Сималгель 300 мл, сусп.

Сипаттама

Дәрілік затты медициналық қолдану жөніндегі нұсқаулық

СИМАЛГЕЛЬ

Саудалық атауы

Сималгель

Халықаралық патенттелмеген атауы

Жоқ

Дәрілік түрі

Ішуге арналған суспензия, 300 мл

Құрамы

1 млсуспензияның құрамында

белсенді заттар: 0.08100 г құрғақ алюминий гидроксиді гелі, 0.02000 г магний гидроксиді, 0.02500 г симетикон,

қосымша заттар: 70% сорбит ерітіндісі, маннитол, 95% этанол, натрий метилгидроксибензоаты, лимон қышқылы моногидраты, натрий пропилгидроксибензоаты, сутегі асқын тотығының концентрацияланған ерітіндісі, натрий сахаринаты, бұрыш жалбызы майы, тазартылған су.

Сипаттамасы

Өзіне тән иісі бар сүт түстес ақ біртекті гомогенді суспензия.

Фармакотерапиялық тобы

Ас қорыту жолы және зат алмасу. Қышқылдығы бұзылуымен байланысты ауруларды емдеуге арналған препараттар. Антацидтер. Жел айдайтын препараттармен біріктірілген антацидтер. Тұз және жел айдайтын препараттардың қарапайым біріктірілімі.

ATХ коды A02AF02

Фармакологиялық қасиеттері

Фармакокинетикасы

Сималгель іс жүзінде сіңбейді және организмдегі электролиттік теңгерімді бұзбайды.

Алюминий гидроксиді алюминий хлоридін түзе отырып, асқазандағы тұз қышқылының артық бөлігін бейтараптандырады. Ішектің ішіндегі сілтілік заттардың әсерінен соңғысы алюминийдің сілтілі тұздарына айналады, ол нашар резорбцияланады және асқазан-ішек жолы (АІЖ) арқылы шығарылады. Қан сарысуындағы алюминий мөлшері бұл кезде мүлдем өзгермейді деуге болады.

Магний гидроксиді де магний хлоридіне айнала отырып, асқазандағы тұз қышқылын бейтараптандырады. Ішекте бұл тұз нашар резорбцияланатын магний карбонатын түзеді және қандағы магний иондарының концентрациясын айтарлықтай өзгертпейді.

Бүйректің созылмалы жеткіліксіздігі бар науқастарда қан сарысуындағы магний және алюминий иондарының деңгейі олардың шығарылуының бұзылуы нәтижесінде уытты шамаларға дейін артуы мүмкін.

Симетикон бүкіл асқазан-ішек жолы бойымен әсер етеді және инертті қосылыс түрінде келеді. Ол басқа заттардың сіңуіне әсер етпейді, жинақталмайды және жинақталуға ықпал етпейді, АІЖ pH мен химиялық ортасын өзгертпейді және өзгеріссіз күйде шығарылады.

Препарат ішке қабылдағаннан кейін 3-5 минуттан соң әсер етеді, әсерінің ұзақтығы 3 сағатқа дейін.

Фармакодинамикасы

Сималгель – бұл көпкомпонентті, алюминий мен магнийдің арақатынасы оңтайлы, жергілікті әсері бар сіңбейтін антацидтік препарат. Препарат оңтайлы буферлік әсер туғызады – асқазандағы pH мәнін 3,5-4,0 шегінде ұстап тұрады. Қышқылды бейтараптандыру әсері аса жоғары. Сималгель пепсин мен өт қышқылдарын сіңіреді, шырыш түзілуін және PgE2 простагландиндерінің синтезін күшейтеді, шырышты қабықты бүркемелеп тұрады және цитопротективтік әсер береді, зақымдалған тінде қорғаныс қабатын түзеді және төменгі эзофагеальді сфинктердің тонусын күшейтеді.

Құрамына кірістірілген беткейлік белсенді заты – симетикон, фазаларға бөліну шегіндегі беткейлік созылуын төмендетеді, бұл газ көпіршіктерінің түзілуін қиындатады және асқазан-ішек жолы шырышы мен ішіндегілердің жүзіндісінде ыдырауына ықпал етеді. Симетикон антацидтермен бірге қолданғанда олардың бүркемелегіш әсерін күшейтеді және сол арқылы, шырышты қабықты зиянды факторлардың әсерінен қорғайды.

Қолданылуы

• диспепсия
• қыжыл
• метеоризм

Қолдану тәсілі және дозалары

Ішуге арналған суспензия.

Қолданар алдында суспензиясы бар құтыны жақсылап шайқау қажет. Ересектерге тәулігіне 4 рет 10 мл-ден тамақтың алдында 30 – 40 бұрын (егер дәрігер басқаша көрсетпесе) қабылдау керек.

Рефлюкс-эзофагитте препаратты тамақтан соң 1 сағаттан кейін қабылдайды. Емдеу курсы 2-3 айды құрайды.

Анда-санда қолданғанда (диетағы ауытқулардан кейінгі жайсыздықта) – бір рет 10мл.

Жағымсыз әсерлері

- жүрек айнуы, құсу, іштің қатуы, диарея, дәм сезудің өзгеруі

- артралгиялар, остеомоляция, остеопороз

- Альцгеймер ауруының өршуі (егде жастағыларда)

- аллергиялық реакциялар: гиперемия, бронх түйілуі, қышыну, терідегі бөртпе, есекжем

- артериялық қысымның төмендеуі

- гипорефлексия (бүйректің созылмалы жеткіліксіздігінде)

- фосфор, кальций, магний алмасуының бұзылуы (ұзақ уақыт қолданғанда)

- энцефалопатия

- нефрокальциноз

Қолдануға болмайтын жағдайлар

- препарат компоненттеріне жоғары сезімталдық

- бүйрек функциясының бұзылуы

- 18 жасқа дейінгі балалар мен жасөспірімдерге

- жүктілік және лактация кезеңі

- тұқым қуалайтын фруктозаны көтере алмаушылық

- бауыр ауруы

- Альцгеймер ауруы

- ішектің бітелуі, АІЖ обструкциялық аурулары

- гипофосфатемия

Дәрілермен өзара әрекеттесуі

Симетикон левотироксиннің сіңірілуін тежейді немесе азайтады.

Сималгель препаратын полистиролсульфонатпен бір мезгілде қолдану кезінде калийдің шайырмен байланысу тиімділігінің төмендеуі және бүйрек жеткіліксіздігі (алюминий гидроксиді және магний гидроксиді үшін) және ішек обструкциясы (алюминий гидроксиді үшін) бар пациенттерде метаболиздік алкалоз дамуының потенциальді қаупіне байланысты сақтық таныту ұсынылады.

Сималгель, мына дәрілік препараттармен: тетрациклиндік қатардың антибиотиктерімен, гистаминдік H2 – рецепторлардың блокаторларымен, темір тұздарымен, ципрофлоксацинмен, фенотиазинмен, изониазидпен, бета-адреноблокаторлармен, индометацинмен және кетокенозолмен, хлорпромазинмен, рифампицинмен, цефдинирмен, цефподоксиммен, левотироксинмен, розувастатинмен, дәрумендермен бір мезгілде қабылдағанда олардың емдік әсерін төмендетуге қабілетті.

Сималгель каптоприлдің плазмадағы концентрациясы мен оның салыстырмалы биожетімділігін азайтады. Каптоприлді препаратты қабылдағанға дейін 2 сағат бұрын қолдану қажет.

Сималгельді хинолондармен бірге қолдануға болмайды.Препаратты дигоксин мен пропранололды қабылдаудан 2 сағат бұрын немесе қабылдағаннан кейін қолдану керек, өйткені Сималгель олардың биожетімділігін азайтады.

Сималгель препараты хинидиннің шығарылуын бұзуы мүмкін, бұл әсіресе, бүйрек функциясының бұзылулары бар науқастарда хинидинмен уыттанудың пайда болуына алып келуі мүмкін. Антацид пен салицилаттарды бір мезгілде қабылдау сарысудағы салицилаттар деңгейінің едәуір төмендеуіне алып келуі мүмкін.

Айрықша нұсқаулар

Алюминий гидроксиді АІЖ нашар сіңеді, сондықтан бүйрек функциясы қалыпты пациенттерде жүйелік әсердің туындауы сирек кездеседі. Алайда ұзақ емдеу, препараттың шамадан тыс жоғары дозаларын пайдалану немесе препараттың қалыпты дозаларын пайдалану фосфаттардың тамақпен аз түсу аясында фосфат жетіспеушілігіне (алюминийдің фосфатпен байланысуынан, сүйек тінінің резорбциясы күшеюі мен остеомаляцияның даму қаупі бар гиперкальциуриямен қатар жүретін) әкелуі мүмкін. Фосфат жеткіліксіздігінің даму қаупі бар пациенттерді емдеуді немесе препаратты ұзақ уақыт қолдануды медициналық бақылаумен жүзеге асыру керек.

Бүйрек жеткіліксіздігі кезінде магний мен алюминийдің плазмалық концентрациясы жоғарылауы мүмкін. Бұл пациенттерде препаратты жоғары дозада ұзақ қолданған кезде энцефалопатия, деменция, микроцитарлық анемия дамуы немесе диализден туындаған остеомаляцияның ушығуы мүмкін.

Пациенттерге орталық жүйке жүйесінің аурулары кезінде; маскүнемдік пен эпилепсияданзардап шегетіндергесақтықпен қолдану керек, өйткені құрамында этанол бар.

Сималгель мен басқа дәрілік заттарды бірге қолданғанда қабылдаулар аралығы кемінде 2 сағатты құрауы тиіс.

Сималгель препаратының құрамында натрий сахаринаты бар, сондықтан қант диабеті бар науқастарда сақтықпен қолдану керек, соған байланысты натрийдің басқа тұздарын тұзсыз диета ұстанып жүрген адамдарға сақтықпен қолдану керек.

Препаратты ұзақ уақыт қолданғанда қандағы фосфор мен магний құрамын бақылауға алу ұсынылады.

Ұзақ уақыт қабылдағанда егде жастағы науқастарда сақтықпен тағайындау керек.

Препараттың құрамында пропилгидроксибензоат қосымша заты бар, ол есекжем тудыруы мүмкін.

Дәрілік заттың көлік құралдарын және қауіптілігі зор механизмдерді басқару қабілетінеәсер ету ерекшеліктері.

Құрамында этанол болғандықтан, көлік құралын басқаруда немесе қауіптілігі зор механизмдермен жұмыс жасауда сақ болу керек.

Артық дозалануы

Симптомдары: кальций, магний, фосфор алмасуының бұзылулары (әлсіздік, сүйектердің ауыруы, терінің қызаруы, қалыпсыз мінез-құлық), метаболизмдік алкалоз белгілері: көңіл-күйдің өзгерістері, күйгелектік және қатты қажығыштық, тыныстың баяулауы, жағымсыз дәм сезінулер.

Емі: асқазанды шаю, құстыру, белсендірілген көмірді қабылдау.

Шығарылу түрі және қаптамасы

300 мл препараттан қақпағы бар, күңгірт шыныдан жасалған құтыға салады.

1 құтыдан, дозалағыш стақаннан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапқа салады.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Е.И.П.И.Ко.»

Тенс ов Рамадан Сити, Бірінші өндірістік аймақ B1, а/ж 149 Тенс, Мысыр

Тіркеу куәлігінің ұстаушысы

«УОРЛД МЕДИЦИН ЛИМИТЕД», Лондон/Ұлыбритания

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

Қазақстан Республикасы, Алматы, Түрксіб ауданы, Сүйінбай даңғ., 222 б

Тел/факс: 8(7272) 529090, www.worldmedicine.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«TROKA-S PHARMA» ЖШС, Алматы, Сүйінбай даңғылы 222б

Тел: +7 701 786 33 98, (24 сағат қолжетімділік).

е-mail: pvpharma@worldmedicine.kz

Дәріханалар