Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
Стопангин
Халықаралық патенттелмеген атауы
Жоқ
Дәрілік түрі, дозалануы
Жергілікті қолдануға арналған спрей, 30 мл
Фармакотерапиялық тобы
Респираторлық жүйе. Тамақ ауруын емдеуге арналған препараттар. Антисептиктер. Басқа да препараттар.
АТХ коды R02АА20
Қолданылуы
Ауыз қуысы мен көмейдің қабыну ауруларында:
- баспада, тонзиллитте, фарингитте, стоматитте, афталарда, глосситте, пародонтозда, пародонтопатияда, тіс альвеоласына инфекция жұққанда
- ауыз қуысы мен көмейдің зеңдік ауруларында (ауыз уылуында)
- операциялық араласуларға дейін және одан кейін
- ауыз қуысы мен көмейдің жарақаттануларында
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттеріне жоғары сезімталдық,
- атрофиялық типтегі құрғақ фарингит,
- 8 жасқа дейінгі балалар
- жүктіліктің I триместрі
Басқа дәрілік препараттармен өзара әрекеттесуі
Белгісіз
Арнайы ескертулер
Препаратты дәрігердің кеңесінсіз қабылдауға болмайды.
Препарат көзге тимеуі тиіс.
Құрамында 64% этанол бар.
Жүктілік және лактация кезеңі,
Препараттың жүкті және бала емізетін әйелдерде қолданылуы туралы жеткілікті деректер жоқ, сондықтан оны сақтықпен және тек оны қолданудың болжамды пайдасы ана мен бала үшін әлеуетті қауіптен асып түссе ғана қолдану керек.
Препараттыңкөлік құралын немесе қауіптілігі зор механизмдерді басқару қабілетіне әсер ету ерекшеліктері
Стопангин көлік құралдарын және жоғары зейін қоюды талап ететін қызметті басқаруға әсер етпейді.
Қолдану жөніндегі нұсқаулар
Ересектер және 8 жастан асқан балалар
Спрейді ауыз қуысындағы инфекция жұқтырылған беткейге 1-2 секунд демді ұстап тұрып шашыратады. Емшараны күніне 2-3 рет тамақтан кейін жасайды.
Препаратты 7 күннен асырмай қолданады.
Артық дозалану жағдайында қабылдануы қажеті шаралар
Стопангинмен артық дозалану туралы бірде-бір жағдай хабарланбаған.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
- ауыз қуысының шырышты қабығын уақытша күйдіруді сезіну
- сезімталдығы жоғары адамдарда айрықша жағдайларда аллергиялық реакциялар, оның ішінде ларингоспазм болуы мүмкін
- жүрек айнуы (препаратты кездейсоқ жұтып қойған жағдайда)
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі «Тауарлар мен көрсетілетін қызметтердің сапасы мен қауіпсіздігін бақылау комитеті» «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
30 мл ерітінді құрамында
белсенді зат –
қосымша заттар: анис эфир майы, эвкалипт эфир майы, апельсин ағашы (Нероли) гүлдерінен алынған эфир майы, бұрыш жалбызының эфир майы, левоментол, метилсалицилат, натрий сахаринат моногидраты, 85% глицерин, 96% этанол.
Сыртқы түрінің, иісінің, дәмінің сипаттамасы
Өзіне тән иісі бар мөлдір, түссіз немесе түссіз дерлік сұйықтық.
Шығарылу түрі және қаптамасы
30 мл-ден механикалық шашыратқышпен және шашыратқышты сақтандыратын қақпақпен жабдықталған пластмасса құтыда.
Әрбір құты аппликатормен жиынтықта медициналық қолдану жөніндегі нұсқаулықпен бірге картон қорапқа салынған.
Сақтау мерзімі
2 жыл
Жарамдылық мерзімі өткеннен кейін қолдануға болмайды!
Сақтау шарттары
Жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
«Teva Czech Industries s.r.o.», Чех Республикасы
Островска, 29\305Опава – Комаров, Чех Республикасы
tel: 420272182832, posta@sukl.cz
Тіркеу куәлігінің ұстаушысы
Teva Pharmaceutical Industries Ltd., Израиль
POB 353, Kfar Saba, Israel, phone: office 972-2-6551795, cell 972-50-6242452. fax:972-2-6551781, micahael.carmi@moh.health.gov.il
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ. 17/1, Нұрлы-Тау БО, 5Б, 6 қабат. Телефон: (727)3251615; е-mail: info.tevakz@tevapharm.com; веб сайт: www.teva.kz.
