Тауарлардың көрінісі фотосуретте көрсетілгеннен өзгеше болуы мүмкін

Стрепсилс №24, леденцы, ментол, эвкалипт

1632
Қолжетімділігі
Сатылымда бар
Үлгі
5000158105027
Елі
Великобритания
Өндіруші
Boots Healthcare Internat
0-0-4 бөліп төлеу
408 x 4 ай
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Стрепсилс® ментол және эвкалиптпен

Саудалық атауы

Стрепсилс® ментол және эвкалиптпен

Халықаралық патенттелмеген атауы

Жоқ

Дәрілік түрі

Соруғаарналған ментолды-эвкалиптті таблеткалар

Құрамы

Бір таблетканың құрамында

белсенді заттар: амилметакрезол 0.60 мг,

2,4-дихлорбензил спирті 1.20 мг,

левоментол 8.00 мг;

қосымша заттар: эвкалипт майы, индигокармин (E 132), шарап қышқылы, сұйық сахароза, сұйық глюкоза.

Сипаттамасы

Таблетканың екі жағында S әрпі бейнеленген, өзіне тән дәмі бар, көгілдір түсті, дөңгелек пішінді, ментолды-эвкалиптті соруға арналған таблеткалар. Карамель массасында ақ өңез, біркелкі емес боялуы, ауа көпіршіктерінің болуына және шеттерінің аздап тегіс болмауына жол беріледі.

Фармакотерапиялық тобы

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02AA20

Фармакологиялық қасиеттері

Фармакокинетикасы

2,4-дихлорбензил спирті несеппен шығарылатын гиппур қышқылының түзілуімен бауырда метаболизденеді. Ментол тез сіңеді және қабылдаудан кейін 48 сағат ішінде несеппен және нәжіспен шығарылатын левоментол глюкуронидінің түзілуімен метаболизденеді.

Фармакодинамикасы

2,4-дихлорбензил спирті бензол туындысы, антисептик болып табылады. Амилметакрезол – фенол туындысы, антисептик. 2,4-дихлорбензилспирті мен амилметакрезолдың әсер ету механизмі микроб және зең жасушалары ақуыздарының коагуляциясымен, сондай-ақ жасушалық жарғақшаларлипидтерімен өзара әрекеттесуімен байланысты, бұл қоздырғыштарға қарсы тиімділігін білдіреді.

Препарат инфекциялы-қабыну аурулары кезінде антисептикалық әсер көрсетеді, грамоң және грамтеріс микроорганизмдердің кең ауқымына қатысты белсенді, микозға қарсы (зеңге қарсы) және вирусқа қарсы әсер етеді.

Ментол тамақтың шырышты қабығына жергілікті ауыруды басатын жеңіл әсер көрсетеді, сондай-ақ жөтел мен мұрын бітелуін жеңілдетеді.

Препарат ауыз қуысының шырышты қабығына жеңілдететін әсер көрсетеді және тамақтың, соның ішінде жұтыну және сөйлеу кезінде тітіркенуі мен ауыруын азайтады.

Препарат сору басталған соң 5 минут өткенде тамақтың ауыру қарқынын азайтады. Ауыруды басатын әсері 2 сағатқа дейін жалғасады.

Плацебомен салыстырғанда, ауыруды басатын айқын әсері препаратты 3 күн бойы курстық қолдану кезінде байқалады.

Қолданылуы

- ауыз қуысы мен жұтқыншақтың инфекциялы-қабыну ауруларын симптоматикалық емдеу үшін.

Қолдану тәсілі мен дозалары

Дозалау режимі

Препаратты симптомдарды бақылауға қажетті ең қысқа мерзім ішінде ең төмен тиімді дозада қабылдау керек.

Ересектер: әр 2-3 сағат сайын бір таблеткадан баяу сору керек. 24 сағат ішінде 12 таблеткадан артық қабылдауға болмайды.

Егде жастағы адамдар: егде жастағы адамдарда дозасын азайту қажет емес. Қолдану тәсілі

Таблетканы ауызда баяу сору қажет.

Жағымсыз әсерлері

Жиілігі белгісіз (қолда бар деректер негізінде бағалау мүмкін емес)

- аса жоғары сезімталдық реакциялары (аллергиялық реакциялар, бөртпе)

- жүрек айну, іштің ауыруы

- глоссодиния.

Әдеттен тыс реакциялар білінген жағдайда дәрігермен препаратты әріқарай қолданудың мақсатқа сай болуы жөнінде кеңесу керек.

Қолдануға болмайтын жағдайлар

- препарат компоненттерінің кез келгеніне жоғары сезімталдық

- фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі сияқты сирек тұқым қуалайтын синдромдары бар пациенттерге

- 18 жасқа дейінгі балаларға (препарат құрамында бояғыш - индигокармин (E 132) болуына байланысты).

Дәрілермен өзара әрекеттесуі

Басқа препараттармен клиникалық мәнді өзара әрекеттесулері анықталмаған.

Препаратты микробқа қарсы басқа жергілікті дәрілермен бір мезгілде қолдануға болады.

Айрықша нұсқаулар

Тамақтың ауыруы 3 күннен артыққа созылса немесе бас ауыруы, жүрек айну, құсумен қатар жүрсе, дәрігермен кеңесу керек.

Әр таблетканың құрамында 2.6 г қант бар, оны қант диабетімен ауыратын науқастар, сондай-ақ калориясы аз диета кезінде ескеру қажет. Ұзақ уақыт (екі және одан да көп апта) қолданғанда тістерді зақымдайтын әсер көрсетеді.

Егер ауыру симптомдары сақталса, нашарлай түссе немесе жаңалары пайда болса, препарат қабылдауды тоқтатып, дәрігермен кеңесу керек.

Жүктілік және лактация кезеңі

Препаратты жүктілік және бала емізу кезеңінде қолдану қауіпсіздігі жөнінде деректер жоқ, сондықтан егер ана үшін болжанатын пайдасы шарана мен сәбиге төнетін қауіптен асып түскен жағдайда ғана, препаратты қолдануға болады.

Дәрілік препараттың көлік құралын немесе басқа қауіптілігі зор механизмдерді басқару қабілетінеәсер ету ерекшеліктері

Препарат автокөлік пен механизмдерді басқару қабілетіне, сондай-ақ жоғары зейін қою мен психомоторлық реакциялар шапшаңдығын талап ететін басқа аса қауіпті қызмет түрлерімен айналысуға ықпалын тигізбейді.

Артық дозалануы

Симптомдары: асқазан-ішек жолы тарапынан жайсыздық.

Емі: симптоматикалық ем.

Шығарылу түрі және қаптамасы

Поливинилхлорид/поливинилиденхлорид (ПВХ/ПВДХ) үлбір мен алюминий фольгадан жасалған пішінді ұяшықты қаптамаға 12 таблеткадан салады.

Пішінді 2 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

25°С-ден аспайтын температурада сақтау керек.

Препаратты балалардың қолы жетпейтін жерде сақтау керек.

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз.

Өндіруші

Рекитт Бенкизер Хелскэр Интернешнл Лимитед,

Тейн Роуд, Ноттингем, NG90 2DB, Ұлыбритания

Тіркеу куәлігінің иесі

Рекитт Бенкизер Хелскэр Интернешнл Лимитед,

Тейн Роуд, Ноттингем, NG90 2DB, Ұлыбритания

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта):

«Рекитт Бенкизер Қазақстан» ЖШС, 050040, Алматы қ., Көктем-1 ы/а, 15 «А» үй, 302 кеңсе. Тел.: +7 (727) 356 07 52; +7 (727) 356 07 53; факс: +7 (727) 356 07 50; жедел желі тел.: 8-10-800-2000-82-20, 8-10-800-1000-82-20 (тегін қоңырау шалу). e-mail: contact_ru@rb.com, KazakhstanDSO@rb.com.

Қазақстан Республикасы аумағында дәрілік заттың тіркеуден кейінгі қауіпсіздігіне жауапты ұйымның атауы, мекенжайы және байланыс деректері (телефон, факс, электронды пошта):

Фармагейт Лтд., Қазақстан Республикасындағы өкіл: 050050, Алматы қ., Рысқұлов к-сі, 62-11; тел.: +7 (727) 397 31 51;

e-mail: saldibekova@pharmagate.co.uk.;

сайт: http://pharmagate.co.uk/contacts/report-on-adverse-reaction

Дәріханалар

Тауар артығымен бар
Тауар аз қалды
Аптека № 42, Шымкент (Нурсат, ЦОН)
мкр.Нурсат, 2
Круглосуточно
Аптека № 156, Шымкент, (ТД Фиркан)
ул.Капал Батыра, дом 4А
Круглосуточно
Аптека № 41, Шымкент, (ТЦ Гиперхауз)
угол Рыскулова - Дулати
9:00-22:00
Аптека № 19, Шымкент, (Медтехника)
проспект Республики, д.28
Круглосуточно
Аптека №4, Шымкент
мкр.Кызылжар ул.Жиделибайсын 92
09:00-23:00
Аптека № 89, Шымкент, (Тулпар городок)
Тулпар, Кайтпас-2
Круглосуточно
Аптека № 180, Шымкент, (СМУ-4)
ул. Гагарина, 149А
Круглосуточно
Аптека №139 (ПТ)
г. Шымкент, ул. Байтурсынова, 18
Круглосуточно
Аптека № 3, Шымкент, (Обл.больница)
ул.Казыбек би,18
Круглосуточно
Аптека Центральная № 99, Шымкент, (Янги-Шахар)
Тамерлановское шоссе, 30
Круглосуточно
Аптека № 51 Europharma (Аскарова)
ул.Аскарова 22
Круглосуточно
Аптека № 24, Шымкент, (11мкр, кафе Прага-9)
ул. Уалиханова, 223
Круглосуточно
Аптека № 157 ПТ
г. Шымкент, квартал 192, 359/18 мкр. Туран
Круглосуточно
Аптека № 228 Europharma (Самал)
мкр. Самал 2, участок 2414
Круглосуточно
Аптека № 252 Europharma (Нурсат)
мкр.Нурсат 157
Круглосуточно
Аптека № 72, Шымкент, (Кайтпас, мечеть)
мкр.Кайтпас-1, ул.Алматинское, б/н
Круглосуточно
Аптека № 23, Шымкент, (мкр.Спортивный)
мкр. Спортивный, д.24
Круглосуточно
Аптека № 26, Шымкент, (ТЦ Мега-центр)
ул. Тауке-хана, б/н
10:00-23:00
Аптека № 79, Шымкент, (ТЦ Арзан)
Тамерлановское шоссе,ТД Арзан
Круглосуточно
Аптека № 22 Europharma (Бейбитшилик)
ул.Бейбитшилик 20
Круглосуточно
Аптека №129
г. Шымкент, ул. Рыскулова, 44А
Круглосуточно
Аптека № 6, Шымкент, (Роща)
проспект Абая,33а
Круглосуточно
Аптека № 224 Europharma (Жангельдина)
ул.Жангельдина 5А
Круглосуточно
Аптека №166
г. Шымкент, мкр. Казгурт, тр.Туркестанское зд. 2/7
9:00-23:00
Аптека №289
мкр. Нурсат ул. Астана дом №82
09:00-23:00
Аптека №292
Каратауский район, мкр. Нуртас, квартал 190, ул. Жанакурылыс, зд 3933А
09:00-23:00
Аптека № 100, Шымкент, (Кунаева)
бульвар Кунаева, д.42, ВП-1
Круглосуточно
Аптека № 37, Шымкент, (Фосфорная больница)
ул.Еримбетова
09:00-23:00
Аптека № 101, Шымкент,(ГОДБ №1)
мкр.Нурсат 122А, ОДБ
09:00-23:00
Аптека №295
Байтурсынова №81
09:00-23:00