Картан 1 гр/5 мл № 5 амп

Сипаттама

Дәрілік затты медициналық

қолдану жөніндегі нұсқаулық

КАРТАН

Саудалық атауы

Картан

Халықаралық патенттелмеген атауы

Левокарнитин

Дәрілік түрі

Инъекцияға арналған ерітінді, 1г/5мл

Құрамы

1 мл ерітіндінің құрамында

белсенді зат - 200 мг левокарнитин,

қосымша заттар: 2М хлорсутек қышқылы, инъекцияға арналған су.

Сипаттамасы

Мөлдір түссіз немесе ашық-сары түсті ерітінді

Фармакотерапиялық тобы

АІЖ аурулары мен зат алмасу бұзылуларын емдеуге арналған басқа да препараттар. Амин қышқылдары және олардың туындылары.

АТХ коды А16АA01

Фармакологиялық қасиеттері

Фармакокинетикасы

Сіңірілген L-карнитин қан арқылы әртүрлі жүйелерге және ағзаларға тасымалданады. Организмнің кейбір тіндерінде карнитинді байланыстыратын қанның қызыл жасушаларын қоса, жарғақшаларымен байланысқанақуыздардың болуы, оны белсенді қорыту үшін кейбір тіндерде қанды тасымалдау жүйесі мен қажетті жасушалық жүйелердің болатынын болжауға мүмкіндік береді.

Қан сарысуында және тіндерде карнитиннің концентрациясы алмасу үдерістерінің белсенділігіне, карнитин биосинтезінің жылдамдығына, тамақтану ерекшеліктеріне, карнитиннің тінге және тіннен тасымалдануына, оның метаболизмінің жылдамдығына және шығарылуына байланысты болады, бұл факторлардың барлығы тіндердегі карнитин концентрациясына әсер етуі мүмкін.

Сіңуі

L-карнитин жіңішке ішектің шырышты қабығының жасушаларымен сіңіріледі және тиісінше қан ағымына баяу өтеді; сіңуі, шамасы, белсенді транслюминальді механизммен байланысты. Болжамды жүйелі қолжетімдігі пероральді қабылдағаннан кейін шектелген (<10%) және тұрақты болып табылмайды.

Таралуы

Сіңірілген L-карнитин әр түрлі ағзаларға және организмдер жүйесіне қанмен тасымалданады; іріктеп сіңірілуіне қанның тасымалдау жүйесі мен таралу жүйесі қатысады деп саналады.

Шығарылуы

L-карнитин организмнен негізінде несеппен шығарылады және бұл ауыспалы шамасы болып табылады. Шығарылуы оның қандағы деңгейіне тура пропорционалды.

Метаболизм

L-карнитин аз дәрежедеметаболизденеді.

Фармакодинамикасы

L-карнитин жануарлар, микроорганизмдер мен өсімдіктер тіндерінде табиғи компонент ретінде болады. Адам организміне қалыпты метаболизмге қажеттілікті құрамында L-карнитин бар өнімдерді тұтыну есебінен, сондай-ақ метил тобының донорлары болып табылатын лизин мен метиониннің бауыр мен бүйректегі эндогенді синтезі есебінен толықтырады. Тек карнитиннің L-изомері биологиялық белсенді болып табылады және липид алмасуында, кетонды денелер метаболизмінде амин қышқылдары тізбегінің буыны ретінде маңызды рөл атқарады. L-карнитин триглицеридтерге кірігуін емес, май қышқылдарының тотығуын ынталандырады, митохондрияларда ұзын-тізбекті май қышқылдарының тасымалдануына қатысады. L-карнитин Кребс циклінің жұмысын жақсартады (СоА босап шығуы, СоА әсері арқылы, карнитин-ацилтрансфераза ферментінің қатысуымен); мұндай механизм қаңқа бұлшықеттерінде пируват дегидрогеназа белсенділігін және амин қышқылдары тізбегінің тармақталған буындарының тотығуын көтермелейді. Осылайша, L-карнитин зат алмасудың әртүрлі үдерістеріне тікелей немесе жанама қосылады және тек қана майлы қышқылдар мен кетонды денелер ғана емес, сондай-ақ глюкоза мен кейбір амин қышқылдары тотығуының маңызды факторы болып табылады.

Қолданылуы

- ересектерде, балаларда, сонымен қатар сәбилер мен жаңа туғандарда левокарнитиннің бастапқы және салдарлы тапшылығында

- гемодиализді ұзақ қабылдайтын және мынадай: айқын тұрақты бұлшықет түйілуі және/немесе диализ жүргізу кезінде гипотензиялық эпизодтар; өмір сапасын елеулі теріс әсерге әкеп соқтыратынэнергетикалық тапшылық; қаңқа бұлшықеттерінің әлсіздігі және/немесе миопатиялар; кардиомиопатия; емдеуге жауабы жоқ немесе эритропоэтиннің үлкен дозасын талап ететін анемия; бұлшықет массасын жоғалту сияқты симптомдары бар пациенттерде левокарнитиннің салдарлы тапшылығында

Қолдану тәсілі және дозалары

Инъекцияға арналған Картан ерітіндісі вена ішінебаяу (2-3 минут бойы) енгізуге арналған.

Ересектер, балалар, сонымен қатар сәбилер мен жаңа туғандар

Оңтайлы дозаны тағайындау үшін қан плазмасы мен несептен бос және ацильді левокарнитин деңгейін өлшей отырып, емді бақылау ұсынылады.

Метаболизмнің туа біткен бұзылуы кезінде қолдану

Препараттың қажетті дозасы клиникалық көріністерге және зат алмасу бұзылуының айқындылығына байланысты болады.

Жедел декомпенсация кезінде ұсынылған доза тәулігіне 3-4 енгізетін 100 мг/кг дейін құруы мүмкін. Қажет болған жағдайда одан да жоғары дозаларды қолдануға болады, алайда бұл кезде жағымсыз әсерлер күшеюі мүмкін, атап айтқанда диарея.

Гемодиализ жүргізетін пациенттерде карнитиннің салдарлы тапшылығы

Емді бастар алдында қан плазмасынан карнитин деңгейін бақылау ұсынылады. Карнитиннің салдарлы тапшылығы қан плазмасындағы бос карнитин деңгейіне ацильді карнитиннің арақатынасы 0,4 жоғары емес кезінде болжанады, ал қан плазмасындағы бос карнитин деңгейі20 мкмоль/л төмен.

Диализдің әр ем-шарасының соңында (шамамен аптасына үш рет)вена ішілік болюс түрінде енгізуі қажет болатын ұсынылатын доза 20 мг/кгқұрайды. Вена ішілік емдеу ұзақтығы үш айдан аспауы тиіс - бұл әдетте бұлшықет бос карнитиннің қалыпты деңгейін орнына келтіру үшін талап етілетін уақыты. Жалпы реакцияны ацильді карнитиннің бос карнитинге ара қатынасының мониторингі негізінде және пациент симптоматикасының динамикасын бағалау керек.

Карнитинді тоқтатқан кезде карнитин деңгейінің үдемелі төмендеуі байқалады. Емдеу курсын қайталау қажеттігін пациент симптомдарының динамикасын ескере отырып және уақыттың тұрақты аралығында қан плазмасындағы карнитин деңгейін өлшеу арқылы анықтауға болады.

Гемодиализ – демеуші ем

Егер елеулі клиникалық әсерге алғашқы курста препаратты вена ішіне енгізу арқылы жеткен болса, одан кейінгі демеуші емді диализдің әр сеансынан кейін қабылдау қажет болатын, тәулігіне 1 г дозада, ішуге арналған ерітінді, Картан препаратын пайдаланумен жүргізуге болады.

Жағымсыз әсерлері

- пероральді L-карнитинді ұзақ қабылдаған кезде жүрек айнуы, құсу, іштің ауыруы, диарея (дозаны азайту жағымсыз әсерлердің жойылуына әкеп соқтырады)

- дененің спецификалық иісі (дозаны азайту препарат туындатқан иісті бәсеңдетеді немесежояды)

- аллергиялық реакциялар

Қолдануға болмайтын жағдайлар

• препарат компоненттеріне жоғары сезімталдықта

Дәрілермен өзара әрекеттесуі

Препаратты қабылдар алдында дәрігерге басқа препараттарды қабылдағаны жөнінде айтқан жөн.

Глюкокортикоидтар көптеген тіндерде (бауырдан басқасында) карнитин деңгейін арттырады. Холиннің шамадан тыс дозасыкарнитиннің синтезін және белсенділігін тежейді. Карнитинді әр түрлі анаболиялық дәрілермен; антиоксиданттық немесе/және антигипоксанттық белсенділігі бар препараттармен қосып қолдануға болады.

Айрықша нұсқаулар

Талапқа сай дозалауды анықтау үшін қан плазмасындағы және несептегі бос және ацилдікL-карнитиндеңгейін өлшей отырып, емдеуді бақылау ұсынылады.

Карнитиннің плазмадағы концентрациясы 35-тен 60 mмоль/л дейінді құрайды. Ацилдік және бос L-карнитиннің плазмадағы арақатынасы 0.35-тен төмендеу.

L-карнитин дағдылануды тудырмайды, өйткені адам организмі үшін табиғи ерітінді болып табылады. Инсулин немесе гипогликемиялық пероральдық ем қабылдап жүрген диабетке шалдыққан пациенттерге L-карнитинді енгізу оларда гипогликемияны тудыруы мүмкін. Сондықтан осы санаттағы пациенттерді емдеу кезінде гипогликемиялық препараттардың дозалау режимін түзеу үшін, қан плазмасындағы глюкоза деңгейін тұрақты түрде бақылап отыру қажет.

Картанның жоғары дозасын ұзақ пероральді қабылдаубүйрек функциясыауыр бұзылулары бар немесе бүйрек жеткіліксіздігі терминалды сатысында диализде жүргенпациенттерде, әдетте несеппен бөлінетін, триметиламин (ТМА) және триметиламин-N-оксид (ТМАО), потенциалды уытты метаболиттер концентрациясының жоғарылауын туындатуы мүмкін. Жоғары дозаны вена ішіне енгізу уытты метаболиттердің жинақталуына әкелмейді.

Жүктілік және лактация кезеңі

Жүктілік немесе бала емізу кезінде тек аса қажетті, егер ана үшін пайдасы шаранаға немесе сәбиге төнетін ықтимал қатерден артық болатын жағдайларда ғана қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозаланғанда

L-карнитиннің артық дозаланған жағдайындағыуыттылығы туралы деректержоқ. Препараттың жағымдылығы оны қабылдаудың алғашқы аптасында және қабылданған дозаны әр арттырған сайын бақыланады.

Симптомдары: препараттың жоғары дозалары диареяны туындатады.

Емі: препараттың қабылдайтын дозасын азайтады және орнын алмастырушы ем жүргізеді.

Шығарылу түрі және қаптамасы

Препаратты 5 мл-ден сындыруға арналған белгісі бар күңгірт шыны ампулаға құяды.

5 ампуладан термопластикалық пішінді ұяшықты қаптамаға салынады.

1 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Жарықтан қорғалған жерде, 25 ^оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген сақтау мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы

Өндіруші

DEMO S.A. Pharmaceutical Industry

21st km National Road Athens – Lamia 145 68 Krioneri, Афины, Греция

Тіркеу куәлігінің иесі

DEMO S.A. Pharmaceutical Industry

21st km National Road Athens – Lamia 145 68 Krioneri, Афины, Греция

Қазақстан Республикасы аумағында тұтынушылардан өнімнің сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы

«WELFAR-KAZAKHSTAN» ЖШС

Қазақстан Республикасы, Алматы қ., Байзақов к-сі 125/185, 509 кеңсе

Телефон/Факс:+7 727 352 71 36

E-mail: info@welfar.kz

Дәріханалар