Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Халықаралық патенттелмеген атауы
Жоқ
Дәрілік түрі, дозасы
Инъекцияға арналған ерітінді, 0,9 %, 10 мл
Фармакотерапиялық тобы
Басқа да препараттар. Басқа емдік емес препараттар. Еріткіштер
АТХ коды V07AB
Қолданылуы
- сыртқа және парентералдық қолдануға арналған дәрілік заттардың ерітінділерін дайындау
- катетерлер мен трансфузияға арналған жүйелерді жуу үшін
Қолданудың басталуына дейін қажетті мәліметтер тізбесі
Қолдануға болмайтын жағдайлар
Препаратты офтальмологиялық операциялар кезінде көзді жуу үшін қолданбайды.
Басқа дәрілік препараттармен өзара әрекеттесуі
Коллоидты гемодинамикалық қан алмастырғыштармен үйлесімді (әсердің өзара күшеюі). Кортикостероидтармен қолданған кезде гипернатриемия күшейеді.
Ерітіндіге басқа препараттарды қосқан кезде үйлесімділікті көзбен бақылап тұру қажет (соған қарамастан, көрінбейтін және емдік үйлесімсіздіктің болуы мүмкін).
Арнайы сақтандырулар
Дәрілік затты ерітер алдында осы дәрілік затты еріту үшін натрий хлориді ерітіндісін қолданудың мүмкіндігін тексеру керек. Ерітіндіні дайындағаннан кейін бірден қолдану керек. Пайдаланылмаған ерітіндінің қалдықтарын жою керек.
Натрий хлоридінің 0,9% ерітіндісін қолдана отырып, дәрілік заттардың ерітінділерін дайындау стерильді жағдайда жүзеге асырылады.
Көрінетін қоспалары жоқ тек мөлдір ерітіндіні қолдану керек. Ерітіндіні майлы ерітінділермен араластыру орынсыз.
Инъекцияға арналған натрий хлориді ерітіндісін іркілген жүрек жеткіліксіздігі, преэклампсия, бүйрек функциясы бұзылған немесе натрий іркілген ісінуі бар пациенттерге сақтықпен тағайындау керек. Электролиттік бұзылулар мен қышқылдық-сілтілік теңгерімді бақылау қажет.
Педиатрияда қолдану
Препаратты балаларға қолдануға болады.
Жүктілік немесе лактация кезінде
Препаратты жүктілік кезінде немесе емізу кезінде қолдануға болады.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Қолдану жөніндегі нұсқаулар
Препарат негізгі дәрілік затты парентералдық енгізуге арналған еріткіш ретінде қолданылады.
Дәрілік препараттың ерітіндісін дайындау мақсатында натрий хлоридінің мөлшері оны медициналық қолдану жөніндегі нұсқаулықпен немесе емдеуші дәрігермен айқындалады.
Енгізу әдісі және жолы
Дәрілік заттарды ерітіп немесе сұйылтқаннан кейін тері астына, бұлшықет ішіне, вена ішіне енгізеді.
Енгізу жолы және тәсілі еритін немесе сұйылтылатын дәрілік препаратпен анықталады.
Стерильді натрий хлоридін пайдалана отырып, дәрілік препараттардың ерітінділерін дайындау асептикалық жағдайларда (ампулаларды ашу, шприцті және дәрілік препараттармен ыдыстарды толтыру) жүзеге асырылады.
Емдеу ұзақтығы
Емдеу курсын дәрігер анықтайды.
Артық дозалану жағдайында қабылдау қажет болатын шаралар
Дұрыс қолданған кезде артық дозалану жағдайы екіталай.
0,9% натрий хлориді ерітіндісінің көп мөлшерін енгізу гиперхлоремиялық ацидозға және гипергидратацияға, сондай-ақ гипокалиемияға әкелуі мүмкін.
Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер
Препаратты қолдану туралы сұрақтар туындаған жағдайда емдеуші дәрігеріңізге қаралыңыз.
Препаратты әрқашан қосымша параққа немесе емдеуші дәрігердің ұсыныстарына сәйкес қабылдаңыз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Барлық дәрілік препараттар сияқты, препараттың жағымсыз реакцияларды тудыруы мүмкін, бірақ ол барлық адамдарда бола бермейді. Әдетте препаратты дұрыс қолданғанда байқалмайды.
Белгісіз
- жоғары сезімталдықтың болуы мүмкін (гипертермия, қалтырау, гипотензия, бөртпе, қышыну)
- метаболизмдік ацидоз
- гипергидратация
- гипокалиемия
- енгізу орнындағы эритема.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
1 мл ерітіндінің құрамында
белсенді зат - натрий хлориді 9 мг
қосымша зат: инъекцияға арналған су
Сыртқы түрінің, иісінің, дәмінің сипаттамасы
Мөлдір, түссіз сұйықтық, дәмі тұзды.
10 мл бейтарап шыныдан жасалған ампулаларға.
10 ампуладан картон қорапта. Әр қорапқа медициналық қолдану жөніндегі қазақ және орыс тілдеріндегі нұсқаулық салынады.
5 немесе 10 ампуладан поливинилхлоридті үлбірден және алюминий фольгадан немесе полиэтиленмен қапталған қағаздан немесе фольгасыз не қағазсыз пішінді ұяшықты қаптамаға салынады.
1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен картон қорапшаға салынады.
Сақтау мерзімі
5 жыл
Жарамдылық мерзімі өткеннен кейін қолдануға болмайды!
15 °С-ден 25 °С-ге дейінгі температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы.
Өндіруші туралы мәліметтер
«Новосибхимфарм» АҚ
630028, Ресей, Новосібір қаласы, Декабристер көшесі, 275
тел. (383) 363-32-44,
факс (383) 363-32-55
Тіркеу куәлігінің ұстаушысы
«Новосибхимфарм» АҚ
630028, Ресей, Новосібір қаласы, Декабристер көшесі, 275
тел. (383) 363-32-44,
факс (383) 363-32-55
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«PharmEx» ЖК, Қазақстан Республикасы, Алматы қ.,Таугүл 3 ш/а, Сеитов к-сі 9.
Тел./факс + 7 777 916 06 28, Е-mail: info@pharmex.kz