Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
ГЛИАТИЛИН®
Халықаралық патенттелмеген атауы
Холин альфосцераты
Дәрілік түрі, дозалануы
Капсулалар 400 мг
Фармакотерапиялық тобы
Жүйке жүйесі. Жүйке жүйесі ауруларын емдеуге арналған басқа препараттар. Парасимпатомиметиктер. Басқа парасимпатомиметиктер. Холин альфосцераты.
АТХ коды N07AX02
Қолданылуы
- дегенеративті және инволюциялық психоорганикалық синдромдарда және егде жастағы адамдарда жадының бұзылумен, сананың шатасуымен, бағдардан жаңылумен, мотивацияның, бастамашылдықтың және зейін қою қабілетінің төмендеуімен сипатталатын есте сақтау функциясының бірінші және екінші қайтара бұзылуы сияқты цереброваскулярлық жеткіліксіздік салдарында
- егде жастағылардағы эмоционалдық және мінез-құлық жағынан өзгерістерде: эмоционалдық ауытқуларда, қатты ашушаңдық, қоршаған ортаға қызығушылықтың төмендеуінде, қарттық жалған депрессияда
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттеріне жоғары сезімталдық
- жүктілік және лактация кезеңі
Басқа дәрілік препараттармен өзара әрекеттесуі
Басқа препараттармен клиникалық маңызды өзара әрекеттесуі анықталған жоқ.
Арнайы ескертулер
Педиатрияда қолдану
Препаратты балаларға қолданудың тиімділігі мен қауіпсіздігі жеткілікті зерттелмеген. Препарат балаларда пайдалануға арналмаған.
Капсула қабығының құрамына баяу типті аллергиялық реакциялар туындатуы мүмкін парабендер бар.
Жүктілік немесе лактация кезінде
Жүктілік және лактация кезінде препаратты қолдануға болмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
ГЛИАТИЛИН® пациенттің көлік құралын немесе қауіптілігі зор механизмдерді басқару қабілетіне әсер етпейді.
Қолдану жөніндегі нұсқаулар
Дозалау режимі
Капсулаларды ішке 400 мг (1 капсула) тәулігіне 2-3 рет қабылдайды. Дәрігердің ұйғарымы бойынша тәуліктік дозасын ұлғайтуға болады.
Енгізу жолы және тәсілі
Ішке.
Емдеу ұзақтығы
Емдеу ұзақтығы жағдайдың ауырлығымен анықталады.
Артық дозалану жағдайында қабылдануы қажеті шаралар
Симптомдары: жүректің айнуы.
Емі: осы симптомдар пайда болғанда препараттың дозасын төмендету ұсынылады.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)
Әдетте, тіпті ұзақ қолданған кезде де,препараттың көтерімділігі жақсы.
Мүмкін
- жүректің айнуы (допаминергиялық белсенділіктің салдары ретінде)
- аллергиялық реакциялар
Өте сирек
- іштің ауыруы, сананың қысқа мерзімді шатасуы.
Жағымсыз реакциялар, оның ішінде Медициналық қолдану жөніндегі нұсқаулықта көрсетілмегендері туындаған жағдайда дәрігерге қаралу қажет.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Бір капсуланың құрамында
белсенді зат - холин альфосцераты 400 мг,
қосымша заттар: глицерин, тазартылған су.
капсула қабығының құрамы: желатин, эзитол (D-сорбитол), сорбитандар, натрий этилпарагидроксибензоаты, натрий пропилпарагидроксибензоаты, титанның қостотығы (Е 171), темірдің сары тотығы (Е 172).
Сыртқы түрінің, иісінің, дәмінің сипаттамасы
Сопақша пішінді, жұмсақ мөлдір емес сары түсті желатинді капсулалар.
Капсуланың ішіндегісі – тұтқыр ерітінді.
Шығарылу түрі және қаптамасы
14 капсуладан мөлдір емес поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.
1 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.
Сақтау мерзімі
3 жыл
Жарамдылық мерзімі өткеннен кейін препаратты қолдануға болмайды!
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы.
Өндіруші туралы мәлімет
«ИТАЛФАРМАКО С.п.А.», Виале Фульвио Тести, 330, Милан, Италия
Телефон нөмері: +340264431
Электронды пошта: info@italfarmaco.com
Тіркеу куәлігінің ұстаушысы
«ИТАЛФАРМАКО С.п.А.», Виале Фульвио Тести, 330, Милан, Италия
Телефон нөмері: +340264431
Электронды пошта: info@italfarmaco.com
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«Медэкспорт Италия» Консорциумы өкілдігі, Алматы қ., Әйтеке би к-сі, 88
Телефон нөмірі: +7 727 279 99 00
Электронды пошта: officealmaty@gmail.com
