Кальци-Дол пор для приготовления суспензии 150 мл

Сипаттама

Тағамға биологиялық белсенді қоспаны қолдану жөнінде нұсқаулық Кальци-Дол Шығарылу түрі:150мл суспензия дайындауға арналған ұнтақ. Белсенді заттар: 5 мл дайын суспензия құрамында: Са карбонат- 200мг. Д3 дәрумені- 1000МЕ(25мкг). Қосалқы заттар: Мальтодекстрин, сахароза, кремний диоксиді, табиғи хош иістендіргіш,ксантан шайыры. Физиологиялық әсері: Кальци-Дол — ағзадағы кальций мен д3 дәруменінің алмасуын реттейтін құрама зат болып табылады. Сүйек тінінің резорбциясын азайтып, тығыздығын арттырады, ағзадағы тістің минералдануы, сүйек пен бұлшықеттің беріктілігі үшін қажет д3 дәрумені мен кальций тапшылығының орнын толтырады. Адам ағзасында кальций тұздары сүйек пен тістердің негізгі *құрылыс материалы* болып табылады. Сонымен қатар, кальций иондары көптеген физиологиялық процестерді — қанның ұюын, бұлшықеттің жиырылуын, иммунитеттің қалыптасуын, гормон секрециясын, жүйке импульстарының өткізілуін реттеу барысына қатысады. Бала ағзасындағы кальцийдің тіпті аздап жетіспеушілігі тіс тіндерінің гипоплазиясы(азу немесе сүтті тістердің дұрыс өспеуі), баяу өсу, ұйқышылдық, жоғары шаршаңқылық, іш қату сияқты мәселелерді тудыруы мүмкін. Д3 дәрумені Са-дің толық игерілуіне септігін тигізіп, оның сүйек тінінен шайылуын тежейді, фосфор алмасуын реттейді.Д3 дәрумені кальцийдің ішекте сіңірілуін арттырады. Кальций мен Д3 дәруменін қабылдау жоғары сүйек резорбциясының стимуляторы болып табылатын паратиреоидтық гормонның өндірілуінің ұлғаюына кедергі келтіреді. Д3 дәрумені аш ішекте сіңіріледі. Кальций Д —дәрумен тәуелді белсенді тасымалдау механизмінің көмегімен аш ішектің проксималды бөлімінде иондалған түрінде сіңіріледі. Қолдану аймағы: Балалар мен ересектерде кальций және д3 дәрумені тапшылығының орнын толтыруға арналған. Мөлшерлеу мен қолдану тәсілі: Ұнтақты нақты алғашқы қолдану алдында, шыны сауытта 150мл құтыдағы заттаңбаға дейін, салқындатылған қайнаған сумен сұйылтып араластырыңыз.Қолдану алдында жақсылап шайқаңыз! Аталған суспензияны жасы 1,5 айдан асқан балаларға, сондай-ақ жасы мен қажетті мөлшерін ескерумен ересектерге күніне 1 рет қабылдауға болады. Д3 дәруменінің тәуліктің мөлшері кем дегенде 200МЕ құрайды. Көрсетілген мөлшер дайын суспензияның 1 мл-де ұсынылған. Дайын өнімді тоңазытқышта 30 күн сақтауға болады. Қарсы көрсетілімдер: Құрауыштардың біріне жоғары сезімталдық. Ерекше нұсқаулар: Жүктілік пен бала емізу кезінде пайдалану алдында дәрігермен кеңесу ұсынылады. Сақтау шарттары: Құрғақ, жарықтан қорғалған жерде, 25С аспайтын температурада сақтау керек.Балалардың қолы жетпейтін жерде сақтау керек!Жарамдылық мерзімі өткеннен кейін пайдалануға болмайды! Жарамдылық мерзімі: 30ай. Өндіруші: Labomar S.p.a., Италия. ҚР аумағында өнім сапасына қатысты шағымдарды қабылдайтын ұйым:*Ел компани* ЖШС 050022, Алматы қ.,Масанчи к-сі, 98 А, 41 кеңсе. Тел: 292-26-30, 292-26-65 факс: 292-26-37

Дәріханалар