Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Левояпс
Халықаралық патенттелмеген атауы
Левофлоксацин
Дәрілік түрі, дозасы
Көзге тамызатын дәрі 5 мг/мл, 5 мл.
Фармакотерапиялық тобы
Сезім мүшелері. Офтальмологиялық препараттар. Микробқа қарсы препараттар. Фторхинолондар. Левофлоксацин.
АТХ коды S01AЕ05
Қолданылуы
- ересек пациенттерде және 8 жастан бастап және одан асқан балаларда левофлоксацинге сезімтал микроорганизмдер туындатқан көздің беткейлік бактериялық инфекцияларын емдеуде.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- белсенді зат левофлоксацинге, хинолондар тобының басқа препараттарына немесе қосымша заттардың кез келгеніне, мысалы бензалконий хлоридіне жоғары сезімталдық
8 жастан кіші балалар.
Қолданған кездегі қажетті сақтандыру шаралары
Балалар: жаңа туған нәрестелерде мөлдір қабықтың ойық жарасын және гонококктық конъюнктивитті левофлоксацин көзге тамызатын дәрісімен емдеудің пайдасы мен қауіпсіздігі туралы деректер жоқ.
1 жастан кіші балаларда Левояпс көзге тамызатын дәрісін қолдану тиімділігі мен қауіпсіздігі бойынша деректердің болмауына байланысты ұсынылмайды.
Егде жастағы пациенттер: ұсынылатын дозаны өзгерту қажет емес.
Басқа дәрілік препараттарменөзара әрекеттесуі
Левофлоксацин көзге тамызатын дәрісінің дәрілермен өзара әрекеттесуіне арнайы зерттеулер жүргізілмеген. Көзге жергілікті қолдануға арналған басқа препараттарды бір мезгілде пайдаланғанда қолдану арасында кем дегенде 15 минуттық аралықты сақтау қажет.
Арнайы ескертулер
Левояпс көзге тамызатын дәрісін тек қолдану тәсілінде көрсетілгендей енгізу керек.
Басқа антибиотиктер сияқты, ұзақ қолдану зеңдерді қоса, сезімтал емес микроорганизмдердің өсуіне әкелуі мүмкін. Аурудың ағымы нашарлаған жағдайда немесе ұсынылатын емдеу мерзімінде жақсартылмаған жағдайда Левояпс препаратын қолдануды тоқтату және дәрігерге қаралу қажет. Қажет болған жағдайда, дәрігер арнайы оптикалық офтальмологиялық жабдықтың көмегімен қосымша зерттеу жүргізе алады.
Көздің қабыну аурулары кезінде жанаспалы линзаларды қолдануға болмайды.
Левояпс көзге тамызатын дәрісінің құрамында консервант - бензалконий хлориді бар, ол көздің алдыңғы бөліктерінің қабынуын тудыруы мүмкін, сондықтан препараттың жұмсақ жанаспалы линзалармен жанасуынан аулақ болу және оларды Левояпс қолданар алдында шешіп алу керек, ал препаратты тамызғаннан кейін кемінде 15 минут күту керек. Бұл топтың препараттары, тіпті бір рет қолданғаннан кейін де аллергиялық реакциялар тудыруы мүмкін. Мұндай жағдайларда Левояпс препаратын қолдануды тоқтату және дереу дәрігерге бару қажет.
Левофлоксацинді қолданған кезде, әсіресе егде жастағыларда және гормональді препараттарды (кортикостероидтарды) бір мезгілде қабылдаған кезде сіңірдің қабынуы мен үзілуі дамуы мүмкін. Сіңірдің қабынуының алғашқы белгілері кезінде Левояпс препаратын қолдануды тоқтату және дәрігерге қаралу қажет.
Жүктілік немесе лактация кезінде
Жүктілік: левофлоксацинді жүкті әйелдерде қолдану туралы деректер жоқ, сондықтан адам үшін қаупі белгісіз.
Лактация кезеңі: левофлоксацин емшек сүтімен шығарылады. Левояпс препаратының емдік дозаларын қолданған кезде емшек еметін сәби үшін жағымсыз әсері күтілмейді. Левояпс көзге тамызатын дәрісін бала емізетін кезде тек дәрігердің нұсқауымен пайдалану керек.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Левояпс тамшыларын көзге тамызған кезде бұлыңғырланумен, көзден жас ағумен және тітіркенумен көру қабілеті уақытша бұзылуы мүмкін. Бұл жағдайларда көру қабілеті түзелгенше күту керек, содан кейін барып рульге отырып немесе қозғалыстағы механизмдермен жұмыс істеуге болады.
Қолдану жөніндегі нұсқаулар
Дозалау режимі
Барлық пациенттер үшін - зақымданған көзге (екі көзге) алғашқы 2 күнде Левояпс препаратының 1-2 тамшысынан әрбір 2 сағат сайын тамызады, ояу жүрген кезеңде күніне 8 реттен көп емес. Содан кейін 3-күннен бастап 5-күнге дейін, күніне 4 рет тамызады.
Енгізу әдісі мен жолы
Тамшыларды көздің ішкі бұрышына тамызады. Дәрілік препараттың сіңуінің алдын алу және жергілікті әсерді күшейту үшін тамызғаннан кейін көздің ішкі бұрышындағы мұрын-көз жасы каналын 2-3 минут бойы саусақпен қысу қажет.
Көзге арналған басқа дәрілік препараттарды бір мезгілде қолданған кезде оларды тамызу арасында ең азы 15 минуттық интервал қажет. Егер сіз Левояпс препаратын және көз жақпамайын бір мезгілде қолдансаңыз, онда жақпамайды соңғы кезекте жағу керек. Көз тамшыларын тамызар алдында жанаспалы линзаларды шешіп, тамызғаннан кейін 15 минуттан соң қайта кию қажет.
Құтының тамшылатқышы мен Левояпс тамшылары ерітіндісінің ластануын болдырмау үшін тамшылатқыштың ұшын қабаққа және айналасындағы беткейлерге тигізуге болмайды.
Емдеу ұзақтығы
Әдеттегі емдеу ұзақтығы 5 күнді құрайды. Кейбір жағдайларда дәрігер емдеу курсын 2 аптаға дейін ұзартуы мүмкін. Емдеу ұзақтығы аурудың ауырлығына, аурудың клиникалық және бактериологиялық ағымына байланысты.
Артық дозаланған жағдайда қабылдануы тиіс шаралар
Симптомдар: кездейсоқ ішке қабылдап қойғанда уытты реакциялар тудырмайды.
Емі: Левояпс көзге тамызатын дәрісі жергілікті артық дозаланған кезде,көзді (екі көзді) бөлме температурасындағы таза (ағынды) сумен шаю керек. Кездейсоқ ішке қабылдаған кезде дәрігер қажет болса, симптоматикалық және демеуші ем жүргізеді.
Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну ұсынылады.
ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар
Жиі
-көздің ашытуы, көру жітілігінің төмендеуі, көзден қою шырышты бөліністердің ағуы.
Жиі емес
- қабақтың жабысуы, қабақтың жиектерінің қабынуы, көз алмасы шырышының ісінуі, көз шырышының қабыну реакциясы, қабақтың ісінуі, көздегі жайсыздық, көздің қышуы және ауыруы, көз шырышының қызаруы, көз шырышының "түйіндері" (фолликулдар), көздің құрғап кету синдромы, қабақтың қатты қызаруы, көздіңқарығуы
- бас ауыруы, мұрын шырышының қабынуы.
Сирек
- тері бөртпелерін қоса, көзден тыс аллергиялық реакциялар.
Өте сирек
- өмірге қауіп төндіретін жедел ауыр аллергиялық реакция, тыныс алатын тамақтың ісінуі.
Жиілігі белгісіз (қолда бар деректер негізінде бағалау мүмкін емес)
- фторхинолондар тобының препараттарын қабылдаған пациенттерде иық, білезік, ахилл және басқа да сіңірлерінің үзілуі байқалды, соларға қатысты қалпына келтіру операциялары жүргізілді және бұл еңбекке қабілеттіліктің ұзақ бұзылуымен қатар жүрді. Гормональді препараттарды (кортикостероидтарды) бір мезгілде қабылдаған кезде, егде жаста және жоғары жүктемеге ұшырайтын сіңірлерде, көбінесе ахиллов сіңірлерінде сіңірлердің үзілу қаупі артады.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
5 мл препараттың құрамында:
белсенді зат - левофлоксацин гемигидраты (левофлоксацинге баламалы) 25.0000 мг
қосымша заттар: бензалконий хлориді**, натрий хлориді, хлорсутек қышқылы 10 %, натрий гидроксиді 10 % ерітіндісі,инъекцияға арналған су, азот*** (оттегі мөлшері төмен) стерильді.
**5% артығы хлоридалконийдің есептік мөлшеріне кіреді.
*** Өндірісте инертті орта ретінде пайдаланылады.
Сыртқы түрінің иісінің, дәмінің сипаттамасы
Ашық сарыдан ашық жасылдау-сары түске дейінгі мөлдір сұйықтық
Шығарылу түрі және қаптамасы
5 мл препараттан тамшылатқыш-тығынмен және алғашқы ашылуы бақыланатын бұрандалы қалпақшамен жабылған ақ түсті пластик құтыға салынады.
1 құтыдан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.
Сақтау мерзімі
Сақтау мерзімі 3 жыл
Сақтау мерзімі құты алғаш ашылғаннан кейін 25°С-ден аспайтын температурада 28 күн.
Жарамдылық мерзімі өткеннен кейін қолдануға болмайды!
Сақтау шарттары
25°С-ден аспайтын температурада сақтау керек.
Мұздатып қатыруға болмайды!
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
Balkanpharma-Razgrad AD, бульвар Апрельского восстания 68, 7200 Разград, Болгария
Телефон: (+359 84) 660 999
Факс: (+359 84) 634 272
Электронды почта: office@antibiotic.bg
Тіркеу куәлігінің ұстаушысы
Belinda Laboratories LLP. Юпитер Хаус 5, Парк Каллева, Олдермастон
Рединг, RG7 8NN Беркшир, Ұлыбритания
Телефон:+44-203-598-2050
Электронды почта: www.belinda.uk.com
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын жәнедәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Cepheus Medical» (Цефей Медикал) ЖШС, 050000, Қазақстан Республикасы, Алматы қ., Панфилов к-сі 98,«OLD SQUARE» БО, телефон: +7 (727) 300 69 71, +7 777 175 00 99 (тәулік бойы), электронды пошта: drugsafety@evolet.co.uk
Дистрибуция мәселелері бойынша: +7 (727) 271 80 78; +7 775 772 98 09, info@neolife.kz