Сипаттама
Дәрілік затты медициналық қолдану
жөніндегі нұсқаулық
НОСПРЕЙ®
Саудалық атауы
Носпрей®
Халықаралық патенттелмеген атауы
Нафазолин
Дәрілік түрі
Мұрынға арналған спрей 0,05% 10 мл және 0,1% 15 мл
Құрамы
1 мл препараттың құрамындабелсенді зат - нафазолин гидрохлориді 0.5 мг немесе 1.0 мг,
қосымша заттар: бор қышқылы 18.0 мг, бензалконий хлоридінің 50 % ерітіндісі (100% затқа шаққанда), пропиленгликоль, повидон (ПВП), натрий тетрабораты рН4.8 – 6.8 дейін, инъекцияға арналған су
Сипаттамасы
Түссіз немесе сарғыш мөлдір сұйықтық
Фармакотерапиялық тобы
Мұрынға арналған препараттар.
Жергілікті қолдануға арналған антиконгестанттар мен мұрынға арналған басқа препараттар. Симпатомиметиктер. Нафазолин
АТХ кодыR01АА08
Фармакологиялық қасиеттері
Фармакокинетикасы
Нафазолиннің емдік әсері препаратты мұрын ішіне енгізгеннен кейін 5 минуттан соң дамиды және 4-6 сағатқа дейін созылады.
Беткейлік тамырлардың тарылуы арқасында көбіне жергілікті әсер етеді, бұл препараттың сіңуіне және резорбциялық әсеріне кедергі келтіреді. Ұзақ және жиі қолданған кезде ішінара сіңеді және резорбциялық адреномиметикалық әсерлері (артериялық қысымның жоғарылауы) байқалады. ГЭБ (гематоэнцефалдық бөгет) арқылы өтпейді.
Фармакодинамикасы
Нафазолин симпатикалық жүйке жүйесінің альфа-адренорецепторларына тікелей көтермелейтін әсер бере отырып, альфа2-адреномиметиктерге жатады. Мұрын ішіне енгізген кезде мұрын қуысы, мұрын-жұтқыншақ және мұрын қуысы қосалқы қойнаулары шырышты қабықтарының тамырларына қатысты жылдам және ұзаққа созылатынвазоконстрикторлық әсер береді – ісіну мен гиперемияны азайтады, осыған орай мұрын жолдарының өткізгіштігі жақсарып, мұрынмен дем алу жақсарады.
Қолданылуы
- шығу тегі әр түрлі жедел ринитте
- ортаңғы отит – мұрын-жұтқыншақ шырышты қабығының ісінуін азайту үшін қосымша дәрі ретінде
- гаймор қойнауларының қабынуында
- евстахеитте
Қолдану тәсілі және дозалары
3-тен 6 жасқа дейінгі балаларға 0,05% ерітіндіні әр мұрын қуысына 1 бүркуден күніне 1-2 рет тағайындайды.
6-дан 15 жасқа дейінгі балаларға 0,05% ерітіндіні әр мұрын қуысына 2 бүркуден күніне 1-2 рет тағайындайды.
15 жастан асқан балаларға және ересектерге 0,1% ерітіндіні әр мұрын қуысына 1 бүркуден күніне 3 рет тағайындайды.
Препаратты қолдану аралығы 4-6 сағаттан кем болмауы керек.
Емдеу курсы ересектерде 1 аптадан аспайды, балаларда 3 күннен аспайды. Қайталап қолданар алдында бірнеше күнге үзіліс жасау қажет.
Жағымсыз әсерлері
Носпрей® ұсынылатын дозаларын сақтағанда әдетте жақсы көтерімді. Сирек жағдайларда жағымсыз құбылыстар туындайды.
Иммун жүйесі тарапынан: аллергиялық реакциялар, оның ішінде Квинке ісінуі.
Тыныс алу жүйесі, кеуде қуысы мен көрірек ортасы ағзалары тарапынан: мұрын шырышты қабығының ашуы және құрғауы. Препараттың әсері өткен соң мұрынның қатты бітелуін сезіну болуы мүмкін.
Сирек
– тітіркену және реактивті гиперемия, мұрын қуысы шырышты қабығының ісінуі
аса сирек
– жүрек айнуы
– тахикардия
– артериялық қысымның көтерілуі
– бас ауыруы
кейде
– мұрын шырышты қабығының ісінуі (1 аптадан аса қолданғанда), атрофиялық ринит
Жүйелік жағымсыз әсерлері тек адреномиметиктерге жоғары сезімталдығы бар адамдарда ғана болуы мүмкін.
Симпатикалық жүйкелердің тітіркенуі түрткі болатын, көбіне артық дозаланудан кейін туындайтын жүйелі жағымсыз әсерлері байқалады:
жүйке жүйесі тарапынан: ашушаңдық, бас ауыру, тремор; жүрек–қантамыр жүйесі тарапынан: тахикардия, жүректің қағуы, артериялық гипертензия; тері және тері асты шелі тарапынан: қатты тершеңдік.
Ересектерге бір аптадан астам және балаларға 3 күннен аса қолдану немесе өте жиі қолдану препаратқа дағдылануды туындауы мүмкін, бұл оны қолданудан кейін мұрын шырышты қабығының ісінуімен қатар жүреді.
Ұзақ қолдану цилиарлық белсенділіктің бәсеңдеуіне және мұрын шырышты қабығының қайтымсыз зақымдануына, мұрын шырышты қабығының құрғап қабынуына әкелуі мүмкін.
Қолдануға болмайтын жағдайлар
- препаратқа және оның құрамдастарына жекелей жоғары сезімталдық
- жабық бұрышты глаукома
- ауыр көз аурулары
- артериялық гипертензия
- тахикардия
- айқын атеросклероз
- тиреотоксикоз
- созылмалы ринит
- атрофиялық ринит
- қант диабеті
- моноаминоксидаза тежегіштерін немесе трициклді антидепрессанттарды бір мезгілде қабылдау және оларды қабылдау аяқталған соң 14 күнге дейінгі кезең
- 3 жасқа дейінгі балалар (0,05% ерітінді үшін) және 15 жасқа дейінгі балалар (0,1% ерітінді үшін)
Дәрілермен өзара әрекеттесуі
Жергілікті жансыздандыратын дәрілердің сіңуін баяулатады (беткейлік анестезия жүргізгенде олардың әсерін ұзартады). Трициклді антидепрессанттармен (мапротилин) және МАО тежегіштерімен (ниаламид, бефол) үйлеспейді - артериялық қысымның көтерілуі мүмкін, бұл нафазолиннің әсерінен жинақталған катехоламиндердің босап шығуына байланысты. Ішу арқылы тағайындалған гипотензивтік дәрілердіің емдік белсенділігін төмендетеді.
Айрықша нұсқаулар
Жүрек-қантамырлық және неврологиялық жағымсыз құбылыстардың (гипертензия, аритмия, жүректің қағуы, бас ауыруы, бас айналу, ұйқышылдық немесе ұйқысыздық) туындау мүмкіндігін ескере отырып, Носпрей® препаратының қолдануға ұсынылған дозасын жоғарылатпаған жөн.
Ұзақ қолданғанда әсері (төзімділігінің дамуы) біртіндеп төмендейді. Препарат құрамына кіретін пропиленгликоль және повидон (ПВП) мұрынның шырышты қабығын шамадан тыс құрғаудан сақтайды.Симпатомиметиктерге (галотан) миокард сезімталдығын жоғарылататын, әсіресе бронх демікпесі бар науқастарда, анестетиктерді қолданып жалпы анестезия жүргізу кезінде сақ болу қажет.
Ерітіндіні ластамау үшін құты-спрейді тығыз жабылған күйде сақтаңыз және ұшын қандай да бір беткейге тигізіп алмаңыз.
Жүктілік және лактация кезеңі
Нафазолиннің плаценталық бөгет арқылы, сондай-ақ емшек сүтіне өтуі жайында деректер жоқ.
Препаратты тек қатаң көрсетілімдер бойынша жүктілік және лактация кезеңінде анасы үшін күтілетін емдік әсері шарана немесе балаға қатысты жағымсыз әсерлердің ықтимал қатерінен асып түсетін жағдайда ғана қолдануға болады.
Педиатрияда қолданылуы
3 жасқа дейінгі балаларға дәрілік заттың тиімділігі мен қауіпсіздігі жөніндегі деректер жоқ.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препараттың жағымсыз әсерлерін ескере отырып, автокөлікті немесе қауіптілігі зор механизмдерді басқару кезінде сақтық таныту қажет.
Артық дозалануы
Препараттың артық дозалануы немесе кездейсоқ жұтып қою препарат жүйелі әсерінің симптомдарымен байқалуы мүмкін: артериялық қысымның артуы, тахикардия, бас ауыруы, тремор, ашушаңдық, тершеңдіктің жоғарылауы, жүрек соғуын сезіну, сананың бұзылуы. Туындауы мүмкін - цианоз, жүрек айну, жүректің тоқтап қалуы, өкпенің ісінуі, психикалық бұзылыстар, дене температурасының көтерілуі. Орталық жүйке жүйесін бәсеңдететін әсері мынадай симптомдармен байқалуы мүмкін: ұйқышылдық, брадикардия, дене температурасының төмендеуі, шок жағдайы, апноэ, кома.
Кездейсоқ артық дозаланған кезде препарат қабылдауды тоқтатып, дереу дәрігерге қаралу керек.
Емі: симптоматикалық.
Шығарылу түрі және қаптамасы
10 мл (0.05 % доза үшін) және 15 мл (0.1 % доза үшін) полиэтилен спрей-құтыда.
Құтылар медициналық қолдану жөніндегі мемлекеттік және орыс тіліндегі нұсқаулықпен бірге алғашқы ашылуы бақыланатын картон қорапшаға салынады.
Сақтау шарттары
Жарықтан қорғалған жерде, 15°С-ден 25°С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Құтыны ашқаннан кейін препараттың сақталу мерзімі - 4 апта.
Жарамдылық мерзімі өткеннен кейін қолдануға болмайды.
Босатылу шарттары
Рецептісіз
Өндіруші
«ЛеКос» ЖШС, Қазақстан Республикасы
050000, Алматы қ., Қабанбай батыр к-сі, 114-13, тел.: 308-10-67.
Тіркеу куәлігінің иесі
«ЛеКос» ЖШС, Қазақстан Республикасы
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйым
«ЛеКос» ЖШС, Қазақстан Республикасы, 050000, Алматы қ., Қабанбай батыр к-сі, 114-13, тел.: 308-10-67.
e-mail: lecos1@mail.ru
www.lecos.kz
