару жолдары функциясының бұзылуы

Бауыр функциясының бұзылуымен пациенттерге Тибуланды абайлап тағайындау керек.

Сирек жағдайларда флуконазолды қолдану күрделі ілеспе ауруларымен пациенттерде ауыр бауыр уыттылығымен, соның ішінде өліммен жүруі мүмкін.

Флуконазолды қолдануға байланысты бауыр уыттылығы жағдайларында тәуліктік дозамен, терапияның ұзақтығымен, пациенттердің жынысымен немесе жасымен қандай да болсын анық өзара байланыс байқалмады. Бауыр уыттылығы әдетте қайтымды сипатта болды және емдеу тоқтатылғаннан кейін қайтты.

Зертханалық көрсеткіштерде бауыр функциясының ауытқуымен пациенттер флуконазолмен емдеу кезеңінде бауырдың неғұрлым ауыр зақымдануы дамуын болдырмау үшін дәрігердің үнемі бақылауында болуы тиіс.

Бауыр үшін ауыр салдарларының сипатты симптомдары (астения, анорексия, үнемі жүрек айнуы, құсу, сарыауру) туралы пациенттерге хабарлау қажет, олар туындаған жағдайда, Тибуланды қабылдауды дереу тоқтатып, дәрігерге жүгіну керек.

Жүрек-тамыр жүйесі

Кейбір азолдарды, соның ішінде флуконазолды қолданған кезде электрокардиограммада QT аралығының ұзару жағдайлары байқалды. Флуконазолды қолданған кезінде QT аралығының ұзаруының және полиморфты қарыншалық тахикардияның өте сирек жағдайлары туралы деректер бар. Осы жағдайлардың арасында көптеген ілеспелі қауіп факторларымен (жүрек ауруымен, электролитті бұзылыстармен, сондай-ақ жағдайға әсер етуге қабылетті ілеспе препараттарды қабылдаумен) ауырнауқас пациенттер туралы хабарланды.

Мұндай әлеуетті проаритмиялық жағдайларымен пациенттерге Тибуланды абайлап тағайындау керек. QT аралығын ұлғайтатын және P-450 CYP3A4 цитохромының көмегімен метаболизденетін басқа препараттармен Тибуланды бірмезгілде қолдануға болмайды.

Галофантрин ұсынылған терапиялық доза кезінде QT аралығын ұлғайтады және CYP3A4 субстраты болып табылады. Флуконазол мен галофантринді бірмезгілде қолдануға болмайды.

Тері реакциялары

Сирек жағдайларда флуконазолды қолданған кезде эксфолиативті тері реакциялары, мысалы Стивенс-Джонсон синдромы және уытты эпидермалы некролиз дамиды. Пациенттер, АИТВ-мен науқастар көптеген дәрілік препараттарға ауыр тері реакцияларының дамуына душар болады. Егер беткейлік зеңдік инфекциядан ем қабылдаған пациентте флуконазолдың әсеріне жатқызуға болатын бөртпе пайда болса, Тибуланмен емдеуді тоқтату қажет. Инвазиялық/жүйелік зеңдік инфекциялармен пациенттерді бақылау қажет, бөртпе пайда болған кезде және буллездік зақымдану немесе көпформалы эритема туындаған жағдайда препаратты қабылдауды тоқтату керек.

Гиперсезімталдық

Флуконазолды қолданған кездегі сирек анафилаксиялық реакция жағдайлары туралы деректер бар.

P-450 цитохромы

Флуконазол CYP2C9 изоферментінің күшті тежегіші және CYP3A4 изоферментінің қалыпты тежегіші, сондай-ақ CYP2C19 изоферментінің тежегіші болып табылады. Шағын терапиялық диапазонымен, CYP2C9, CYP2C19 және CYP3A4 изоферменттерімен метаболизденетін дәрілік препараттармен бірмезгілде Тибуланды қабылдайтын пациенттерді бақылау қажет.

Терфенадин

Тәулігіне дозасы 400 мг-нан кем Тибулан мен терфенадинді бірмезгілде қолдану емдеуші дәрігердің мұқият бақылауымен жүргізілуі тиіс.

Педиатрияда қолдану

Балаларға қолдануға тыйым салынған бояғыштар капсула қабығының құрамында болғандықтан, препарат балаларға және 18 жасқа дейінгі жасөспірімдерге қолдануға болмайды.

Жүктілік

Зерттемелердің нәтижесінде жүктіліктің бірінші триместрі кезінде флуконазолды қабылдаған әйелдерде спонтанды аборттардың жоғары қаупі анықталды.

Аналары кокцидиоидомикоз бойынша 3 және одан астам ай, тәулігіне дозалары 400-800 мг флуконазолмен ем қабылдаған, жаңа туған нәрестелерде туа біткен аномалиялар (соның ішінде брахицефалия, құлақ қалқандарының дисплазиясы, шамадан тыс үлкейген алдыңғы (маңдайлық) еңбек, санының қисаюы және иықтық-кәріжіліктік синостоз) туралы хабарлар бар. Флуконазолды қолдану және аталған жағдайлардың арасындағы өзарабайланыс анықталмады.

Тибуланды жедел қажеттілік жағдайынан басқа, жүктілік кезінде стандартты дозаларда және қысқа уақыт емдеу үшін қолдануға болмайды.

Тибуланды өмір үшін әлеуетті қауіпті инфекциялардан емдеу жағдайларынан басқа, жүктілік кезінде үлкен дозаларда және (немесе) ұзақ емдеу үшін қолдануға болмайды.

Лактация кезеңі

Емшек сүтінде флуконазол концентрациясы қан плазмасындағы оның концентрациясынан төмен. 200 мг немесе одан кем Тибуланды бір рет қабылдағаннан кейін емшек емізуді жалғастыруға болады.

Тибуланды көп рет қолданғаннан немесе оның үлкен дозасын қабылдағаннан кейін емшек емізуге болмайды.

Дәрілік заттың көлік құралдарын немесе әлеуетті қауіпті механизмдерді басқару қабілетіне әсер ету ерекшеліктері

Препаратты қолдану кезеңінде жағымсыз әсерлер, мысалы бас айналуы немесе құрысу туындауы мүмкін. Аталған реакциялар туындаған жағдайда жоғары назар аударуды талап ететін көлік құралдарын немесе механизмдерді басқарудан бас тарту қажет.

Артық дозалануы

Симптомдар: елестеулер, параноидальді мінез-құлық.

Емі: симптоматикалық: асқазанды шаю, қарқынды диурез. 3 сағаттық гемодиализ қан плазмасында флуконазол концентрациясын 50% жуық төмендетеді.

Шығарылу түрі және қаптамасы

Поливинилхлоридті үлбірден және алюминй фольгадан жасалған пішінді ұяшықты қаптамаға 7 капсуладан (50 мг доза үшін) салынған және алюминий фольгадан жасалған пішінді ұяшықсыз қаптамаға 1 капсуладан (150 мг доза үшін) салынған.

1 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецепт арқылы

Өндіруші

«Медокеми Лтд», КИПР

1-10 ConstantinoupoleosStreet, 3011, Limassol, Cyprus,

tel. 357-25-867600, fax. 357-25-560863

Тіркеу куәлігінің ұстаушысы және қаптаушы

«Медокеми Лтд», Лимассол. КИПР

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Медокеми ЛТД» Қазақстан Республикасындағы өкілдігі

050010 Алматы қ., Қазыбек би к-сі 41 «А», 1 кеңсе

телефон/факс 8(727)321-05-05

Дәріханалар

Тауар артығымен бар
Тауар аз қалды
Аптека № 42, Шымкент (Нурсат, ЦОН)
мкр.Нурсат, 2
Круглосуточно