Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
Жөтел таблеткалары
Саудалық атауы
Жөтел таблеткалары
Халықаралық патенттелмеген атауы
Жоқ
Дәрілік түрі
Таблеткалар
Құрамы
1 таблетканың құрамында
| белсенді зат: 10.00 мг улы тентекмия шөбі (ұнтақ) немесе 15.00 мг тентекмия құрғақ экстрактісі, |
қосымша заттар: Effer-Soda® 12, микрокристалды целлюлоза, натрий кроскармеллозасы, кальций стеараты.
Сипаттамасы
Сызығы мен ойығы бар, крем түсті-сұрғылттан жасылдау-сұр түске дейінгі таблеткалар. Теңбілдері болуына жол беріледі.
Фармакотерапиялық тобы
Респираторлық жүйе ауруларын емдеуге арналған препараттар. Суық тию және жөтел симптомдарын жоюға арналған препараттар.
Қақырық түсіретін препараттар.
АТХ коды R05C
Фармакологиялық қасиеттері
Фармакокинетикасы
Препараттың компоненттері асқазан-ішек жолында жақсы сіңеді. Әсер етуі ішке қабылдағаннан кейін көп дегенде 30-60 мин кейін басталып, 2-6 сағатқа созылады. Организмнен бүйрекпен, тыныс жолдарының шырышты қабығы және бронх бездерімен шығарылады.
Фармакодинамикасы
Тентекмия шөбінің құрамында құсу және тыныс алу орталықтарына қоздырушы әсер ететін алкалоидтар (цитизин, метилцитизин, пахикарпин, анагирин, термопсин, термопсидин) бар.
Тентекмия шөбінің қақырық түсіретін әсері бар, асқазан шырышты қабығының рецепторларына орташа тітіркендіруші әсер етіп, рефлекторлы түрде бронх бездерінің сөлінісін арттырады. Осының нәтижесінде қақырықтың тұтқырлығы азаяды және бронхтан шырыш шығаратын жыпылықтағыш эпителий белсенділігін жоғарылатады.
Натрий гидрокарбонаты қақырық тұтқырлығының төмендеуіне ықпал етеді.
Қолданылуы
- қақырық қиын бөлінетін жөтелмен қатар жүретін (трахеит, бронхит) тыныс алу жолдары ауруларының кешенді емі құрамында
Қолдану тәсілі және дозалары
Препаратты ішке қабылдайды.
Ересектерге 3-5 күн бойы 1 таблеткадан күніне 3 рет тағайындайды.
12 жастан асқан балаларға – 3-5 күн бойы ½ - 1 таблеткадан күніне 3 рет.
Қайталау курсын тағайындаудың қажеттілігін дәрігер анықтайды.
Жағымсыз әсерлері
- жүрек айнуы, құсу
- терінің қышынуы, бөртпе түріндегі аллергиялық реакциялар
Қолдануға болмайтын жағдайлар
- препарат компоненттеріне жоғары сезімталдық
- асқазан мен он екі елі ішектің ойық жара аурулары
- жүктілік, лактация кезеңі
- 12 жасқа дейінгі балалар
Дәрілермен өзара әрекеттесуі
Адсорбенттер, тұтқыр және бүркеуіш заттар асқазан-ішек жолдарында тентекмия шөбінің құрамына кіретін алкалоидтардың сіңуін азайта алады.
Жөтел таблеткаларын құрамында кодеин және басқа да жөтелге қарсы дәрілік заттары бар препараттармен бір мезгілде қабылдауға болмайды, өйткені бұл қақырықтың шығуын қиындатады.
Айрықша нұсқаулар
Қақырықты сұйылтуды және бөлінуін жақсарту үшін жылы су көп ішуді тағайындау ұсынылады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: жүрек айнуы, құсу.
Емі: препаратты тоқтату, асқазанды шаю және симптоматикалық ем. Арнайы антидоты жоқ.
Шығарылу түрі және қаптамасы
10 таблеткадан поливинилденхлоридті үлбірден және алюминий фольгадан жасалған пішінді ұяшықты қаптамада.
Пішінді ұяшықты қаптамалар картон қораптарға салынады.
Әрбір қорапқа қаптамалар саны бойынша медициналық қолдану жөніндегі мемлекеттік және орыс тіліндегі бекітілген нұсқаулықтар салынады
Сақтау шарттары
Құрғақ, жарықтан қорғалған жерде, 25оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
4 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші/қаптаушы ұйымның атауы мен елі
«Химфарм» АҚ, Қазақстан Республикасы, Шымкент қ., Рашидов к-сі, 81
Тіркеу куәлігі иесінің атауы мен елі
«Химфарм» АҚ, Қазақстан Республикасы, Шымкент қ., Рашидов к-сі, 81
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі 7252 (610151)
Автоматты жауап беретін телефон нөмірі +7 7252 (561342)
Электрондық пошта complaints@santo.kz
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі +7 7252 (610150)
Электрондық пошта phv@santo.kz; infomed@santo.kz
