Кокарнит 0,5% с раст-лем 2 мл № 3 амп

Сипаттама

Дәрілік препаратты медициналық

қолдану жөніндегі нұсқаулық

(Қосымша парақ)

Саудалық атауы

Кокарнит

Халықаралық патенттелмеген атауы

Жоқ

Дәрілік түрі, дозасы

Инъекция үшін ерітінді дайындауға арналғанлиофилизацияланған ұнтақеріткішпен жиынтықта (лидокаин гидрохлоридінің 0.5 % ерітіндісі)

Фармакотерапиялықтобы

Дәрумендер. В тобы дәрумендері кешені, басқа препараттармен біріктірілімін қоса.Басқа препараттармен біріктірілген В тобының дәрумендері.

АТХ коды А11ЕХ

Қолданылуы

- невриттерде, нейропатияда (қант диабеті кезінде, пернициоздыанемияда және т.б.)

- шығу тегі әр түрлі невралгияда

- миалгияда, ишиалгияда

- люмбагода, радикулитте

- бурситте, тендинитте

- жүректің ишемиялық ауруында, миокардитте, миокардиопатияда

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• препараттың кез келген компоненттеріне аса жоғары сезімталдық
• миокард инфарктісінің жедел кезеңі
• гиперкоагуляция (соның ішінде жедел тромбоз), эритремия, эритроцитоз,артериялық гипертензияның ауыр түрлері, артериялық гипотензия, өкпенің қабыну аурулары, жүректің ауыр жеткіліксіздігі, псориаз, өткізгіштіктің ауыр бұзылулары, жүректің жедел жеткіліксіздігі.
• 18 жасқа дейінгі балалар және жасөспірімдер
• жүктілік және лактация кезеңі

Қолдану кезіндегі қажетті сақтық шаралары

Кокарнит препаратын енгізер алдында препарат компоненттеріне жоғары сезімталдыққа күдікті пациенттерге тері ішіне сынама жасау ұсынылады.

Басқа дәрілік препараттармен өзара әрекеттесуі

Кокарбоксилаза жүрек гликозидтерінің кардиотонустық әсерін күшейтеді.

В₁₂ дәрумені В₁ дәрумені туғызған аллергиялық реакцияларды күшейтуі мүмкін екенін ескеру қажет.

Никотинамидті әсіресе карбамазепин, диазепам, натрий вальпроаты сияқты эпилепсияға қарсы дәрілермен бір уақытта қолданғанда олардың құрысуға қарсы әсері үдеуі мүмкін.

Арнайы ескертулер

Цианокобаламинмен емдеген кезде жүйелі түрде қан талдауын жүргізу қажет.Эритро- және лейкоцитозға даму үрдісі кезінде дозаны азайтады немесе препаратты қабылдауды уақытша тоқтатады. Емдеу үдерісінде қанның ұюын бақылап отыру қажет және тромб түзілуіне бейімділігі бар адамдарға қатысты абай болу қажет. В12 дәруменін жедел тромбоэмболиялық ауруларда енгізуге болмайды.

Стенокардиямен ауыратын науқастарға В12 дәруменін сақтықпен және аз дозада (бір инъекцияға 0,1 мг-ге дейін) тағайындау қажет.

Кокарнитті анамнезінде ойық жара аурулары, гастрит, подагра, қан кету, бауыр мен өт шығару жолдарының зақымданулары туралымәліметтері бар пациенттерде сақтықпен қолдану керек. Препаратты ұзақ уақыт қолданғанда қан сарысуындағы трансаминазалар, сілтілік фосфатаза, ГГТП, билирубин, несеп қышқылы деңгейін бақылап отыру қажет.

Дайындалған ерітіндінің түсі қызыл болуы тиіс.

Егер түсі өзгеріп кетсе, ерітіндіні пайдалануға болмайды.

Ерітіндіні дайындағаннан кейін бірден пайдалану қажет!

Педиатрияда қолданылуы

Препаратты балаларға қолданудың қауіпсіздігі және тиімділігі зерттелген жоқ.

Жүктілік және лактация

Жүктілік кезіндеКокарнитті егер анаүшін күтілетінпайдасыұрықүшін әлеуетті қауіптен басым болғанжағдайлардағанақолдану керек.

Препаратпен емделу кезінде бала емізуді тоқтату ұсынылады.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Кокарнит препаратын қолдану кезінде бас айналу, бас ауыру пайда болатын пациенттер жоғары зейін шоғырландыруды және психомоторлық реакциялардың шапшаңдығын қажет ететін қауіптілігі зор қызмет түрлерімен айналыспауы тиіс.

Қолдану жөніндегі нұсқаулар

Дозалау режимі

Кокарнит препаратының тәуліктік дозасы препараттың 1-2 ампуласын құрайды.

Енгізу әдісі және жолы

Бұлшықет ішіне.

Қабылдау уақыты көрсетілген қолдану жиілігі

Тәулігіне бір рет.

Емдеу ұзақтығы

Емдеу ұзақтығы және қайталау курстары аурудың сипатына және ауырлығына байланысты және емдеуші дәрігер анықтайды.

Артық дозаланған жағдайда қолдану қажет шаралар

Симптомдары: препараттың жағымсыз әсерлерінің күшеюі.

Емі: симптоматикалық және препаратты қолдануды тоқтату.

Дәрілік препаратты қолданбас бұрын дәрігерге немесе фармацевтке кеңес алу үшін жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Жиілігі белгісіз:

- жүрек айнуы,жеңіл түрдегі уақытша диарея, диурездің күшеюі

- бас ауыруы, бас айналу, кенеттен терлеу, әлсіздікті сезіну, жүйкенің қозуы

- өкпенің ісінуі, емнің басындағы жүректің іркілісті жеткіліксіздігі, шеткері тамырлар тромбозы

- тахикардия,жүрек тұсының ауыруы

- аллергиялықреакциялар (есекжем, Квинке ісінуі, анафилаксиялық шок)

- гиперемия, қышыну,енгізген жердің ісінуі

- шынайы полицитемия

- қышыну, транзиторлы экзантема.

Айқын жағымсыз құбылыстар дамыған кезде препаратты қолдануды тоқтатады.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі «Тауарлар мен көрсетілетін қызметтердің сапасы мен қауіпсіздігін бақылау комитеті» «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір ампуланың ішінде

белсенді заттар: 10 мг динатрий аденозинтрифосфат тригидраты, 50 мг кокарбоксилаза, 0,5 мг цианокобаламин, 20 мг никотинамид,

қосымша заттар: глицин, метилпарагидроксибензоат, пропил парагидроксибензоат.

Бір ампула еріткіштің құрамында: 10.67 мг лидокаин гидрохлорид моногидраты (10 мг лидокаин гидрохлоридіне баламалы), инъекцияға арналған су 2 мл-ге дейін.

Сыртқы түрінің, иісінің, дәмінің сипаттамасы

Қызғылт түсті лиофилизацияланған ұнтақ.

Еріткіш: мөлдір түссіз ерітінді.

Шығарылу түрі және қаптамасы

Шыны ампулаларда инъекцияға арналғанлиофилизацияланған ұнтақ.

3 ампуладан еріткішімен (2 мл-ден лидокаин гидрохлориді 0,5% ерітіндісі 3 ампула) жиынтықта пішінді ұяшықты қаптамада медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

«Е.И.П.И. Ко.», Мысыр,

Тенс ов Рамадан Сити, Бірінші өндірістік аймақ В1, а/ж 149 Тенс

Тіркеу куәлігінің ұстаушысы

«УОРЛД МЕДИЦИН ЛИМИТЕД», Лондон/Ұлыбритания

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон,факс,электрондыпошта)

«TROKA-S PHARMA» ЖШС, Алматы, Сүйінбай даңғылы 222 б

Тел: +7 701 786 33 98, (24-сағатқа қол жетімді)

е-mail: pvpharma@worldmedicine.kz

Дәріханалар

Қалалар