Луцетам 1200 мг, №20, табл.

Сипаттама

Саудалық атауы

Луцетам^®

Халықаралық патенттелмеген атауы

Пирацетам

Дәрілік түрі

Қабықпен қапталған 400 мг, 800 мг, 1200 мг таблеткалар

Құрамы

Бір таблетканың құрамында

белсенді зат: 400 мг, 800 мг немесе 1200 мг пирацетам,

қосымша заттар: магний стеараты, повидон (К-30),

қабық: макрогол 6000, дибутилсебакат, титанның қостотығы (E171), тальк, этилцеллюлоза (сулы дисперсия түрінде), гипромеллоза.

Сипаттамасы

Иісі жоқ, таблетканың бір жағында Е 241 бедері, ойығы бар, сопақша пішінді, екі беті дөңес, ақ немесе ақ дерлік түсті қабықпен қапталған таблеткалар (400 мг доза үшін).

Иісі жоқ, таблетканың бір жағында Е 242 бедері, ойығы бар, екі жағында сызығы бар, сопақша пішінді, екі беті дөңес, ақ немесе ақ дерлік түсті қабықпен қапталған таблеткалар (800 мг доза үшін).

Иісі жоқ, таблетканың бір жағында Е 243 бедері, ойығы бар, сопақша пішінді, екі беті дөңес, ақ немесе ақ дерлік түсті қабықпен қапталған таблеткалар (1200 мг доза үшін).

Фармакотерапиялық тобы

Жүйке жүйесі ауруларын емдеуге арналғанпрепараттар. Психоаналептиктер. Басқа психостимуляторлар және ноотроптар. Пирацетам.

АТХ кодыN06В Х03

Фармакологиялық қасиеттері

Фармакокинетикасы

Пирацетамға дозаға тәуелді, уақытқа тәуелсіз фармакокинетика тән, дозалардың кең ауқымында субъектілер арасында елеусіз ауытқушылық болады, бұл пирацетамның жоғары өткізгіштігін және ерігіштігін әрі өте аз метаболизмін көрсетеді. Пирацетамның жартылай шығарылу кезеңі ересек пациенттерде 5 сағатты құрайды. Егде жастағыларда (ең алдымен, бүйрек клиренсінің бұзылуы салдарынан) және бүйрек функциясының бұзылуы бар пациенттерде жартылай шығарылу кезеңі ұзарады. Қан плазмасындағы тепе-тең концентрациясына емдеудің 3-ші күнінде жетеді.

Ішке қабылдағаннан кейін пирацетам жылдам сіңеді. Препараттың биожетімділігі 100%-ға жуықтайды. Қан плазмасындағы ең жоғарғы концентрациясына ішке қабылдағаннан кейіншамамен 1 сағат өткенде жетеді. Тамақтың бір мезгілде қабылдануы препараттың сіңу дәрежесіне әсер етпейді, алайда C_max мәні 17% төмендейді және t_max 1-1,5 сағатқа ұзарады.

Бір реттік дозасын ішке қабылдағаннан кейін плазмадағы ең жоғары концентрациясы әдетте 84 мкг/мл, ал 3,2 г дозасын күніне 3 рет қайталап қабылдағаннан кейін – 115 мг/мл құрайды. Пирацетам қандағы ақуыздармен байланыспайды. Оның таралу көлемі 0,6 л/кг болады. Пирацетам гематоэнцефалдық бөгет арқылы өтеді және вена ішіне қолданудан кейін жұлын сұйықтығынан анықталады. Жұлын сұйықтығында T_max енгізгеннен кейін 5 сағатты, ал жартылай шығарылу кезеңі шамамен 8,5 сағатты құрайды. Пирацетам ми қыртысының (маңдай, қарақұс және желке) және мишықтың тіндерінде, сондай-ақ базальді ганглийлерде жинақталады. Пирацетам май тіндерінен басқа барлық тіндерге диффузияланады. Пирацетам плаценталық бөгет және оқшауланған эритроциттердің жарғақшалары арқылы өтеді.

Қазіргі уақытқа дейін пирацетамның метаболиттері анықталмаған. Бұл бақылау пирацетамның қан плазмасынан жартылай шығарылу кезеңінің ұзақтығын және ануриясы бар пациенттердің несебінде жоғары мөлшерде болуын түсіндіреді.

Ішке қабылдағаннан кейін пирацетамның қан плазмасынан жартылай шығарылу кезеңі ересектерде 5 сағатқа жуықтайды. Болжамды клиренсі – 80-90 мл/мин. Енгізілген дозаның шамамен 80-100% несеппен шығарылады. Пирацетам организмнен шумақтық сүзілу көмегімен шығарылады.

Пирацетамның фармакокинетикасы 0,8-ден 12 г дейінгі диапазонда дозаға тәуелді.

Жартылай шығарылу кезеңі және клиренсі сияқты фармакокинетикалық параметрлері дозаға және емдеу ұзақтығына байланысты өзгермейді.

Пациенттердің ерекше топтары

Егде пациенттер

Егде пациенттерде бүйрек функциясының жасқа байланысты нашарлауы салдарынан пирацетамның жартылай шығарылу кезеңі ұзарады.

Бүйрек функциясының бұзылуы

Пирацетамның клиренсі креатинин клиренсімен үйлеседі. Сондықтан бүйрек функиясының бұзылуында пирацетамның тәуліктік дозасын креатинин клиренсінің мәні негізінде өзгерткен жөн.

Ануриясы бар пациенттерде, бүйрек ауруының терминальді сатысында пирацетамның жартылай шығарылу кезеңі 59 сағатқа дейін ұзарады. Әдеттегі 4 сағаттық гемодиализден кейін пирацетамның шығарылуы 50-60% құрады.

Бауыр функциясының бұзылуы

Бауыр функциясы бұзылуының пирацетам фармакокинетикасына ықпалы туралы мәліметтер жоқ. Пирацетамның 80-100% дозасы организмнен несеппен шығарылатынын ескергенде, бауыр функциясының оқшауланған бұзылуы пирацетамның шығарылуына елеулі ықпал етпеуі мүмкін.

Фармакодинамикасы

Пирацетам – Луцетам препаратының белсенді заты – пирролидонға (2-оксо-1-пирролидин-ацетамид), гамма-аминмай қышқылының (ГАМҚ) циклдік туындысына жатады.

Қолда бар деректер пирацетамның әсер етуінің негізгі механизмі жасушалар үшін де, ағзалар үшін де спецификалы емес екенін көрсетеді.

Пирацетам жасушалық жарғақшалар фосфолипидтікбиқабатымен дозаға тәуелді байланыс қасиетіне ие, бұл орайда ол олардың құрылымын қалпына келтіреді және осылайша ағымдылығын арттырып, жарғақшалық функцияны жақсартады. Осылайша, жарғақшалар да, трансжарғақшалық ақуыздар да өздерінің үшөлшемді құрылымын қалпына келтіруге қабілетті, бұл олардың қалыпты жұмыс істеуі үшін өте қажет. Пирацетам жүйке жасушаларына және тамырларға әсер етеді.

Пирацетам нейрондардың жарғақшаларына әртүрлі әсер етеді. Пирацетам жүйке импульстерінің кейбір берілу түрлерін, ең алдымен, постсинапстық рецепторлардың тығыздығы мен белсенділігін түрлендіру жолымен жақсартады.

Луцетам оң гемореологиялық әсер етеді: эритроциттердің созылғыштығын арттырады, тромбоциттер агрегациясын және қан тамырлары қабырғаларына эритроциттер адгезиясын төмендетеді, капиллярлар түйілуін азайтады.

Орақ жасушалы анемиясы бар пациенттерде пирацетам эритроциттер жарғақшаларының деформациялану қабілетін жақсартады, қанның тұтқырлығын төмендетеді және «монеталық бағандардың» дамуының алдын алады. Пирацетам тамырлардың түйілуін де, тамыр түйілуін тудыратын кейбір препараттардың әсерін де болдырмайды. Пирацетамның тамырды кеңейтетін әсері жоқ және гипотензияны немесе «ұрлау» феноменін туындатпайды. Дені сау еріктілерде пирацетам эритроциттердің тамырлық эндотелийге адгезиясын төмендетті және сау эндотелий жасушаларында простагландин синтезін стимуляциялады.

Луцетам гипоксияның, уытты және электрқұрысу әсерлерінен, жарақаттар салдарынан немесе осы жай-күйлерден кейін болатын ми функциясының бұзылыстары кезінде протекторлық әсер көрсетеді және когнитивтік қабілеттерді қалпына келтіреді. Пирацетам гипоксиядан туындаған ми функциясының нашарлау дәрежесін төмендетеді.

Луцетам когнитивтік бұзылулары бар немесе бұзылуларсыз адамдарда когнитивтік функцияларды (оқу үдерісі, жады, зейін, сана) жақсартады. Бұл әсерлері оның седативтік немесе көтермелегіш әсеріне байланысты емес.

Қолданылуы

- моно- немесе кешенді ем ретінде кортикальді миоклонияда

Қолдану тәсілі және дозалары

Препаратты дәрігердің тағайындауымен ғана қабылдау керек!

Таблеткалар ішке қабылдауға арналған. Таблеткаларды тамақпен бірге немесе тамақ ішуге байланыссыз, сұйықтықпен ішу арқылы қабылдайды.

Дозаны аурудың ауырлығына, сондай-ақ препаратқа реакциясына сәйкес әркімге жеке таңдау қажет.

Әдеттегі ұсынылатын доза тәулігіне 30-160 мг/кг (тәулігіне 3-12 г ) құрайды. Жедел жай-күйлерде, сондай-ақ препаратты ішке қабылдау қиын немесе мүмкін болмаған кезде Луцетам препаратының инъекцияға арналған ерітінді түрін қолдану ұсынылады. Тәуліктік дозаны 2-4 қабылдауға бөлген жөн.

Ұсынылатын бастапқы доза ересектер үшін тәулігіне 2400 мг, ал демеуші доза – тәулігіне 1200 – 2400 мг құрайды. Ең жоғары тәуліктік доза - 4800 мг.

Емдеу ұзақтығы пациенттің клиникалық жағдайына қарай анықталады. Созылмалы ауруларда препараттың оңтайлы әсеріне әдетте 6-12 апта ішінде қол жетеді. 3 айдан кейін емдеу нәтижелерін талдап, оны жалғастырудың мақсатқа сайлығы туралы мәселені шешу керек.Егер препаратты әрі қарай қолдану қажет деп табылса, онда шамамен әр 6 ай сайын дозаны төмендету немесе препаратты толығымен тоқтату ұсынылады.

Ұсынылған дозалары:

Кортикальді миоклония: ұсынылатын бастапқы доза – тәулігіне 7,2 г, содан соң қажет болса дозаны 4,8 г-ден 3-4 күндік аралықпен тәулігіне 24 г дейін арттыруға болады. Тәуліктік дозаны 2-3 қабылдауға бөлу керек.Кортикальді миоклонияны емдеген кезде басқа миоклонияға қарсы дәрілерді әдеттегі дозаларда тағайындайды. Әрі қарай, пациенттің жай-күйінің жақсаруына байланысты, басқа миоклонияға қарсы дәрілердің дозасын төмендету мүмкіндігін қарастырған дұрыс. Пирацетаммен емдеуді аурудың бүкіл кезеңі бойы жалғастырады. Жедел жағдайларда кейбір пациенттерде уақыт өте келе жағдайының өздігінен жақсаруы байқалады, сондықтан, әр 6 ай сайын дозаны азайтуға немесе препаратты күрт тоқтатудан туындайтынкенет қайталанулардың немесе құрысулардың алдын алу мақсатында дозаны әр 2 күн сайын 1,2 г-ге біртіндеп қысқарта отырып (және Ланс-Адамс синдромында әр 3 - 4 күн сайын) емдеуді тоқтатуға әрекет жасау керек.

8 жастан асқан балалар мен жасөспірімдер үшінұсынылатын тәуліктік доза логопедиялық емдеумен ұштастырып 2 бөліп қабылданатын 3,2 г құрайды.

Егде жастағы пациенттер

Бүйрек функциясының бұзылуы бар болғанда дозаны түзетеді.

Егде пациенттерде ұзақ ем кезінде дозаны өзгерту қажет болуы мүмкіндігіне орай креатинин клиренсін жүйелі бақылау қажет.

Бауыр функциясының бұзылуы бар пациенттер

Тек бауыр функциясының бұзылуынан ғана зардап шеккен пациенттерге дозаны түзету қажет емес.

Бүйрек функциясының бұзылуы бар пациенттер

Мұндай пациенттерге бүйрек функциясына байланысты, төменде келтірілген кестеге сәйкес дозаны әркімге жеке түзету қажет. Кестені пайдалану үшін кретинин клиренсінің (КК мл/мин) мәнін анықтау керек, ол сарысудағы креатинин концентрациясына байланысты (мг/100 мл) мынадай формула бойынша анықталады:

[140 - жасы (жыл)] x дене салмағы (кг)

КК = --------------------------------------------------(x 0,85 әйелдер үшін)

72 х сарысудағы креатинин (мг/100 мл)

Бүйрек және бауыр функциясының бұзылуы бар пациенттерге дозаны түзету ұсынылады.

Жағымсыз әсерлері

Жағымсыз реакциялардың жиілігі былай анықталады: өте жиі (≥ 1/10), жиі (≥ 1/100 - <1/10 дейін), жиі емес (≥ 1/1000, <1/100), сирек (≥ 1/10000 және <1/1000), өте сирек (<1/10000), жиілігі белгісіз (жиілігіне қолда бар деректер негізінде баға беру мүмкін емес).

Қан жүйесі және лимфа жүйесі тарапынан бұзылулар

жиілігі белгісіз: қан кетуге байланысты бұзылыстар

Иммундық жүйе тарапынан бұзылулар

жиілігі белгісіз: анафилактоидты реакциялар, аса жоғары сезімталдық реакциялары

Психиканың бұзылуы

жиі: күйгелектік

жиі емес: депрессия

жиілігі белгісіз: қозу, үрейлену, сананың шатасуы, елестеулер

Жүйке жүйесі тарапынан бұзылулар

жиі: гиперкинез (моторлық белсенділіктің жоғарылауы)

жиі емес: ұйқышылдық

жиілігі белгісіз: атаксия (жүрістің бұзылуы), тепе-теңдік сезімінің бұзылуы, эпилепсия ағымының нашарлауы, бас ауыру, ұйқысыздық

Есту мүшесі тарапынан бұзылулар және лабиринттік бұзылулар

жиілігі белгісіз: вертиго (тепе-теңдіктің бұзылуымен бас айналу)

Асқазан-ішек жолы тарапынан бұзылулар

жиілігі белгісіз: іштің ауыруы, іштің жоғарғы бөлігінің ауыруы, диарея, жүрек айну, құсу

Тері және тері асты тіндері тарапынан бұзылулар

жиілігі белгісіз: ангионевроздық ісіну, дерматит, қышыну, есекжем

Жалпы бұзылыстар және енгізген жердегі бұзылулар

жиі емес: әлсіздік

Зертханалық және аспаптық зертеулердің нәтижелеріне ықпалы

жиі: дене салмағының артуы

Болжамды жағымсыз реакциялар жөнінде хабарлау

Препараттың болжамды жағымсыз реакциялары туралы мәліметтер ұсыну дәрілік заттың пайда/қауіп арақатынасына үздіксіз мониторинг жүргізуге мүмкіндік беретін аса маңызды сәт болып табылады. Медицина қызметкерлері нұсқаулықтың соңында көрсетілген байланыс деректері бойынша және ұлттық ақпарат жинау жүйесі арқылы кез келген болжамды жағымсыз реакциялар туралы ақпарат ұсынуы керек.

Қолдануға болмайтын жағдайлар

- пирацетамға, пирролидонның басқа туындыларынанемесе препараттың басқа компоненттеріне жоғары сезімталдық

- ауыр бүйрек жеткіліксіздігі (креатинин клиренсі 20 мл/мин төмен)

- геморрагиялық инсульт

- Гентингтон хореясы

- 8 жасқа дейінгі балалар

- жүктілік және лактация кезеңі.

Дәрілермен өзара әрекеттесуі

Басқа дәрілік заттардың әсерінен пирацетам фармакокинетикасының өзгеру мүмкіндігі өте төмен, өйткені 90% пирацетам өзгермеген күйде несеппен шығарылады.

Орталық жүйке жүйесін стимуляциялайтын препараттармен бір мезгілде қолдану олардың стимуляциялаушы әсерін күшейтуі мүмкін.

Нейролептиктермен бір мезгілде қолданылуы моторлы белсенділігінің жоғарылауына әкелуі мүмкін.

Қалқанша без гормондарымен (T₃+T₄) бір мезгілде қолданылғанда орталықтықәсерлерді (мазасыздық, ұйқының бұзылуы, сананың шатасуы) күшейтуі мүмкін.

Препаратты тұрақты дозада қабылдайтын эпилепсиясы бар пациенттердің Луцетамды тәулігіне 20 мг дозада 4 апта бойы қабылдауы, эпилепсияға қарсы препараттардың (карбамазепин, фенитоин, фенобарбитал, натрий вальпроаты) концентрациялары деңгейінің жоғарғы шегінжәне қисығын өзгертпейді.

Луцетам (1,6 г) препаратын этанолмен бір мезгілде қабылдау қан плазмасындағы осы заттардың әрқайсысының концентрация деңгейіне әсер етпейді.

Веналық тромбозы бар пациенттерде Луцетам жоғары дозаларда (тәулігіне 9.6 г) ХҚҚ (халықаралық қалыптастырылған қатынасқа) 2,5 – 3,5 жетуге қажетті аценокумарол дозаларына ықпал етпейді. Алайда, тек қана аценокумаролды қолданумен салыстырғанда, тәулігіне9,6 г дозада пирацетамды қосу тікелей емес антикоагулянттардың тиімділігін статистикалық маңызды түрде жоғарылатты (тек аценокумаролды қолданумен салыстырғанда тромбоциттер агрегациясы деңгейінің, b-тромбоглобулин босап шығуының,фибриноген деңгейінің, Виллебранд факторының (YIII: C; VIII: vW : Ag; VIII: vW : RCo), қан мен плазма тұтқырлығының біршама айқынырақ төмендегені байқалған).

In vitro тесттерінде пирацетамның 142, 426 және 1422 мкг/мл концентрациялары адамның Р-450 цитохром жүйелерінің бауыр ферменттерін (CYP 1A2, 2B6, 2C8, 2C9, 2C19, 2D6, 2E1, 4A9/11) бәсеңдеткен жоқ. 1422 мкг/мл концентрациясы үшін CYP 2A6 (21%) және 3А4/5 (11%) өте аз тежелуі байқалды. Алайда, осы екі изоферменттің тежелуін көрсететін тежелу константасының мәндері 1422 мкг/мл-ден әлдеқайда жоғары болуы ықтимал. Сондықтан, Луцетамның басқа препараттарменметаболизмдік өзара әрекеттесу ықтималдығы аз.

Айрықша нұсқаулар

Пирацетамның тромбоциттер агрегациясына ықпал етуіне байланысты, препараттыгемостаздың ауыр бұзылуы, қан кету симптомдары немесе қан кетудің жоғары қаупі бар (мысалы, асқазанның немесе он екі елі ішектің ойық жарасы) пациенттерге, қанның ұюы бұзылған пациенттерге, ми ішіне қан құйылуды бастан өткерген пациенттерге, алда тұрған хирургиялық араласу алдында (оның ішінде стоматологиялық), антикоагулянттарды немесе тромбоциттер агрегациясын тежейтін препараттарды, оның ішінде ацетилсалицил қышқылының төмен дозаларын да қабылдайтын пациенттерге тағайындаған кезде сақ болу керек.

Пирацетам организмнен бүйрекпен шығарылады, препаратты бүйрек функциясы бұзылған адамдарға тағайындаған кезде осыны ескеру керек.

Егде пациенттерде ұзақ ем кезінде дозаны өзгерту қажет болуы мүмкіндігіне орай креатинин клиренсін жүйелі бақылау қажет.

Кортикальді миоклонияны емдеген кезде, емдеуді күрт тоқтатпауға тырысу керек, өйткені бұл препаратты тоқтатуға байланысты кенеттен қайталануды немесе құрысу ұстамаларын тудыруы мүмкін.

Гипертиреозда Луцетамды қолдану орталықтық әсерлерінің (тремор, мазасыздық, ұйқының бұзылуы, сананың шатасуы) күшею қаупіне байланысты ерекше сақтықты талап етеді.

Педиатрияда қолдану

Балаларға қолданудың тиімділігі мен қауіпсіздігі туралы деректер болмағандықтан, 8 жасқа дейінгі балаларға препаратты қолдану ұсынылмайды.

Препаратты кешенді ем құрамында, әсіресе ақыл-ойдың кемдігінен немесе талапқа сай емес оқудан деп түсіндіруге келмейтін оқудың, жазудың, санаудың арнайы дағдыларын игеру жағдайларындабалаларға қолданылады.

Жүктілік және лактация кезеңі

Пирацетам плаценталық бөгет арқылы өтеді. Препараттың жаңа туған нәрестелердегі концентрациясы оның ана қанындағы концентрациясының 70-90%-на жетеді. Жүкті әйелдің клиникалық жағдайы пирацетаммен емдеуді қажет ететін және емдеудің пайдасы оның қаупінен жоғары болатын жағдайлардан бөлек, пирацетамды жүктілік кезінде тағайындауға болмайды.

Пирацетам емшек сүтімен бөлініп шығады. Пирацетамды емшек емізу кезінде қабылдауға болмайды. Пирацетамды тағайындау қажет болған жағдайдабала емізу тоқтатылуы тиіс. Емдеудің ана үшін артықшылығын және бала емізудің бала үшін артықшылығын ескере отырып, емшек емізуді жалғастыру немесе пирацетам қабылдауды тоқтату туралы шешім қабылдау қажет.

Дәрілік заттыңкөлік құралдарын жүргізуге және қауіптілігі зор механизмдерді басқару қабілетіне ықпал ету ерекшеліктері

Луцетамның осы қабілеттерге әсері туралы клиникалық деректер жоқ, алайда Луцетамның ықтимал жағымсызәсерлерін ескергенде, мұндай әсер жоққа шығарылмайды. Сондықтан шектеу дәрежесін әр пациент үшін дәрігер жеке анықтайды.

Артық дозалануы

Симптомдары: Пациент 75 г пирацетамды ішке қабылдаған ең жоғары артық дозалану жағдайы белгілі. Пациенттің іші ауырып, қан аралас іш өтуі болды, бұл сорбиттің көп мөлшерде болуының әсері деп түсіндірілді.

Пирацетамның артық дозалануына байланысты жағымсыз реакциялар дамуының басқа жағдайлары туралы хабарланған жоқ.

Емі: Пирацетам тіпті өте жоғары дозаларда да уытты емес. Арнайы антидоты жоқ. Артық дозалануға күдік туған жағдайда симптоматикалық емдеуді қолдану қажет. Пирацетамның елеулі мөлшерімен жедел артық дозаланғанда құсық шақыруға немесе асқазанды шаюға болады. Пирацетам экстракция тиімділігі 50-60 %диализ көмегімен шығарылуы мүмкін.

Шығарылу түрі және қаптамасы

60 (400 мг доза үшін), 30 (800 мг доза үшін) таблеткадан қатпарлы амортизатормен жабдықталған және алғашқы ашылуы бақыланатын FG-15 полиэтилен қақпақпен күңгірт шыныдан жасалған шыны құтыларғанемесе немесе 20 (1200 мг доза үшін) таблеткадан алғашқы ашылуы бақыланатын G-15 полиэтилен қақпақпен күңгірт шыныдан жасалған шыны құтыларғасалынған. Құтыларға өздігінен жабысатын қағаздан жасалған заттаңбалар жапсырылған. 1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Сақтау шарттары

30^о С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Эгис Фармацевтикалық Зауыты» ЖАҚ

1106 Будапешт, Керестури көшесі, 30-38 Венгрия

Тел.: (36-1) 803-5555,Факс: (36-1) 803-5529

Тіркеу куәлігінің иесі

«эгисФармацевтикалық Зауыты» ЖАҚ, Венгрия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайы және байланыс деректері (телефон, факс, электронды пошта)

«ЭГИС Фармацевтикалық зауыты» ЖАҚ ҚР өкілдігі

050060, Алматы қ-сы,Жароков к-сі 286 Г

тел: + 7 (727) 247 63 34, + 7 (727) 247 63 33, факс: + 7 (727) 247 61 41,

e-mail: egis@egis.kz

Дәріханалар

Қалалар