Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (қосымша парақ)
Саудалық атауы
Нимулид
Халықаралық патенттелмеген атауы
Нимесулид
Дәрілік түрі, дозалануы
Трансдермальді гель, 1%, 30 г
Фармакотерапиялық тобы
Сүйек-бұлшықет жүйесі ауруларын емдеуге арналған препараттар. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Қабынуға қарсы және ревматизмге қарсы стероидты емес басқа да препараттар. Нимесулид.
АТХ коды: MO1AX17
Қолданудың басталуына дейінгі қажетті мәліметтер тізбесі
Қолдануға болмайтын жағдайлар
Қолдануды бастағанға дейін қажетті мәліметтер тізбесі
Нимулид трансдермальді гельді қолдану кезінде егер сізде белсенді немесе күдікті ойық жаралы аурумен асқазан-ішектік қан кету, бүйрек немесе бауырдың ауыр дисфункциясы және қан ұюдың ауыр бұзылулары немесе ауыр/бақыланбайтын жүрек жеткіліксіздігі болса сақтықпен қарау керек.
Басқа дәрілікпрепараттармен өзара әрекеттесуі
Нимулид трансдермальді гельді жергілікті қолдану кезінде басқа дәрілік препараттармен өзара әрекеттесуі анықталған жоқ.
Арнайы сақтандырулар
Педиатрияда қолданылуы
12 жасқа дейінгі балалар мен жасөспірімдерге қолданбаған жөн.
Жүктілік немесе лактация кезінде
Жүктілік
Нимулид трансдермальді гельді жүктілік кезінде қолданудың аздаған тәжірибесі нимесулидпен байланысты жүктілікке және шарананың/жаңа туған нәрестенің денсаулығына ешқандай әсерін анықтаған жоқ.
Емшек емізу
Нимулид трансдермальді гельді емшек емізу кезінде әйелдерде жергілікті пайдалануға қатысты деректер жоқ.
Осылайша, Нимулид, трансдермальді гельді қауіп және пайданы мұқият бағалағаннан кейін ғана белгілі бір қажеттілік болмаса жүктілік немесе емшек емізу кезеңінде қолданбаған жөн.
Препараттың көлік құралын немесе қауіптілігі зор механизмдердібасқару қабілетіне әсер ету ерекшеліктері
Препарат автомобильді және қауіптілігі зор механизмдерді басқару қабілетіне әсер етпейді.
Қолдану жөніндегі нұсқаулар
Дозалану режимі
Гельдің мөлшері өңделетін орынның ауданына және пациенттің реакциясына байланысты ауытқуы мүмкін.
Енгізу әдісі және жолы
Нимулид трансдермальді гель тек қана сыртқа қолдануға арналған. Ұзындығы 3 см гельдің жолақшасын тәулігіне 3-4 рет зақымданған орынның бетіне теріге жеңіл ысқылап жағады.
Қолдану жиілігі
Тәулігіне 3-4 рет.
Қолдану ұзақтығы
Препаратты қолдану ұзақтығы 7-10 күннен аспауы тиіс.
Егер Сізге Нимулид, трансдермальді гель өте күшті немесе өте әлсіз әсер етіп жатқандай көрінсе, дәрігермен немесе фармацевтпен кеңесіңіз.
Артық дозалану жағдайында қабылдау қажет болатын шаралар
Симптомдары: Жергілікті қолдану кезінде артық дозаланудың пайда болуының ықтималдығы аз. Дегенмен, дәрілік затты балалардың қолы жетпейтін жерлерде сақтай отырып, балалардағы артық дозалану оқиғасының алдын алу үшін сақтық шараларын қолдану керек.
Кездейсоқ жұтып қою жағдайлары тіркелмеген.
Егер Нимулид Трансгельдің елеулі мөлшерін кездейсоқ жұтып қойса, нимесулид таблеткаларының артық дозаланудан кейін бақыланатын ұқсас әсерлерді күтуге болады.
ҚҚСП артық дозалану кезінде мынадай симптомдар әдетте солғындықпен, ұйқышылдықпен, жүрек айнуымен, құсумен және эпигастрияның ауыруымен шектеледі, олар өз уақытында қабылданған шаралармен қайтады. Асқазан-ішектен қан кетуі мүмкін. Өте сирек артериялық қысымның жоғарылауы, жедел бүйрек жеткіліксіздігі, тыныс алудың бәсеңдеуі және кома пайда болуы мүмкін. ҚҚСП емдік дозаларын қабылдау кезінде анафилаксиялық реакциялар хабарланған, сондай-ақ артық дозалану кезінде орын алуы мүмкін.
Емі: Пациенттер ҚҚСП артық дозаланудан кейн симптоматикалық және демеуші емді ұстануы тиіс. Спецификалық антидоты жоқ. Нимесулидтің гемодиализдің көмегімен шығарылуы туралы ақпарат жоқ, алайда қан плазмасы ақуыздарымен байланысуының жоғары деңгейінің негізінде (97,5% дейін) диализдің артық дозалану кезінде тиімді болуы екіталай. Ішке қабылдағаннан кейін немесе үлкен артық дозаланудан кейін 4 сағат ішінде симптомдар пайда болған пациенттерге құсу және/немесе белсендірілген көмір (ересектерге 60-тан 100 г дейін) және/немесе осмостық іш жүргізетіндер қажет болады. Күшейтілген диурез, несептің сілтіленуі, гемодиализ немесе гемоперфузия ақуыздармен байланысудың жоғары деңгейіне байланысты тиімді болуы мүмкін емес. Бүйрек және бауыр функциясы тексерілуі тиіс.
Дәрілік препараттың бір немесе бірнеше дозасын жіберіп алғанда қажетті шаралар
Сіздің емдеу сәтті болу үшін, Нимулид, трансдермальді гельді, жеткілікті ұзақ уақыт бойы қолдану маңызды.
Тоқтату симптомдарының болу қаупіне нұсқау
Нимулид, трансдермальді гельді қолдануды тоқтатқан жағдайда зиянды салдарлар жоқ.
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
Бүкіл қосымша парақты мұқият оқып шығыңыз, себебі оның ішінде сіз үшін маңызды ақпарат бар.
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Барлық дәрілер сияқты, Нимулид, трансдермальді гель жағымсыз әсерлерді туындатуы мүмкін, бірақ бәрінде емес. Жекелеген жағдайларда:
Ескертпе. Дәрілік препаратты қолданған кезде шағымдардың күшеюі мүмкін. Бұл жағдайда Сіз дәрілік препаратты қолдануды тоқтатып, дәрігерге қаралуыңыз керек.
Егер жағымсыз әсерлер күрделі болып бара жатса немесе осы қосымша парақта көрсетілмеген қандай да бір жағымсыз әсерлерді байқасаңыз, дәрігеріңізге немесе фармацевтке айтыңыз.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препарат құрамы
Бір грам гельдің құрамында
белсенді зат - Нимесулид 10.000мг
Басқа да қосымша заттар: гидроксипропилцеллюлоза, карбомер 940, этанол (75% этил спирті), тазартылған су, триацетин, N.N-диметилацетамид, концентрацияланған фосфор қышқылы, MSC-03 хош иістендіргіші, 0106-G хош иістендіргіші.
Сыртқы түрінің сипаттамасы
Сарғыш түсті аздап мөлдір гель.
Шығарылу түрі және қаптамасы
30 г гельден бұралатын қалпақшасы бар тығыздығы төмен полиэтиленнен жасалған сықпаға салынған.
1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
25°С-ден аспайтынтемпературада, жылу көзінен алыс жәнекүн сәулесі түспейтін жерде сақтау керек. Мұздатып қатыруғаболмайды.
Балалардың қолы жетпейтін жерде сақтау керек!
Рецептісіз
Өндіруші
Үндістан
Панацея Биотек Лтд.,
Malpur Baddi, Distt. Solan, H.P 173205,
INDIA / Үндістан
тел:+91-11-41678000
факс: +91-11-41679063
электронды пошта: rupalidahake@PANACEABIOTEC.COM
Тіркеу куәлігінің ұстаушысы
Үндістан
Панацея Биотек Лтд.,
B-1, Extn. A-27, MCIE, Mathura road,
New Delhi-110044, INDIA,
тел:+91-11-41678000
факс: +91-11-41679063
электронды пошта: rupalidahake@PANACEABIOTEC.COM
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«ALIMOR MedPharm»
050027, Алматы қ., Тастыбұлақ ықшам ауданы,
С/Т Алмалы, 69 үй
тел./факс + 7 7273 853589,+ 7 707 222 7596
е-mail:dr.ornar@alimor.kz
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)
«Корал-Мед Казахстан» ЖШС
Алматы қ., Әуэзов к-сі 3
Тел./факс + 7 727 266 95 50,E-mail: coralmedkz@mail.ru
