Левомеколь 40 г мазь

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Левомеколь^®

Халықаралық патенттелмеген атауы

Жоқ

Дәрілік түрі, дозалануы

Сыртқа қолдануға арналған жақпамай, 40 мг / 7,5 мг

Фармакотерапиялық тобы

Дерматология. Дерматологияда қолдануға арналған антибиотиктер және химиотерапиялық препараттар. Антибиотиктердің микробқа қарсы препараттармен біріктірілімі

АТХ коды D06C

Қолданылуы

• жарақат үдерісінің алғашқы (іріңді-некрозды) фазасында аралас микрофлорамен (стафилококктар, көк іріңді және ішек таяқшасын қоса) инфекция жұқтырған іріңді жараларды жергілікті емдеу

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• препарат компоненттеріне аса жоғары сезімталдық
• 2 жасқа дейінгі балалар

Қолдану кезіндегі қажетті сақтық шаралары

Жоқ.

Басқа дәрілік препараттармен өзара әрекеттесуі

Басқа дәрілік заттармен өзара әрекеттесуі немесе үйлесімсіздік жағдайлары

анықталмаған.

Арнайы ескертулер

Педиатрияда қолдану

Жаңа туған нәрестелерде хлорамфеникол биотрансформациясы ересектердегіден баяуырақ жүреді. Препаратты, бақыланған клиникалық зерттеулердің болмауына байланысты, 2 жасқа дейінгі балаларда қолдануға болмайды.

Жүктілік немесе лактация кезеңінде қолдану

Хлорамфениколдың эксперименталды зерттеулерінде шаранаға қауіпі (эмбриоуытты әсері) анықталды. Жүкті әйелдерде бақыланатын клиникалық зерттеулер жүргізілмеген. Осыған байланысты, Левомеколь^® препаратын жүктілік кезінде қолдану ұсынылмайды.

Хлорамфеникол емшек сүтімен бөлініп шығады. Лактация кезеңінде не препаратты қолдануды, не бала емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Автокөлікті немесе қауіптілігі зор механизмдерді басқару қабілетіне ықпалын тигізбейді.

Қолдану жөніндегі нұсқаулар

Дозалау режимі

Левомеколь^® жергілікті қолдануға арналған.

Жара іріңді-некрозды массадан толық тазарғанға дейін күнделікті күніне бір рет таңылады.

Жара беткейлері ауқымды болғанда жақпамайдың тәуліктік дозасы хлорамфениколға шаққанда 3 г-ден аспауы тиіс.

Енгізу жолы және тәсілі

Жақпамайды стерильді дәке сүрткілерге сіңдіріп, жараны стандартты хирургиялық өңдеуден (некроздалған тіндерді механикалық жолмен алып тастау, сутегінің асқын тотығы ерітіндісімен жуып-шаю) кейін оны қопсытып толтырады.

Препаратты шприц көмегімен катетер (дренажды түтік) арқылы іріңді қуыстарға енгізуге болады. Ондай жағдайда жақпамайды 35-36 °С дейін алдын ала жылытады.

Емдеу ұзақтығы

Емнің ұзақтығы аурудың ауырлығы мен ағымына байланысты, дәрігермен тағайындалады.

Артық дозалану жағдайында қабылдануы қажеті шаралар

Левомеколь^Ò препаратымен артық дозалану жағдайлары туралы хабарланбаған.

Дәрілік препаратты қолдану тәсілін түсіндіру үшін медициналық қызметкерден кеңес алу бойынша ұсынымдар

Егер Сізде осы препаратты қабылдау бойынша қосымша мәселелер туындаса, дәрігерге немесе мейірбикеге кеңес алу үшін жүгініңіз.

Дәрілік препаратты стандартты қолдану кезінде көрініс табатын жағымсыз реакциялардың сипаттамасы

Жағымсыз дәрілік реакциялардың туындау жиілігі ДДҰ жіктеуіне сәйкес анықталған: өте жиі (>1/10), жиі (>1/100, ≤1/10), жиі емес (>1/1000, ≤1/100), сирек (>1/10000, ≤1/1000), өте сирек (1/10000-ден аз), жиілігі белгісіз(қолда бар деректер негізінде жиілігін анықтау мүмкін емес).

Жиілігі белгісіз

• аллергиялық реакциялар (тері бөртпелері)

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 г жақпамайдың құрамында

белсенді заттар -диоксометилтетрагидропиримидин (метилурацил),

40 мг,

хлорамфеникол, 7,5 мг,

қосымша заттар: макрогол-1500, макрогол-400.

Сыртқы түрінің, иісінің, дәмінің сипаттамасы

Ақ немесе сарғыш реңді ақ түсті жақпамай

Шығарылу түрі және қаптамасы

40 г препараттан алюминий немесе полиэтилен ламинатты сықпаларға салынады.

Әр сықпа медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл 6 ай.

Жарамдылық мерзімі өткеннен кейін қолдануға болмайды.

Сақтау шарттары

20 ºС-денаспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

«Нижфарм» АҚ, Ресей

603950, Нижний Новгород қ.,

Салганская к-сі, 7

тел.: (831) 278-80-88

факс: (831) 430-72-28

e-mail: med@stada.ru

Тіркеу куәлігінің ұстаушысы

«Нижфарм» АҚ, Ресей

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нижфарм» АҚ Өкілдігі

050043, Қазақстан Республикасы,

Алматы қ., Хан-Тәңірі ы/а, 55б

тел.: (727) 2222-100

факс: (727) 398-64-95

e-mail: almaty@stada.kz

Дәріханалар

Қалалар