Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
Мираксидин-DF®
Саудалық атауы
Мираксидин – DF®
Халықаралық патенттелмеген атауы
Хлоргексидин
Дәрілік түрі
Сыртқа қолдануға арналған 0,05% ерітінді, 10 мл, 50 мл және 100 мл
Құрамы
1 мл препараттың құрамында
белсенді зат - 20% хлоргексидин диглюконаты ерітіндісі – 0,0025 мл,
қосымша зат – тазартылған су 1 мл-ге дейін.
Сипаттамасы
Түссіз мөлдір немесе сәл бозаңданатын, иіссіз сұйықтық.
Фармакотерапиялық тобы
Антисептиктер және дезинфекциялайтын препараттар. Бигуанидтер және амидиндер. Хлоргексидин
АТХ кодыD08AC02
Фармакологиялық қасиеттері
Фармакокинетикасы
Іс жүзінде асқазан-ішек жолынан сіңбейді. Байқамай 300 мг жұтып қойғаннан кейін Сmax (ең жоғары концентрациясына) 30 минуттан соң жетеді және 0,206 мкг/л құрайды. Негізінен нәжіспен (90%) шығарылады, бүйрек арқылы 1%-дан азыбөлініп шығады.
Фармакодинамикасы
Мираксидин-DF® – бұл антисептикалық және дезинфекциялайтын дәрі, құрамында дихлоры бар бигуанид туындысы болып табылады, жасушалық ақуыздардың амин топтарын бөгейді. Бактериялық жасушалардың жасушаішілік жарғақшаларына өтеді, цитоплазмада шөгеді және жарғақша функциясына еніп, оттегіні тұтынуына кедергі жасайды, ол жасушалық АТФ деңгейінің азаюына және жасушалардың өліміне әкеп соғады. Микроорганизмдерде ДНҚ-ны бұзады және ДНҚ синтезін бұзады.
+22oC температурада және 1 минут әсер еткенде бактерицидті әсер береді.+22oC температурада және 10 минут бойы әсер еткенде фунгицидті және вирулицидті әсер береді.
Препарат грамоң және грамтеріс бактериялардың вегетативті түрлеріне, антибиотиктерге полирезистентті госпитальді штаммдарды қосқанда, моноөсірінді және микробты ассоциация түріндегі, аэробты және анаэробты бактерияларға қатысты белсенді. Венерологиялық ауру қоздырғыштарына: трепанемаға, гонококктарға, трихомонадаға, хламидияларға, герпеске қатысты тиімді. Бактериялардың спораларына тек жоғары температурада ғана әсеретеді. Бактериялардың қышқылға төзімді түрлеріне әсер етпейді.
Аскомициттерге, ашытқы саңырауқұлақтарға, дерматофиттерге зеңдерге қарсы әсер береді.
Қан, ірің, әртүрлі секреттер мен органикалық заттар бар болғанда белсенділігін (сәл төмен болса да) сақтайды.
Қолданылуы
Қолдану тәсілі және дозасы
0,05% Мираксидин-DF® ерітіндісін ересектерге және 3 жастан асқан балаларға сыртқа және жергілікті бүрку, шаю және жапсыру түрінде профилактикалық және емдік дәрілер ретінде қолданылады (терінің немесе шырышты қабықтың зақымданған жеріне 5-10 мл жағады):
- ЛОР және стоматология бөлімдерінде науқастардың операциядан кейінгі күтімінде Мираксидин-DF® препаратын тәулігіне 2-3 рет шаю түрінде қолдануға тағайындайды
- уретриттердің және уретропростатиттердің кешенді емінде Мираксидин-DF® уретраға күніне 1-2 рет 2-3 мл-ден бүркеді, емдеу курсы – 10 күн, емшараны күнара тағайындайды.
- жыныстық жолмен берілетін аурулардың алдын алу үшін Мираксидин-DF® жыныстық қатынастан кейін 2 сағаттан кешіктірмей қолдану қажет. Препаратты қолданаралдында қуықты босатып алу қажет және жыныс мүшелері аймағын сабынсыз жылы сумен өңдеу керек. Құтының ішіндегі затты қондырманың жәрдемімен еркектің (2-3 мл), әйелдердің (1-2 мл) несеп шығару өзекшесіне және қынапқа (5-10 мл) 2-3 минутқа енгізу керек. Санның, қасағаның, жыныс мүшелерінің ішкі бетінің терісін де өңдеу қажет. Емшарадан кейін 2 сағат бойы дәрет сындырмау керек.
Әйелдерде қынаптық бүркіп-шаюға арналған 50 мл Мираксидин-DF® жиынтықтағы арнайы қондырмасы бар гофрланған құтыда шығарылады. Қолданар алдында ішінде дайын ерітіндісі бар құтының қақпағын арнайы қондырмаға алмастырып салып, қынапқа енгізеді және құтының түбін басу арқылы 5-10 мл ерітіндіні 2-3 минут бойы бүркеді.
Жағымсыз әсерлері
Жиі
Сирек
Өте сирек
Қолдануға болмайтын жағдайлар
Дәрілермен өзара әрекеттесуі
Мираксидин-DF® сабынмен, сондай-ақ құрамында анион тобы бар детергенттермен (сапониндер, натрий лаурилсульфаты, натрий карбоксиметилцеллюлозасы) үйлесімсіз. Құрамында катион тобы бар препараттармен (бензалконий хлоридімен, цетримоний бромидімен) үйлеседі.
Карбонаттармен, хлоридтермен, цитраттармен, фосфаттармен, сульфаттармен үйлесімсіз, олармен 24 сағат бойы қиын еритін тұнба түзеді.
Бактериялардың хлорамфениколға, канамицинге, неомицинге, цефалоспориндерге сезімталдығын арттырады.
Этанол препараттың антисептикалық белсенділігін күшейтеді.
Йод препараттарымен бір мезгілде қолданған кезде дерматиттер дамуы мүмкін.
Айрықша нұсқаулар
Бас сүйек-ми жарақаты ашық, жұлыны зақымданған, барабан жарғағы тесілген пациенттерге препараттың миға, ми қабықшаларына және барабан қуысына түсіп кетуіне жол бермеген жөн.
Мираксидин-DF® басқа дәрілік препараттармен араластырмаған жөн.
Препаратты сыртқа қолданған кезде сабынның қалдығын мұқият шайып, таза құрғақ теріге жағу керек.
Мираксидин-DF® конъюнктиваны өңдеу үшін және дене қуыстарын шаю үшін, тереңдегі жаралар мен күйіктерді өңдеу үшін қолданбаған жөн.
Препарат тиген киімді, оларда қоңыр дақ пайда болуы мүмкіндігіне байланысты, гипохлориттердің және белсенді хлор бөліп шығаратын басқадай қосылыстардың әсерінен сақтау керек.
Көздің шырышты қабығына тиіп кеткен жағдайда оларды сумен тездетіп және мұқият шайған жөн.
Жүктілік және лактация кезеңі
Бала емізетін аналарға және жүкті әйелдерге, аллергиялық реакцияныңдаму қаупі бар болғандықтан, сақтықпен қолдану керек!
Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері
Препарат көлік құралын немесе қауіптілігі зор механизмдерді басқару қабілетіне ықпалын тигізбейді.
Артық дозалануы
Симптомдары: Препараттың артық дозалануы жөнінде деректер жоқ.
Емі: Мираксидин-DF® абайсызда ішке түссе, сіңбейді, мұндай жағдайда сүтті, шикі жұмыртқаны, желатинді немесе көп мөлшерлі суды қолдана отырып асқазанды шаю және адсорбент: (белсенділендірілген көмір)қабылдау керек. Қажет болған жағдайда симптоматикалық ем жүргізу керек.
Шығарылу түрі және қаптамасы
Препарат 10 мл, 50 мл, 100 мл-ден дөңгелек немесе жалпақ полиэтилен құты-тамызғыштарда, сондай-ақ арнайы қондырмасы бар қосымша қақпақпен бұралатын полиэтиленді гофрланған құтыда (бүркіп-шаю) 50 мл-ден. Әрбір құтыға заттаңба жапсырылады. Құтылар медициналық қолдану жөніндегі мемлекеттік және орыс тілдеріндегі нұсқаулықтарымен бірге картон қорапшаларға салынған.
Сақтау шарттары
Жарықтан қорғалған жерде, 25 oС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«DOSFARM» ЖШС, Қазақстан, 050034, Алматы қ., Чаплыгин к-сі, 3 (727) 253-03-88
Тіркеу куәлігінің ұстаушысы
«DOSFARM» ЖШС, Қазақстан, 050034, Алматы қ., Чаплыгин к-сі, 3
Қазақстан Республикасы аумағында тұтынушылардан өнім сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымныңмекенжайы:
«DOSFARM» ЖШС, Қазақстан Республикасы, Алматы қ., Чаплыгинк-сі, 3, тел./факс: (727) 253-03-88, эл. пошта: dosfarm@dosfarm.kz