Панаш 30 гр крем

Сипаттама

Дәрілік затты медициналық қолдану

жөніндегі нұсқаулық

ПАНАШ®

▼ Бұл дәрілік препаратты қосымша мониторингілеу керек. Бұл қауіпсіздік бойынша жаңа ақпаратты жылдам анықтауға мүмкіндік береді. Біз денсаулық сақтау жүйесі қызметкерлерінен күдік болған кез-келген жағымсыз реакциялар туралы хабарлауын өтінеміз.

Саудалық атауы

ПАНАШ®

Халықаралық патенттелмеген атауы

Тиоколхикозид

Дәрілік түрі

Крем 0.25%

Құрамы

Бір грамм кремнің құрамында

белсенді зат – тиоколхикозид 2.5 мг,

қосымша заттар: карбомер (карбопол 940), динатрий эдетаты, сұйық жеңіл парафин, изопропил спирті, пропиленгликоль, глицерин (глицерол), натрий гидроксиді пеллеттері, изопропилмиристат (Kollicream IPM), полиоксил 40 (гидрогенделген майсана майы (Cremophor RH40)), тазартылған су.

Сипаттамасы

Бозғылт-сарыдан сары түске дейінгі тұтқыр крем

Фармакотерапиялық тобы

Сүйек-бұлшықет жүйесі ауруларын емдеуге арналған препараттар. Миорелаксанттар. Орталықтық әсер ететін миорелаксанттар. Орталықтық әсер ететін басқа миорелаксанттар. Тиоколхикозид.

АТХ коды MO3BX05

Фармакологиялық қасиеттері

Фармакокинетикасы

Жергілікті қолданғанда жүйелі қан ағымына мүлдем өтпейді. Шамамен 70% белсенді зат препаратты жаққан орынға жинақталады. Ақуыздармен байланысуы (негізінен альбуминмен) 13%-ды құрайды. Тиоколхикозид және оның метаболиттері негізі нәжіспен шығарылады.

Фармакодинамикасы

Тиоколхикозид - колхицин және күкірттің табиғи жалған алкалоидтан жасалған жартылай синтетикалық заты, колхикозидтың бұлшықет босаңсытатын фармакологиялық белсенділігі бар туынды.

Тиоколхикозид бұлшықетті босаңсытушы әсер етеді (бұлшықет релаксанты), орталықтан әсер ететін бұлшықет түйілулерін төмендетеді немесе жояды. Висцеральді бұлшықеттерге де бұлшықетті босаңсытушы әсері байқалады.

Кураретәрізді әсері жоқ. Әсер ету механизмі бойынша орталықтық әсері бар миорелаксанттарға жатады, сал болуды және бұлшықеттің соңғы қимыл пластинкасына әсерінің әлеуеті амплитудасының төмендеуін туғызбайды. Тиоколхикозидтің GABA және глицинергиялық рецепторларының агонисті ретінде орталықтан бұлшықет босаңсытатын әсерінің селективтілігі анықталған. Тиоколхикозидтердің глициномиметикалық әсерлері жүйке жүйесінің түрлі деңгейлерінде әсерін туындатады, ол ревматизмде немесе жарақаттарда пайда болатын рефлекторлы түйілулерде, сондай-ақ шығу тегі церебральді бұлшықет түйілулерінде маңызды болады.

Препарат жүрек-тамыр және тыныс алу жүйесіне әсер етпейді.

Әсер ету механизмі

In-vitro тиоколхикозид ГАМКА және стрихнинге сезімтал глицинді рецепторлармен байланысады. ГАМКА-рецептордың антагонисті ретінде әсер ететін тиоколхикозид, супраспинальді деңгейде реттеуші кешенді механизмдердің көмегі арқылы өзінің тиімді бұлшықетті босаңсытушы әсер етеді, алайда оның глицинергиялық әсер ету механизмдері жоққа шығарылмайды. Тиоколхикозид пен ГАМКА-рецепторларының өзара әрекеттесуінің сипаттамалары, сандық және сапалық түрде қан ағымында негізгі метаболит болып табылатын глюкуронид туындыларымен бірдей.

Қолданылуы

- ауыратын бұлшықет түйілулерін симптоматикалық емдеуде

Қолдану тәсілі және дозалары

ПАНАШ® кремін сыртқа қолданады.

Ересектер мен 18 жасқа дейінгі жасөспірімдерге ПАНАШ® кремін емдеуші дәрігерің бақылауымен тәулігіне 2-3 рет қолданады. Кремнің жолағын теріге жағады да ақырын сипап жағады. Қолданылатын препараттың мөлшері ауыратын тұстың көлеміне байланысты.

Препаратты қолға жаққаннан кейін жуып тастаған жөн.

Емдеудің ұзақтығы көрсетілімдер және терапияның тиімділігіне байланысты болады.

Жағымсыз әсерлері

Жағымсыз реакциялар жиілігіне қарай былайшы жіктеледі: өте жиі (>1/10); жиі (>1/100, <1/10); жиі емес (>1/1000, <1/100); сирек (>1/10000; <1/1000); өте сирек (<1/10000); жиілігі белгісіз (қолда бар деректердің негізінде жиілігі анықталмайды).

Сирек

- жанаспалы дерматит, бөртпе, есекжем, бронх демікпесі, ангионевроздық ісіну

- бас айналуы, ұйқышылдық

- жүрек айнуы, құсу, іштің ауыруы, іштің қатуы

Өте сирек

- анафилаксиялық шок, аллергиялық тері реакциялары.

Қолдануға болмайтын жағдайлар

- препараттың компоненттеріне жоғары сезімталдықта

- тері жабыны бүтіндігінің бұзылуы

- бұлшықетте гипотониясы

- жеңіл салдану

- антикоагулянттармен терапия және қан кетулерге бейімділік

- жүктілік және лактация кезеңі

- балалар мен 18 жасқа дейінгі жасөспірімдерге.

Дәрілермен өзара әрекеттесуі

Дәрілермен өзара әрекеттесуі туралы деректер жоқ. Алайда басқа миорелаксанттармен бір мезгілде қабылдағанда сақ болу ұсынылады.

Орталық жүйке жүйесін бәсеңдететін препараттармен, оның ішінде алкогольмен, гипертензияға қарсы препараттармен, кураре тәрізді препараттармен бір мезгілде қабылдағанда миорелаксация күшеюі және ОЖЖ бәсеңдеуі, гипотония өршуі орын алуы мүмкін.

Антикоагулянттармен бір мезгілде қолданғанда қан кетулер қаупі артады.

Айрықша нұсқаулар

Аса жоғары сезімталдық реакциялары дамыған жағдайда препаратпен емдеуді тоқтату керек.

ПАНАШ® кремін ашық жараларға түсуіне жол бермей, тек зақымданбаған теріге жағу керек. Жақаннан кейін окклюзиялық таңғышты қоюға болмайды. Препараттың көзге және шырышты қабықтарға түсуіне жол бермеу керек.

ПАНАШ® кремінің әр грамында 50 мг пропиленгликоль бар, ол 50 мг/г баламалы. Пропиленгликоль терінің тітіркенуін туғызуы мүмкін.

ПАНАШ® препаратының құрамында пропиленгликоль болғандықтан, оны ашық жараларда немесе жарақаттанған немесе зақымданған терінің үлкен бөлігіндегі ашық жараларға (мысалы күйгенде) емдеуші дәрігермен немесе фармацевтпен кеңеспей қолдануға болмайды.

Препараттың құрамында қосымша зат ретінде майсаны майы бар, ол тері реакцияларын туғызуы мүмкін.

Пациенттер жүктілік орын алған жағдайда зор қауіп болатыны және контрацепцияның тиімді әдістерін пайдалану қажеттігі туралы ескертілуі тиіс.

Дәрігерлердің қауіпсіздігі бойынша жаңа ақпаратты дер кезінде алу үшін дәрігерлер мен пациенттерден кез келген күтілетін реакцияларды хабарлауды сұрайды.

Фертильділігі

Тиоколхикозид және оның метаболиттері түрлі концентрацияларда анеуплоидиялар туғызу қабілеті бар, ол адамда фертильділік төмендеуінің қауіп факторын туғызуы мүмкін.

Жүктілік кезінде қолданылуы

Тиоколхикозидті жүкті әйелдерге қолдану туралы деректер шектеулі. Дәрілік затты жүктілік кезінде және контрацепцияны пайдаланбайтын бала туатын жастағы әйелдерге қолдануға болмайды.

Лактация кезеңінде қолдану

Тиокохикозид ана сүтіне өтетіндіктен оны бала емізу кезінде қолдануға болмайды.

Педиатрияда қолданылуы

Дәрілік зат балалар мен 18 жасқа дейінгі жасөспірімдерде қолданылмауы керек.

Дәрілік препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері.

Емдеу кезінде автокөлікті басқару және жоғары зейін қоюды және психомоторлы реакциялардың жылдамдығын талап ететін басқа да қауіпті қызмет түрлерін орындағанда сақ болған жөн.

Артық дозалануы

Симптомдары: жағымсыз әсерлер күшеюі мүмкін.

Емі: симптоматикалық және демеуші ем.

Шығарылу түрі және қаптамасы

Препарат 30 г алюминий сықпаға салынған.

1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25 °C-ден аспайтын температурада сақтау керек.

Мұздатып қатыруға болмайды!

Сақтау мерзімі

2 жыл

Дәріханадан босатылу шарттары

Рецепт арқылы

Өндіруші

Кусум Хелткер Пвт. Лтд., СП 289 (А), Риико Индл. Ареа, Чопанки, Бхивади (Радж.), Үндістан

Тіркеу куәлігінің иесі

Кусум Хелткер Пвт. Лтд., Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері

«Дәрі-Фарм (Қазақстан)» ЖШС, Алматы қ., Достық даңғ., 117/6, «Хан- Тәңірі» БО

Телефон/факс: 8(727) 295-26-50

E-mail: claims@kusum.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Дәрі-Фарм (Қазақстан)» ЖШС, Алматы қ., Достық даңғ., 117/6, «Хан- Тәңірі» БО

Телефон/факс: 8(727) 295-26-50

Электронды пошта: phv@kusum.kz

Дәріханалар