Назол 10 мл спрей назальный

Сипаттама

Дәрілік затты медициналық қолдану

жөніндегі нұсқаулық

Назол^®

Саудалық атауы

Назол^®

Халықаралық патенттелмеген атауы

Оксиметазолин

Дәрілік түрі

Мұрынға арналған спрей

Құрамы

1 мл препараттың құрамында

белсенді зат: оксиметазолин гидрохлориді 0,5 мг;

қосымша заттар: бензалконий хлориді, макрогол 400, повидон, пропиленгликоль, динатрий фосфаты дигидраты, натрий дигидрофосфаты дигидраты, динатрий эдетаты дигидраты, концентрацияланған хлорсутек қышқылы, тазартылған су.

Сипаттамасы

Түссіз мөлдір, иіссіз ерітінді.

Фармакотерапиялық тобы

Респираторлық жүйе. Мұрынға арналған препараттар. Жергілікті қолдануға арналған деконгестанттар және мұрынға арналған басқа препараттар. Симпатомиметиктер, қарапайымдар. Оксиметазолин.

АТХ коды R01АА05.

Фармакологиялық қасиеттері

Фармакодинамикасы

Оксиметазолин гидрохлориді синтетикалық адреномиметик болып табылады. Қантамырлардың a-адренорецепторларын стимуляциялай отырып, ол ұзақ уақыт тамырды тарылтатын әсер береді. Тіндердің гиперемиясын және мұрынның шырышты қабығының, қосалқы қойнаулары мен евстахий түтігінің ісінуін азайтады, сол арқылы, тұмау,суық тию және аллергиялық аурулар кезіндегі мұрынмен тыныс алу бұзылыстарын қалпына келтіреді.

Мұрынмен тыныс алудың жеңілдеуі мұрын қуысына бүріккеннен кейін 5-10 минуттан соң басталады және шамамен 12 сағатқа дейін созылады.

Препараттың құрамындағы гликольдер мұрын қуысының тітіркенген шырышты қабығына жұмсартатын әсер береді және оны шамадан тыс құрғаудан қорғайды.

Қолданылуы

• Суық тию аурулары, тұмау, ЖРВИ, пішен қызбасы, аллергиялық ринит, синуситтер кезінде мұрынмен тыныс алудың қиындауында және ортаңғы құлақтың қабынуы кезінде қосымша ем ретінде.

Қолдану тәсілі және дозалары

Әр мұрын жолына кезек бүркіңіз, бүріккен кезде басыңызды кері шалқайтпаңыз. Құтыны тігінен ұстаңыз.

Ересектер мен 10 жастан асқан балаларға әр мұрын жолына 2 бүркуден. 6 жастан 10 жасқа дейінгі балаларға (ересектердің қадағалауымен) 1 бүркуден.

Бүркуді кемінде 12 сағаттан соң қайталау керек.

Емдеу ұзақтығы 7 күннен аспауы тиіс. Емдеу ұзақтығы арттырылған жағдайда дәрігерге қаралу қажет.

Жағымсыз әсерлері

Әдетте оксиметазолин жақсы көтерімді және егер жағымсыз әсерлері пайда болса, олар үнемі жедел емес және қысқа мерзімді сипатта болады.

Болуы мүмкін:

• жүйке жүйесі тарапынан болатын бұзылулар: күйгелектік, қозу, үрей, сананың көмескіленуі немесе бас айналуы, ұйқы бұзылулары, ұйқышылдық, діріл, бас ауыруы, елестеулер (әсіресе балаларда), әлсіздік
• көру мүшесі тарапынан болатын бұзылу: бұлыңғыр көру
• жүрек-қантамыр жүйесі тарапынан болатын бұзылулар: тахикардия, жүрек соғуының жиілеуі, қан қысымының жоғарылауы, реактивті гиперемия
• тыныс алу жүйесі тарапынан болатын бұзылулар: мұрын қуысының ашуы, мұрын қуысының қатты ауыруы, түшкіру, мұрын қуысынан бөліністердің бөлінуінің артуы, мұрынның бітелуінің күшеюі, мұрынның құрғауы, ауыз қуысының құрғауы, мұрын қуысының қышынуы, тамақтың жыбырлауы, қайталанатын іркілісті құбылыстар
• асқазан-ішек жолы тарапынан болатын бұзылулар: жүрек айнуы
• тері мен теріасты тіндері тарапынан болатын бұзылулар: бөртпе
• қаңқа-бұлшықет және дәнекер тіндер тарапынан болатын бұзылулар: конвульсиялар (әсіресе балаларда)
• препарат ингредиенттеріне жекелей сезімталдықтың жоғарылауы.

Қолдануға болмайтын жағдайлар

• оксиметазолинге, басқа адренергиялық дәрілерге немесе препарат ингредиенттеріне жекелей жоғары сезімталдық
• МАО тежегіштерін қабылдап жүрген пациенттерге немесе олардың осының алдындағы 2 аптада қабылдаған пациенттерге
• жабықбұрышты глаукомасы бар пациенттерге
• транссфеноидальді гипофизэктомиядан кейінгі пациенттерге
• терінің немесе мұрынның кіреберіс шырышты қабығының қабынуы және қабыршық түзілуі (құрғақ ринит) жағдайында
• ауыр дәрежедегі артериялық гипертензия, айқын атеросклероз, жүрек ырғағының бұзылулары
• қант диабеті, гипертиреоз
• бүйректің шығару функциясының бұзылуымен жүретін аурулары, қуықасты безінің гипертрофиясы салдарынан несеп шығарудың қиындауы
• 6 жасқа дейінгі балаларға

Дәрілермен өзара әрекеттесуі

Трициклдық антидепрессанттарды немесе МАО тежегіштерін бір мезгілде немесе тура оксиметазолинді қолданар алдында қабылдау артериялық қысымның жоғарылауына алып келуі мүмкін.

Айрықша нұсқаулар

Инфекцияның таралуын болдырмау мақсатында, құтыны әр адамның жеке пайдалануы ұсынылады.

Құрамында оксиметазолин бар мұрынға арналған спрейлерді жүрек-қантамыр аурулары, артериялық гипертензиясы, гипертиреозы, қант диабеті немесе қуықасты безінің гиперплазиясы салдарынан несеп шығаруда қиындықтары бар пациенттерге сақтықпен қолдану керек. Ол пациенттерге қолданар алдында дәрігермен кеңесу керек.

Ұзақ уақыт қолдану мұрын бітелуінің қайталануына алып келуі мүмкін.

Егер дәрігер басқаша тағайындамаса, емдеу ұзақтығы 7 күннен аспауы тиіс.

Жүктілік және лактация

Оксиметазолин жүктіліктің қолайсыз аяқталуымен байланыстырылмаған.

Ұсынылған дозасын арттыруға жол берілмейді. Препаратты тек дәрігермен кеңескеннен кейін ғана қолдануға болады.

Артериялық гипертензиясы немесе плацентарлық қан ағымының төмендеуі белгілері бар пациенттерге сақтықпен қолдану керек. Жоғары дозаларын жиі немесе ұзақ уақыт қолдану плацентарлық қан ағымын төмендетуі мүмкін.

Оксиметазолиннің емшек сүтімен бөлініп шығуына қатысты деректер жоқ, сондықтан, бала емізу кезінде мұрынға арналған спрейді қолданбаған дұрыс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Ұсынылған дозасын арттыру мұрын жолының ауыруын немесе ашуын, түшкіруді немесе мұрын бөліністерінің артуын туғызуы мүмкін. Шамадан тыс дозалары кезінде, әсіресе ұзақ уақыт қолданғанда, қарашықтардың ұлғаюы, жүрек айнуы, цианоз, қызба, түйілулер, тахикардия (жүректің жиырылу жиілігінің артуы), аритмия, жүректің тоқтап қалуы, артериялық қысымның жоғарылауы, өкпенің ісінуі, ентігу, психикалық бұзылулар байқалуы мүмкін. Сонымен қатар, ұйқышылдық, дене температурсының төмендеуі, брадикардия (жүректің жиырылу жиілігінің сиреуі), шоктәрізді гипотензия, тыныстың тоқтап қалуы және естен тану сияқты жүйке жүйесі функциясының бәсеңдеуі болуы мүмкін.

Балаларда қолданылуы

Клиникалық көрінісіне орталық жүйке жүйесі тарапынан болатын белгілер мен симптомдар кіреді: конвульсиялар және кома, елестеулер, брадикардия, тыныстың тоқтап қалуы, гипертензия мен гипотензияның алмасуы.

Емі: симптоматикалық.

Шығарылу түрі және қаптамасы

Тығыздығы жоғары полиэтиленнен жасалған, полипропилен бүріккіші мен полиэтилен қақпағы бар, дозатормен жабдықталған құтыларда 10 мл-ден.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынған.

Сақтау шарттары

30^оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндіруші/Қаптаушы

Иституто Де Анжели С.р.л.,

50066 Реггелло (Флоренция), Лок. Прулли103/c, Италия.

Тіркеу куәлігін ұстаушысының атауы мен елі

Байер Консьюмер Кэр АГ, Швейцария

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері

«Байер КАЗ» ЖШС

Тимирязев к-сі, 42, 15 павильон, 301 кеңсе

050057 Алматы, Қазақстан Республикасы,

тел. +7 727 258 80 40, факс: +7 727 258 80 39

e-mail: kz.claims@bayer.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Байер КАЗ» ЖШС

Тимирязев к-сі, 42, 15 павильон, 301 кеңсе

050057 Алматы, Қазақстан Республикасы,

тел: +7 701 715 78 46 (тәулік бойы)

тел:+7 727 258 80 40, ішкі 106 (жұмыс уақытында)

факс: +7 727 258 80 39

e-mail: pv.centralasia@bayer.com

Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.

Дәріханалар