Біздің компаниямыз жайлы жалпы ақпарат.
Дәрілік препаратты медициналық
қолдану жөніндегі нұсқаулық (Қосымша парақ)
Саудалық атауы
Пантокальцин®
Халықаралық патенттелмеген атауы
Гопантен қышқылы
Дәрілік түрі, дозасы
Таблеткалар, 500 мг
Фармакотерапиялық тобы
Жүйке жүйесі. Психоаналептиктер. Зейін қою тапшылығы мен аса жоғары белсенділікте қолданылатын психостимуляторлар. Басқа психостимуляциялайтын және ноотропты дәрілер.
АТХ коды: N06BX
Қолданылуы
–мидың органикалық зақымданулары мен невроздық бұзылыстар кезіндегі когнитивті бұзылуларда
–ми қантамырларының атеросклероздық өзгерістері туындатқан цереброваскулярлық жеткіліксіздікті; сенильді деменция (бастапқы түрі), кемел жастағы және егде жастағы адамдарда мидың резидуалды органикалық зақымдануларын кешенді емдеу құрамында
–шизофрениямен ауыратын науқастардағы (нейролептиктермен, антидепрессанттармен біріктірілімде) церебральді органикалық жеткіліксіздікте
–жүйке жүйесінің тұқым қуалайтын аурулары бар(Гентингтон хореясы, гепатоцеребральді дистрофия, Паркинсон ауруы және т. б.) науқастардағы экстрапирамидалық гиперкинезде
–ауырыпөткен нейроинфекциялар мен бассүйек-ми жарақаттарының салдарында (кешенді ем құрамында)
–нейролептиктердің жағымсыз әсерін түзетуде және бір мезгілде
"бүркемелеу емі" ретіндегі профилактикалық мақсатта; экстрапирамидалық нейролептикалық синдромда (гиперкинетикалық және акинетикалық)
–психикалық үдерістер баяулайтын эпилепсияда (құрысуға қарсы препараттармен біріктірілімде)
–психоэмоциялық жүктемелер, ақыл-ой мен дене жұмысына қабілеттіліктің төмендеуі; зейін қою мен есте сақтауды жақсарту үшін
–несеп шығару бұзылыстары: энурез, несепті күндізгі ұстай алмау, поллакиурия, императивті қысылу
–ақыл-ой кемістігі бар балаларда (психикалық, сөйлеу, моторлық дамудың кешеуілдеуі немесе олардың бірігуінде), балалардың церебральдық салдануы; кекештену (көбіне клоникалық түрде болатын); эпилепсия кезінде (құрысуға қарсы препараттармен біріктірілген ем құрамында, әсіресе полиморфты ұстамалар мен шамалыэпилепсиялықұстамалар кезінде).
Қолдану басталғанға дейін қажетті мәліметтер тізбесі
Қолдануға болмайтын жағдайлар
Қолдану кезінде қажетті сақтық шаралары
Ұзақ емдеу жағдайында басқа ноотропты және орталық жүйке жүйесін көтермелейтін дәрілік заттармен бір мезгілде тағайындау ұсынылмайды.
Басқа дәрілік препараттармен өзара әрекеттесуі
Барбитураттардың әсерін ұзартады; орталық жүйке жүйесін көтермелейтін препараттардың, құрысуға қарсы дәрілік заттардың, жергілікті анестетиктердің (прокаин) әсерін күшейтеді. Фенобарбитал, карбамазепин, психозға қарсы дәрілердің (нейролептиктер) жағымсыз әсерін болдырмайды.
Гопантен қышқылының әсері глицин, ксидифонмен бірге күшейеді.
Жергілікті анестетиктердің (новокаин) әсерін үдетеді.
Арнайы ескертулер
Педиатрияда қолдану
4 жасқа дейінгі балаларға қолданылмайды.
Жүктілік немесе лактация кезінде
Жүктілік кезінде (І триместр) және бала емізу кезінде қолданылмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Мүмкін болатын өтпелі жағымсыз құбылыстарға (ұйқышылдық, бастың шуылдауы) байланысты емнің басында автокөлікті немесе басқа қауіптілігі зор механизмдерді басқару кезінде сақ болу керек.
Қолдану бойынша ұсынымдар
Ересектерге арналған бір реттік доза 0,5-1 г, балалар үшін - 0,25-0,5 г; ересектерге арналған тәуліктік доза - 1,5-3 г, балалар үшін - 0,75-3 г.
Балаларға, ақыл-ой кемістігі кезінде: 0,5 г.
Балаларға, сөйлеу дамуы кешеуілдеген кезде: 0,5 г.
Нейролептикалық синдром кезінде (нейролептикалық дәрілердің жағымсыз әсерін түзеткіш ретінде): ересектерге 0,5 - 1 г, балаларға -0,25-0,5 г.
Эпилепсия кезінде: балаларға 0,25-0,5 г, ересектерге 0,5-1 г.
Гиперкинез (тартылулар) кезінде: балаларға 0,25-0,5 г, ересектерге 1,5-3 г.
Несеп шығару бұзылыстарында: ересектерге 0,5-1 г (тәуліктік доза 2-3 г), балаларға 0,25-0,5 г (тәуліктік доза 25-50 мг/кг).
Нейроинфекция және бассүйек-ми жарақаттарының салдары кезінде: 0,25 г.
Жоғары жүктемелер мен астениялық жағдайларда жұмыс қабілеттілігін қалпына келтіру үшін: 0,25 г.
Балаларға дозаны дәрігер жекелей тағайындайды (клиникалық көрсетілімдерге байланысты).
Енгізу әдісі мен жолы
Ішке, тамақтанудан соң 15-30 минуттан кейін.
Қабылдау уақыты көрсетілген қолдану жиілігі
Балаларға, ақыл-ой кемістігі кезінде: күніне 4-6 рет.
Балаларға, сөйлеу дамуы кешеуілдеген кезде: күніне 3-4 рет.
Нейролептикалық синдром кезінде (нейролептикалық дәрілердің жағымсыз әсерін түзеткіш ретінде): ересектерге күніне 3 рет, балаларға күніне 3-4 рет.
Эпилепсия кезінде: балаларға күніне 3-4 рет, ересектерге күніне 3-4 рет, күн сайын.
Гиперкинез (тартылулар)кезінде: балаларға күніне 3-6 рет, ересектерге тәуліктік дозаны 2-3 қабылдауға бөлуге болады.
Несеп шығару бұзылыстарында: күніне 2-3 рет.
Нейроинфекция және бассүйек-ми жарақаттарының салдары кезінде: күніне 3-4 рет.
Жоғары жүктемелер мен астениялық жағдайларда жұмыс қабілеттілігін қалпына келтіру үшін: күніне 3 рет.
Балалар үшін емдеу режимін дәрігер жеке тағайындайды (клиникалық көрсетілімдерге байланысты).
Емдеу ұзақтығы
Емдеу курсының ұзақтығы 1 айдан 4 айға дейін, жекелеген жағдайларда - 6 айға дейін.
3-6 айдан кейін емдеу курсын қайталап жүргізуге болады.
Балаларға емдеу сызбасын дәрігер жеке тағайындайды (клиникалық көрсетілімдерге байланысты).
Балаларға, ақыл-ой кемістігі кезінде: емдеу курсының ұзақтығы 3 ай.
Балаларға, сөйлеу дамуы кешеуілдеген кезде: емдеу курсының ұзақтығы 2-3 ай.
Нейролептикалық синдром кезінде (нейролептикалық дәрілердің жағымсыз әсерін түзеткіш ретінде): емдеу курсының ұзақтығы-1-3 ай.
Эпилепсия кезінде: ұзақ уақыт бойы (6 айға дейін).
Гиперкинез (тартылулар) кезінде: балаларда емдеу курсының ұзақтығы 1-4 ай, ересектерде-1-5 ай.
Несеп шығару бұзылыстарында: емдеу курсының ұзақтығы 2 аптадан 3 айға дейін (бұзылыстардың айқындылығы мен емдік әсеріне байланысты).
Артық дозалану жағдайында қабылдануы қажет шаралар
Симптомдары: жағымсыз әсерлердің күшеюі.
Емі: асқазанды шаю, белсендірілген көмір, симптоматикалық ем.
Дәрілік препараттың бір немесе бірнеше дозасын өткізіп алған кездегі қажетті шаралар
Жекелеген дозаларды өткізіп алған жағдайда препараттың екі еселенген дозасын қабылдауға болмайды.
Тоқтату симптомдары қаупінің болуын көрсету
Осы уақытқа дейін тоқтату симптомдары туралы хабарланған жоқ.
Дәрілік затты қабылдамас бұрын дәрігермен немесе фармацевтпен кеңесіңіз.
ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар
Сирек
- аллергиялық реакциялар: ринит, конъюнктивит, тері бөртпелері
Өте сирек:
- ұйқының бұзылуы
- ұйқышылдық
- бастың шуылдауы
Белгісіз (қолда бар деректер негізінде бағалау мүмкін емес)
- жедел бауыр энцефалопатиясы (пантотен қышқылының тапшылығы салдарынан)
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Бір таблетканың құрамында:
белсенді зат - гопантен қышқылы (гопантен қышқылы немесе гопантен қышқылының кальций тұзы), 500 мг,
қосымша заттар: негізгі магний гидроксикарбонаты, кальций стеараты, тальк, картоп крахмалы.
Сыртқы түрінің, иісінің, дәмінің сипаттамасы
Жалпақ цилиндр пішінді, ойығы мен сызығы бар, ақ түсті таблеткалар.
Шығарылу түрі және қаптамасы
5 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
Жарамдылық мерзімі өткеннен кейін қолдануға болмайды!
Сақтау шарттары
Жарықтан қорғалған жерде, 25° °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
«Валента Фарм» АҚ
141101, Ресей, Мәскеу облысы, Щелково қ., Фабричная к-сі, 2-үй.
Телефон: +7 (495) 933-48-62, факс +7 (495) 933-48-63
Электронды пошта: moscowoffice@valentapharm.com
Тіркеу куәлігінің ұстаушысы
«Валента Фарм» АҚ
141101, Ресей, Мәскеу облысы, Щелково қ., Фабричная к-сі, 2-үй.
Телефон: +7 (495) 933-48-62, факс +7 (495) 933-48-63
Электронды пошта: moscowoffice@valentapharm.com
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Валента Фармацевтика» акционерлік қоғамының Қазақстан Республикасындағы өкілдігі
Қазақстан Республикасы, 050009, Алматы қаласы, Алмалы ауданы, Абай даңғылы, № 151 үй, № 1106 кеңсе
Тел: +7 (727) 3341551 ішкі 4027
Моб.+7 771 779 79 37
Электронды пошта: asia@valentapharm.com