Кальция глюконат №10, табл.

Сипаттама

Дәрілік затты медициналық қолдану

жөніндегі нұсқаулық

Кальций глюконаты

Саудалық атауы

Кальций глюконаты

Халықаралық патенттелмеген атауы

Жоқ

Дәрілік түрі

Таблеткалар 500 мг

Құрамы

Бір таблетканың құрамында:

белсенді зат – кальций глюконаты – 500 мг;

қосымша заттар: картоп крахмалы, тальк, магний стеараты, сусыз коллоидты кремнийдің қостотығы.

Сипаттамасы

Ақ түсті, жалпақ цилиндр пішінді, ойығы мен сызығы бар таблеткалар.

Фармакотерапиялық тобы

Ас қорыту жолы және зат алмасу. Минералды қоспалар. Кальций препараттары. Кальций глюконаты.

АТХ коды А12АА03

Фармакологиялық қасиеттері

Фармакокинетикасы

Қабылданатын кальцийдің үштен біріне жуығы асқазан-ішек жолдарында, негізінен жіңішке ішекте сіңеді. Қанда кальций бос (иондалған), сондай-ақбайланысқан түрінде де кездеседі. Кальцийдің 20 %-ға жуығы несеппен, 80 %-ы ішек арқылы шығарылады.

Фармакодинамикасы

Кальцийдің иондары сүйек тінінің қалыптасуына, қанның ұю үдерісінеқатысады, тұрақты жүрек қызметін демеу, жүйке импульстерін беру үдерістерін жүзеге асыру үшін қажет. Қан плазмасында және тіндерде кальций иондары құрамының азаюы әртүрлі патологиялық үдерістердің дамуына әкелуі мүмкін. Гипокальциемия қаңқа және тегіс бұлшықет функциясының, жүрек-тамыр жүйесінің, қан ұю жүйесінің бұзылуына, остеопороздың дамуына әкеледі.

Қолданылуы

Кальций тапшылығымен бірге жүретін жағдайлар. Остеопорозды емдеу кезінде қосымша дәрі ретінде.

Қолдану тәсілі және дозалары

Тамақтану алдында ішке тағайындалады. Таблетканы жұтар алдында ұсақтау немесе шайнау қажет.

Ересектерде қолдану:

- кальций тапшылығында: бір таблеткадан тәулігіне 1-3 рет;

- остеопороз кезіндегі қосымша емде: бір таблеткадан тәулігіне 1-3 рет.

Балаларда 6 жастан бастап қолдану:

- кальций тапшылығында: бір таблеткадан тәулігіне 1-2 рет.

Бүйрек функциясы бұзылған адамдарда қолдану. Бүйрек функциясы ауыр бұзылған пациенттерге қолдану ұсынылмайды. Ауырлығы қалыпты және орташа дәрежедегі бүйрек функциясының бұзылуы бар пациенттерге дозасын немесе қолдану жиілігін арнайы түзету қажет етілмейді.

Бауыр функциясы бұзылған адамдарда қолдану.

Бауыр функциясының бұзылуы бар пациенттерге дозасын немесе қолдану жиілігін арнайы түзету қажет етілмейді.

Егде жастағы адамдарға қолдану. Ересектерге арналған дозаға ұқсас. Креатинин клиренсінің ықтимал төмендеуін ескерген жөн.

Кальций тапшылығы профилактикасы мен емдеуіне қолданудың ұзақтығын дәрігер белгілейді және орташа алғанда он күннен бір жарым айға дейінді құрайды.

Жағымсыз әсерлері

- асқазан-ішек бұзылыстары: жүрек айнуы, іш қату, диарея.

Сирек

- жүрек ырғағының бұзылуы және брадикардиялар

- аллергиялық реакциялар

- гиперкальциемия, аритмия, сананың шатасуы, үрейлену сезімі, ентігу немесе тыныс алудың қиындауы, аяқтардағы ауырлықты немесе әлсіздікті сезіну

Қолдануға болмайтын жағдайлар

- препаратқа аса жоғары сезімталдық

- гиперкальциемия

- несеп-тас ауыруы

- тромбоздарға бейімділік

- нефроуролитиаз

- саркоидоз

- бүйректің ауыр жеткіліксіздігі

- 6 жасқа дейінгі балалар.

- бір мезгілде жүрек гликозидтерін қабылдау

Сақтықпен

- дегидратация

- электролиттік бұзылыстар (гиперкальциемияның өршу қаупі)

- диарея

- мальабсорбция синдромы

- кальций нефроуролитиаз (анамнездегі)

- елеусіз гиперкальциурия

- бүйректің орташа ауырлықтағы жеткіліксіздігі

- жүректің созылмалы жеткіліксіздігі

- жайылған атеросклероз

- гиперкоагуляция

Дәрілермен өзара әрекеттесуі

Тиазидті диуретиктер несеппен кальцийдің шығарылуын төмендетеді, бұл гиперкальциемияның даму қаупін жоғарылатады. Жүрек гликозидтерінқабылдайтын пациенттерге кальций препараттарын қолдануға болмайды. Кальций препараттары АІЖ-да тетрациклин қатарындағы препараттардың сіңуін төмендетуі мүмкін, осыған байланысты бұл препараттарды қабылдау аралығы 3 сағаттан кем болмауы керек.

Айрықша нұсқаулар

Кальций препараттарын жүрек ауруы бар, ауыратын пациенттерге сақтықпен тағайындау керек. Әсіресе балаларда препараттың жоғары дозаларын тағайындау кезінде, несеппен кальцийдің шығарылуын, қанда кальцийдің мөлшерін мұқият бақылау қажет. Егер қанда кальцийдің деңгейі 2,625-2,75 ммоль/л асқан немесе несеппен кальцийдің шығарылуы 5 мг/кг асқан жағдайда, емді тоқтата тұру керек. Кальциймен емдеу кезінде D дәруменін көп мөлшерде қабылдамаған жөн.

Анамнезінде аздаған гиперкальциуриясы, шумақтық сүзілістің төмендеуі немесе нефролитиазы болған науқастарға тағайындау сақтықпен және несептегі кальций құрамын бақылай отырып жүргізілуі керек. Нефролитиаздың даму қаупін төмендету үшін сұйықтықты молынанішу ұсынылады.

Жүктілік жәнелактация

D дәруменімен бір мезгілде кальций препараттарын қабылдайтын жүкті әйелдерде гиперкальциемияның даму мүмкіндігі жоғарылайды. Ұсынылған дозаларда кальций препараттарын қабылдау шарана үшін қандай да болсын теріс нәтижелер туындатпайды, емшек емізу кезінде де қолдану қауіпсіз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Әдейі артық дозалаудыңмүмкіндігі төмен.

Симптомдары: анорексия, сылбырлық, жүрек айну, құсу, бас ауыруы, қатты шөлдеу, бас айналу, қанда мочевина деңгейінің жоғарылауы. Кальций бүйректе, артериялардың жақтауларында жинақталуы мүмкін.

Емі: кальцийді қабылдауды барынша азайту, гиперкальциемияға ықпал ететін препараттарды (тиазидтер, D дәрумені) тоқтату, сусыздануды және электролиттік теңгерімсіздікті түзету, қажет болған кезде ілмектік диуретиктерді (фуросемид) тағайындау. Ауыр жағдайларда кальцийдің едәуір мөлшері перитонеальді диализ жолымен шығарылуы мүмкін. Артық дозалану симптомдарымен пациенттер тікелей күн сәулесінің әсерінен аулақ болғаны жөн. Кальциймен артық дозалануды емдеу кезінде бүйрек немесе бауыр функциясының бұзылуымен пациенттерге айрықша назар аудару керек.

Шығарылу түрі және қаптамасы

10 таблеткадан поливинилхлоридті үлбірден немесе дәрілік заттарды қаптауға арналған пластикатталмаған ПВХ үлбірден және алюминийфольгадан, немесе дәрілік препараттарға арналған алюминий фольга негізіндегі иілгіш қаптамадан, немесе фольга негізіндегі біріктірілген материалдан жасалған пішінді ұяшықты қаптамаға салынған.

5 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

10 таблеткадан қағаз және картон негізіндегі біріктірілген материалдан жасалған пішінді ұяшықсыз қаптамада.

Пішінді ұяшықсыз қаптамалар (қорапшаға салынбай) медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынған. Медициналық қолдану жөніндегі нұсқаулықтар саны қаптамалар санына сәйкес келуі тиіс.

Сақтау шарттары

Құрғақ, жарықтан қорғалған жерде, 25⁰С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Борисов медициналық препараттар зауыты» ашық акционерлік қоғамы («БМПЗ» ААҚ),

Беларусь Республикасы, Минск обл., Борисов қ., Чапаев к-сі, 64,

тел/факс +375 (177) 73 40 43.

Тіркеу куәлігінің ұстаушысы

«Борисов медициналық препараттар зауыты» ашық акционерлік қоғамы,

Беларусь Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

Қазақстан Республикасы, 050026. Алматы қ., Нұрмақов к-сі 26/195, 39 пәтер, «МедФарм» ЖК, тел/факс: +7 (727) 2911 198, тел: +7 777 7040 709,+7 777 2306 494; pvqabzmpkz@mail.ru

Дәріханалар

Қалалар