Иммунал 50 мл капли
Тауарлардың көрінісі фотосуретте көрсетілгеннен өзгеше болуы мүмкін

Иммунал 50 мл капли

Қолжетімділігі
Тауар қолда жоқ
Үлгі
3838957903832
Елі
Словения
Өндіруші
Сандоз Фармасьютикалс
  • Сипаттама

Сипаттама

Дәрілік затты медициналық қолдану

жөніндегі нұсқаулық

Иммунал®

Саудалық атауы

Иммунал®

Халықаралық патенттелмеген атауы

Жоқ

Дәрілік түрі

Ішуге арналған тамшылар, 50 мл

Құрамы

1 мл ерітіндінің (15 тамшы) құрамында

белсенді зат 0.8 мл қызылкүрең эхинацея шөбінің жаңа әзірлеген шырыны бар (Echinacea purpurea L. herba)

қосымша заттар: 70%сорбитолерітіндісі, 96% этанол

Сипаттамасы

Аздаған мөлшерде шөгіндісі бар, мөлдірден бұлыңғырға дейінгі қоңыр түсті ерітінді.

Фармакотерапиялық тобы

Антинеопластикалық және иммуномодуляциялайтын препараттар. Иммуностимуляторлар. Басқа иммуностимуляторлар

АТХ кодыL03AX

Фармакологиялық қасиеттері

Фармакокинетикасы

Қызылкүрең эхинацея шырынының фармакокинетикалық қасиеттері туралы деректер жоқ.

Фармакодинамикасы

Иммунал дәрілік өсімдік шикізатынан дайындалған иммунитетті стимуляциялаушы препарат болып табылады.

Қызылкүрең эхинацея (Echinacea purpurea) құрамында организмнің белсенді күштерін күшейтетін және спецификалық емес иммунитет стимуляциялаушы ретінде әсер ететін белсенді заттар бар.

Қолданылуы

- суық тию аурулары кезінде бастапқы симптомдардың профилактикасы және емдеу

Қолдану тәсілі және дозалары

Қолданар алдында шайқаңыз!

Иммунал препаратын қабылдау курсы 10 күн. Препаратпен емніңкелесі курсын 14 күн өткеннен кейін бастауға болады.

Қолданудың ыңғайлы болуы мен дұрыс дозалануы үшін әрбір қаптама градуирленген дозалағыш пипеткамен жабдықталған.

Жиынтық құрамына кіретін пипетканың көмегімен ерітіндінің қажетті мөлшерін өлшеп алыңыз және онысығып шығарып аздаған жылы су құйылған стақанға құйып ішіңіз. Ерітіндіні сондай-ақ араластырылмаған түрде қабылдауға болады.

Емді суық тию ауруларының бастапқы симптомдары пайда болуымен бастау керек.

Иммуналды тағам қабылдауға байланыстырмай-ақ қабылдауға болады.

1 млқұрамында 15 тамшы препарат бар.

Ересектер: 2,5 мл (35-40 тамшы) күніне үш рет.

Жағымсыз әсерлері

Жағымсыз әсерлерінің жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000 < 1/1000 дейін), өте сирек (< 1/10000).

Сирек:

- терінің аса жоғары сезімталдық реакциялары (қышыну, тері бөртпелері, есекжем)

- Стивенс –Джонсон синдромы

Өте сирек

- обструкциямен бронхтың түйілуі

- аса жоғары сезімталдық реакциялары салдарынан болатын демікпе

- ангиоісіну

- Квинке ісінуі

- анафилаксиялықшок

- аутоиммунды аурулар (жайылған энцефалит, түйіндіэритема, аутоиммунды тромбоцитопения,бүйректің тубулярлық дисфункциясыменШегрен синдромы)

- ұзақ уақыт (8 аптадан аса) қолданғандағы лейкопения

Қолдануға болмайтын жағдайлар

- препарат компоненттеріне және Күрделі гүлділер тұқымдастарына жататын өсімдіктерге жоғары сезімталдық

- үдемелі жүйелік аурулар (туберкулез, саркоидоз)

- аутоиммундық аурулары (коллагеноздар, жайылған склероз)

- иммун тапшылығы жағдайы (АИТВ-инфекциялары, ЖИТС)

- иммуносупрессия (онкологиялық цитостатикалық ем, анамнезінде ағзалар трансплантациясы немесе сүйек кемігінің трансплантациясы бар болса)

- агранулоцитоз, лейкоз

- аллергиялық реакцияға туа біткен бейімділігі бар пациенттерге (есекжем, атопиялық дерматит, демікпе)

- тұқым қуалайтын фруктоза жақпаушылығы (сорбитол болуына байланысты)

- бауыр аурулары бар пациенттер, алкоголизммен зардап шегетін адамдар, эпилепсия

- жүктілік және лактация кезеңі

- 18 жасқа дейінгі балалар

Дәрілермен өзара әрекеттесуі

Қызылкүрең эхинацея шырынының басқа дәрілік заттармен қандай да бір өзара байланысуы туралы ақпараттар жоқ. Дегенмен иммунодепрессанттармен (циклоспоринмен және метотрексатпен) бір мезгілде қолдану ұсынылмайды.

Айрықша нұсқаулар

Егер препаратты қолданғанда пациенттің жай-күйі төмендесе немесе температура жоғарылауы байқалса емдеуші дәрігерден кеңес алу қажет.

Анафилаксиялық реакциялардың даму қаупінің болуына байланысты аллергиялық реакцияларға туы біткен бейімділігі бар пациенттерге (атопиялық дерматиті бар пациенттерге) айрықша сақтық таныту керек.

Сақтау барысында ерітіндінің бұлыңғырлануы немесе белсенді полисахаридтерден тұратын үлпек түріндегі шөгінді тұнуы мүмкін. Қолданар алдында құтыны мұқият сілку керек.

Иммунал препаратының әрбір дозасында (2.5 мл) 404 мг этанол бар, ол 10 мл сыраға немесе 4.2 мл шарапқа баламалы.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Зерттеулер жүргізілген жоқ.

Артық дозалануы

Артық дозалану жағдайлары анықталмаған.

Шығарылу түрі және қаптамасы

50 мл препараттан қақпағы бұрандалы құйылып жасалған III класс янтарь шыны құтыда.

1 құтыдан бөліктерге бөлінген дозалағыш пипетка және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Алғашқы ашқаннан кейінгі сақтау мерзімі 3 ай.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші/Қаптаушы

Хемофарм АД Врсак, Сербия

Branch Plant Šabac, 15000 Šabac, Hajduk Veljkova b.b., Serbia

Тіркеу куәлігінің иесі

Лек Фармасьютикалс д.д., Словения

Verovskova 57, Ljubljana 1526, Slovenia

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Сандоз Фармасьютикалс д.д.» акционерлік қоғамының Қазақстан Республикасындағы өкілдігі

Қазақстан Республикасы, Алматы қ., 050000, Құрманғазы к-сі 95

Телефон: +7(727) 258 24 47, факс: +7 (727) 244 26 51

e-mail: drugsafety.cis@novartis.com