Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша-парақ)
Саудалық атауы
Проспан®, жөтелге қарсы көпіршитін таблеткалар
Халықаралық патенттелмеген атауы
Жоқ
Дәрілік түрі
Көпіршитін таблеткалар
Фармакотерапиялық тобы
Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Қақырық түсіретін препараттар. Шырмауық жапырақтары экстрактісі.
АТХкоды R05CA12
Қолданылуы
Кешенді емде симптоматикалық дәрі ретінде:
- бронхтардың созылмалы қабыну аурулары
-тыныс алу жолдарының жөтелмен қатар жүретін жедел және созылмалы қабыну аурулары
Қолданылуға дейінгі қажетті мәліметтер тізімі
Қолдануға болмайтын жағдайлар
- препараттың белсенді затына немесе қандай да бір басқа компонентіне аса жоғары сезімталдық
- 6 жасқа дейінгі балалар
- жүктілік және лактация кезеңі
- фруктоза жақпаушылығы бар пациенттер
Қолдану кезіндегі қажетті сақтық шаралары
Әрбір көпіршитін таблетканың құрамында 6,58 ммоль (немесе 151,33 мг) натрий бар. Бұл натрий бақыланатын диетаны (натрийдің төмен мөлшері/ас тұзының төмен мөлшері) қажет ететін пациенттер қолданғанда ескерілуі тиіс.
Егер ауру симптомдары кетпесе немесе ентігу, қызба, сондай-ақ, жөтелген кезде іріңді немесе қанды қақырық пайда болса, жедел түрде дәрігермен кеңесу керек.
Басқа дәрілік препараттармен өзара әрекеттесу
Анықталмаған
Арнайы ескертулер
Проспан жөтелге қарсы көпіршитін таблеткалар құрамына кіретін хош иістендіргіш құрамында лактоза (бір көпіршитін таблеткада 29,7 мг) бар. Сирек тұқым қуалайтын галактоза жақпаушылығы, лактаза тапшылығы және глюкоза-галактоза мальабсорбциясы бар пациенттер бұл препаратты қабылдамағаны жөн.
1 көпіршитін таблетка құрамында 0,382 г көмірсу = 0,03 нан бірлігі бар.
Кодеин жәнежөтелге қарсы қолданылатын басқа дәрілік заттары бардәрілермен бір мезгілде қолдануға болмайды. Гастрит немесе асқазанның ойық жарасы бар пациенттер сақтықпен қолдануы керек.
Препараттың көлік құралына немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Қолдану жөніндегі нұсқаулар
Дозалау тәртібі
Ересектер мен 12 жастан асқан балаларға 1 көпіршитін таблеткадан таңертең және ½ көпіршитін таблеткадан кешке (күніне шырмауық жапырақтарының құрғақ экстрактісінің 97,5 мг сай келеді),6 жастан 12 жасқа дейінгі балаларға – ½ көпіршитін таблеткадан (күніне 65 мг шырмауық жапырақтарының құрғақ экстрактісі) күніне 2 рет тағайындайды.
Таблеткаларды ортасынан бөлуге болады.
Енгізу жолдары және тәсілі
Пероральді, көпіршитін таблеткаларды таңертең және кешке, алдын ала бір стақан (шамамен 100-200 мл) суда ерітіп қабылдайды. Таблеткаларды еріту үшін ыстық, сондай-ақ суық суды да пайдалануға болады.
Емделу ұзақтығы
Емдеу ұзақтығы әрбір нақты жағдайда ауру көрінісінің сипатына және ауырлығына қарай анықталады; алайда, тіпті тыныс алу жолдарының жеңіл қабыну ауруларында ол кемінде 1 аптаны құрауы тиіс.
Одан бөлек, препараттың көмегімен емнің тұрақты емдік әсеріне қол жеткізу мақсатында, ауру симптомдары қайтқаннан кейін 2-3 күнге жалғастыру ұсынылады.
Артық дозалану жағдайында қабылдау қажет болатын шаралар
Симптомдары: препаратты көп мөлшерде (тәуліктік дозадан үш есе жоғары) қабылдау жүрек айнуына, құсуға және диареяға әкелуі мүмкін.
Емі: симптоматикалық.
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет болса)
Өте сирек (< 1/10.000):
- тұншығу, Квинке ісінуі, тері бөртпесі, есекжем, қышыну сияқты аллергиялық реакциялар
Сирек (≥ 1/10. 000 - < 1/1.000):
- сезімталдығы жоғары пациенттерде жүрек айнуы, құсу және диарея сияқты асқазан-ішек бұзылыстары.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Жағымсыз әсерлер бойынша ақпараттық деректер базасы
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша ақпараттар
Дәрілік препараттың құрамы
Бір таблетка құрамында
белсенді зат: шырмауық жапырақтары құрғақ экстрактісі ((5-7.5):1) – 65.00 мг
қосымша заттар:сусыз лимон қышқылы, натрий гидрокарбонаты, сусыз натрий карбонаты, маннитол, симетикон, натрий сахарині, натрий цикламаты, натрий цитраты, сорбитол, триглициридтер, макроголглицеролгидроксистеарат, апельсин хош иістендіргіші.
Сыртқы түрінің, иісінің, дәмінің сипаттамасы
Апельсин дәмі және иісі, бір жағында сызығы бар теңбілді дөңгелек қоңырқай таблеткалар.
Шығарылу түрі және қаптамасы
2 таблеткадан алюминий фольгадан жасалған, перфорацияланған пішінді ұяшықсыз қаптамаға салынады.
5 пішінді ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Сақтау шарттары
25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
Энгельхард Арцнаймиттель ГмбХ & Ко. КГ
Херцбергштрассе 3, 61138 Нидердорфельден, Германия
Тел./факс: +49-6101-539 300,+49-6101-539 663
E-mail: info@engelhard.de
Тіркеу куәлігінің ұстаушысы
Энгельхард Арцнаймиттель ГмбХ & Ко. КГ
Херцбергштрассе 3, 61138 Нидердорфельден, Германия
Тел./факс: +49-6101-539 300,+49-6101-539 663
E-mail: info@engelhard.de
Қазақстан Республикасы аумағында тұтынушылардан дәрілік заттың сапасы бойынша шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды поштасы)
«Альпен Фарма» ЖШС, Қазақстан Республикасы,
Алматы обл., Қарасай ауданы, Елтай ауылдық округы, Көкөзек а. 1044 құрылысы
Тел./факс+ 7 727 232-34-73,
+ 7 727 232-34-74
E-mail: info.kazakhstan@alpenpharma.com
