Пиколакс 0,75% 15 мл капли

Сипаттама

Дәрілік заттың медицинада қолданылуы

жөніндегі нұсқаулық

ПИКОЛАКС

Саудалық атауы

Пиколакс

Халықаралық патенттелмеген атауы

Натрий пикосульфаты

Дәрілік түрі

Ішуге арналған тамшылар

Құрамы

1 мл препараттың құрамында

белсенді зат: 100 % затқа шаққанда натрий пикосульфаты - 7,5 мг (20 тамшы);

қосымша заттар: сорбит (Е 420), натрий метилпарагидроксибензоаты (Е 219), 1 М хлорсутек қышқылының ерітіндісі рН 6,0-ден 7,0-ге дейін, инъекцияға арналған су.

Сипаттамасы

Мөлдір түссіз немесе сарғыш түсті сұйықтық

Фармакотерапиялық тобы

Жанаспалы іш жүргізгіш дәрілер. Натрий пикосульфаты

ATХ коды A06A В08

Фармакологиялық қасиеттері

Фармакокинетикасы

Ішке қабылдағаннан кейін елеулі сіңірілусіз тоқ ішекке жетеді, ол жерде бактерия флораларының әсерінен белсенді түрін (бос дифенол) түзе отырып ыдырайды. Іш жүргізетін әсері қабылдағаннан кейін 6-12 сағаттан соң дами бастайды, іш жүргізетін әсерінің айқындығы қан плазмасындағы белсенді дифенол деңгейімен өзара байланыспайды. Курстық емдеуде Пиколакс ішектің қалыпты микрофлорасының көбеюі мен метаболикалық белсенділігін көтермелейді.

Фармакодинамикасы

Триарилметан тобының жанаспалы іш жүргізгіш дәрісі, тоқ ішекте бактериялық сульфатазалардың әсерінен белсенділенеді; сол кезде босап шығатын зат ішектің шырышты қабығының сезімтал жүйке ұштарын көтермелейді, оның моторикасын күшейтеді. Препаратты қолдану ішектің тенезмдерімен және түйілулерімен қатар жүрмейді.

Қолданылуы

- іштің қатуында

- дефекацияны жеңілдетуді қажет ететін жағдайларда

Қолдану тәсілі мен дозалары

Препарат өндірушінің дозаторымен дозаланады. Ересектер мен 10 жастан асқан балаларға 13-27 тамшы (5-10 мг); 4 жастан 10 жасқа дейінгі балаларға 7-13 тамшы (2,5-5 мг). 4 жасқа толмаған балаларға кг дене салмағына 250 мкг немесе баланың 3 кг дене салмағына 2 тамшыдан дозалау ұсынылады. Балаларға препаратты тамаққа қосып беруге болады.

Балаларда препаратты бір рет қабылдау тиімді болады. Қажет болса балаға емдеу курсын ұзартуға болады, бірақ оны үш күнмен шектеген дұрыс.

Үлкен дәретке бару келесі күні таңертеңгілік болуы үшін, Пиколаксты түнге қарай қабылдау керек.

Пиколакс апиындардың жоғары дозаларын қабылдайтынонкологиялық науқастарда іштің қатуын қайтару үшін, дәрігердің тағайындауы бойынша қолданады.

Жағымсыз әсерлері

- тері бөртпесі

- есекжем

- қышыну

- калий, натрий және басқа да электролиттерді жоғалту

- дегидратация дамуы мүмкін

- диспепсиялық құбылыстар

- құсу

- жүрек айнуы

- іштің түйілуі және ауыруы

- диарея

- метеоризм

- асқазан мен анус тұсының ауырсыну сезімі

- ішек моторикасының күшеюі

- аллергиялық реакциялар

- ангионевротикалық ісіну

- бас ауыруы

- қатты қажу

- ұйқышылдық

- құрысулар

Қолдануға болмайтын жағдайлар

- ішек бітелісі

- ішектің жедел қабыну аурулары

- құрсақ қуысының жедел аурулары (соның ішінде, жедел аппендицит, спецификалық емес ойық жаралы колит, перитонит)

- жүрек айнуымен және құсумен қатар жүретін жедел абдоминальді ауыру, ол жоғарыда аталған жедел қабыну ауруларын білдіруі мүмкін

- белгісіз сипаттағы іш ауыруы

- ауыр дегидратация

- натрий пикосульфатына және препараттың басқа компоненттеріне жоғары сезімталдық.

Дәрілермен өзара әрекеттесуі

Электролиттік теңгерімнің бұзылуы жүрек гликозидтеріне толеранттылықтың төмендеуіне алып келуі мүмкін. Диуретиктер немесе глюкокортикостероидтар Пиколаксты жоғары дозаларда қолданудан туындаған гипокалиемияның айқындығын күшейтуі мүмкін. Антибиотиктермен бір мезгілде емдеу препараттің іш жүргізгіш әсерін төмендетуі мүмкін

Айрықша нұсқаулар

Басқа да іш жүргізгіш дәрілер сияқты, Пиколаксты ұзақ уақыт бойы күнделікті қабылдауға болмайды. Іш жүргізетін дәрілерді күн сайын қабылдау қажет болса, іш қатуының себебін анықтау керек. Іш жүргізетін дәрілерді ұзақ уақыт бойы қабылдау электролиттік теңгерімнің бұзылуына және гипокалиемияға, сондай-ақ «дағдылану» мен «рикошет» әсері салдарынан іштің қатуына алып келуі мүмкін. Егде жастағы адамдарға, гипокалиемия кезінде, қандағы магний құрамы жоғары болғанда, организмі әлсіз емделушілерге сақтықпен пайдалану керек.

Пиколакс апиындардың жоғары дозаларын қабылдайтын онкологиялық науқастарда іштің қатуын қайтаруда тиімді. Препараттың құрамында сорбит бар, сондықтан тұқым қуалайтын фруктозаны көтере алмаушылығы бар емделушілерге оны қолдану ұсынылмайды

Жүктілік және лактация

Натрий пикосульфатының жүктілік ағымына және ұрықтың дамуына теріс әсері анықталмаған, алайда препаратты жүктілік кезінде тек, егер анасы үшін күтілетін пайдасы ұрық үшін ықтимал қауіптен асатын болса ғана қолдануға болады. Натрий пикосульфаты емшек сүтімен бөлініп шықпайды, бірақ Пиколакс препаратын лактация кезеңінде қолдану қажет болса, бала емізуді тоқтату керек.

Педиатрияда қолданылуы. Балаларға дәрігердің кеңесінсіз Пиколаксты қабылдауға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Емдік дозаларда препарат автокөлік құралдарын басқару және басқа механизмдермен жұмыс жасау қабілетіне әсер етпейді.

Артық дозалануы

Симптомдары. Пиколакстың жоғары дозалары нәжістің сұйылуын, іштің түйілуін (шаншуларды) және клиникалық су-электролитті теңгерімнің елеулі бұзылуларын (гипокалиемия, басқа электролиттер мен сұйықтықтарды жоғалту), тоқ ішектің шырышты қабығының ишемиясын тудыруы мүмкін. Ұзақ уақыт бойы артық дозалану созылмалы диареяның және іш ауыруының, гипокалиемияның, салдарлы гиперальдостеронизмнің дамуына алып келуі мүмкін, бүйректің зақымдалуы және нефролитиаз, метаболикалық алкалоз, гипокалиемия және гипокалиемияның нәтижесі ретінде бұлшықет әлсіздігі дамуы мүмкін.

Емі. Асқазанды шаю, энтеросорбенттерді (белсенділендірілген көмір) қабылдау, симптоматикалық ем (су-электролиттік теңгерімді түзету, спазмолитиктерді қабылдау).

Шығарылу түрі және қаптамасы

15 мл немесе 30 мл-ден пломбалары бар қақпақтармен тығындалған (бірінші ашылуы бақыланатын) дозаторлары бар полиэтиленнен жасалған мөлдір немесе мөлдір емес құтыларда немесе тамшылатқыш тығындармен және қалпақшалармен тығындалған, полиэтиленнен жасалған құтыларда.

Құтыларға өздігінен жабысатын заттаңбалар жапсырылады.

Әр құтыны медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салады.

Сақтау шарттары

Жарықтан қорғалған жерде, 15 ⁰С-ден 25 ⁰С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецептісіз.

Өндіруші

“Фармак” ЖАҚ, Украина, 04080, Киев қ., Фрунзе к-сі, 63.

Тіркеу куәлігінің иесі

“Фармак” ЖАҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымныңмекенжайы

Қазақстан Республикасы, 050009 Алматы қ., Абай к-сі 157, 5 кеңсе

Тел/факс: +7 (727) 250 66 23, электронды поштасы: Djatlova88@mail.ru

Дәріханалар