Сипаттама
Дәрілік затты медициналық қолдану жөніндегі нұсқаулық
Гидрокортизон
Саудалық атауы
Гидрокортизон
Халықаралық патенттелмеген атауы
Гидрокортизон
Дәрілік түрі
Көзге арналған жақпамай 0.5 %
Құрамы
100 г жақпамайдың құрамында:
белсенді зат – 0.50 г гидрокортизон ацетаты,
қосымша заттар: метилпарагидроксибензоат, вазелин, сусыз ланолин.
Сипаттамасы
Ақ түсті жақпамай, сарғыштан жасылдау немесе сұрғыш реңге дейін болуы мүмкін.
Фармакотерапиялық тобы
Сезім мүшелерінің ауруларын емдеуге арналған препараттар. Көз ауруларын емдеуге арналған препараттар.Қабынуға қарсыпрепараттар. Кортикостероидтар. Гидрокортизон.
АТХ коды S01BА02
Фармакологиялық қасиеттері
Фармакокинетикасы
Гидрокортизон көзішілік сұйықтыққа мөлдір қабық арқылы нашар өтеді; эпидермиске және шырышты қабықтың эпителийіне енеді, жүйелік қан ағысына аздап сіңуі және жүйелік әсер етуі мүмкін.Тікелей эпидермисте және шырышты қабықтың эпителийінде метаболизденеді, ал әрі қарай оның аздаған мөлшері сіңгеннен кейін жалпы қан ағысына түседі және бауырда метаболизденеді. Қанда 80%-ы транскортинмен және 10%-ы альбуминдермен байланысады. Гидрокортизонның метаболиттері бүйректер және ішек арқылы шығарылады.
Қабынуға қарсы және аллергияға қарсы әсер етеді. Қабынған жасушалық инфильтраттарды азайтады,лейкоциттер мен лимфоциттердің қабынған аймаққа ауысуын төмендетеді.
Жасушалық және субжасушалық, соның ішінде лизосомальді жарғақшаларды және жуан жасушалардың жарғақшаларын тұрақтандырады. Иммуноглобулиндердің жасушалар бетіндегі рецепторлармен байланысуын азайтады және цитокиндердің (интерлейкиндердің және интерферонның) синтезін жәнелимфоциттерден және макрофагтардан босап шығуын тежейді. Экссудативті реакцияны азайтады, капиллярлардың өткізгіштігінің төмендеуіне мүмкіндік береді. Ерте иммунологиялық жауаптың айқындылығын азайтады. Метаболизмге қарсы әсер береді және дәнекер тіндердің дамуын және тыртықтануды тежейді.
Қолданылуы
- көздің аллергиялық ауруларында (қабақтардың дерматиті, блефарит, конъюнктивит және кератоконъюнктивит);
- мөлдір қабық эпителийінің тұтастығы бұзылмаған жағдайда көздің алдыңғы бөлігінің қабыну ауруларында (блефарит, конъюнктивит және кератоконъюнктивит);
- көздің термиялық және химиялық күйігінде (мөлдір қабық ақауларытолық эпителизацияланғаннан кейін)
Қолдану тәсілі және дозалары
Жергілікті. Конъюнктивальді қалтаға 1 см көз жақпамайын тәулігіне 2-3 рет енгізеді.
Емдеу курсы – 1-2 апта. Дәрігердің тағайындауы бойынша емдеу курсы ұзартылуы мүмкін.
Жағымсыз әсерлері
- ялық реакциялар, күйдіру;
- аққабықтың қызаруы;
- қысқа мерзімді айқын көрмеу
- :
- көзішілік қысымның жоғарылауы көру жүйкесі зақымдалған және көру аймағының бұзылуымен соңынан стероидты глаукоманың ықтимал дамуы (сондықтан құрамында глюкокортикостероидтар бар препараттарды 10 күннен артық қолданғанда көзішілік қысымды тұрақты өлшеп тұру керек);
- артқы субкапсулярлы катарактаның пайда болуы;
- жараның жазылу үдерісінің баяулауы (мөлдір қабықтың жұқаруын туындататын ауруларда оны тесуге болады)
- бактериялық инфекция организмнің қорғанысы бәсеңдеуі салдары ретінде туындауы мүмкін. Жедел іріңді ауруларда глюкокортикостероидтар бұрыннан бар инфекциялық үдерісті бүркемелеуі немесе күшейтуі мүмкін.
- глюкокортикостероидтарды ұзақ қолданғанда жиі туындау үрдісіне ие. Мөлдір қабықта глюкокортикостероидтармен ұзақ емделгеннен кейін жазылмаған ойық жаралардың пайда болуы зеңді инвазияның дамуы туралы айғақтауы мүмкін.
Қолдануға болмайтын жағдайлар
- препараттың белсенді және қосымша заттарына аса жоғары сезімталдық;
- мөлдір қабықтың эпителий ақаулары;
- бастапқы глаукома;
- вакцинация кезеңі;
- көздің іріңді, вирустық, зеңдік аурулары;
- көз эпителийінің тұтастығы бұзылуы;
- трахома, көз туберкулезі;
- 18 жасқа дейінгі балаларға;
- жүктілік және лактация кезеңі
Дәрілермен өзара әрекеттесуі
Препаратты ұзақ уақыт қолданған кезде жүйелік қан ағысына мүмкін болатын резорбция салдарынан гидрокортизон инсулиннің, ішу арқылы қабылданатын гипогликемиялық, гипотензиялық дәрілік заттардың, антикоагулянттардың тиімділігін, қан плазмасында салицилаттар мен празиквантелдің концентрациясын төмендетуі мүмкін.
Гидрокортизонның жағымсыз әсерлерінің даму қаупін мыналар: андрогендер, эстрогендер,ішу арқылы қабылданатын контрацептивтер анаболиялық стероидтар (гирсутизм, безеу бөртпесі); психозға қарсы дәрілік заттар, карбутамид, азатиоприн (катаракта); холиноблокаторлар, антигистаминдік дәрілік заттар, трициклдік антидепрессанттар,нитраттар (глаукома); диуретиктер (гипокалиемия) арттырады.
Жүрек гликозидтерімен бірге қолданған кездедигиталистік уыттану дамуы мүмкін.
Қорғасын және күміс препараттарымен бір мезгілде қолдану өзара белсенділігінің жойылуына әкеп соғады.
Айрықша нұсқаулар
Емделу кезінде жанаспалы линзаларды пайдалануға болмайды. Көзге тамызатын дәріні бір мезгілде қолданған кезде олардың аппликациясы мен жақпамайды жағу арасындағы уақыт аралығы кем дегенде 15 болуы тиіс. 10 күннен астам қолданған кезде және анамнезде глаукома болғанда көзішілік қысымды бақылап отыру қажет.
Жақпамайды қолданғаннан кейін 30 мин бойы жоғары зейін қоюды қажет ететін істерден тартына тұру қажет.
Препарат құрамында метилпарагидроксибензоат бар, бұл баяу типті аллергиялық реакциялар туындатуы мүмкін.
Сақтықпен
Артериялық гипертензияда, қант диабетінде.
Жүктілік және лактация кезеңі
Жүкті болған кездепрепаратты, егер ана үшін пайдасы шарана үшін қаупінен басым болса, қолдануға болады.
Препаратты қолдану кезінде бала емізуді тоқтата тұрған жөн.
Көлік құралын жүргізуге және қауіптілігі зормеханизмдерді басқару қабілетіне әсер ету ерекшеліктері
Егер препаратты қолданғаннан кейінкөрудің өткірлігі уақытша төмендесе, ол қалпына келгенше көлікті басқаруды және көру өткірлігін қажет ететін қызмет түрлерімен айналысуды тоқтата тұру керек.
Артық дозалануы
Артық дозалану өте сирек білінеді.
Симптомдары: жергілікті жағымсыз әсерлер пайда болуы мүмкін.
Препаратты тоқтатқан кезде артық дозалану құбылысы өздігінен қайтады.
Шығарылу түрі және қаптамасы
Көзге арналған жақпамай 0.5 %. 3 г немесе 5 г препараттан медициналық жақпамайларға арналған бушондары бар алюминий сықпаларға салынған. Сықпаны медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салады.
Сақтау шарттары
5оС-ден 20оС-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Қаптаманы ашқаннан кейін 5 аптадан асырмай сақтау керек.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
"Татхимфармпрепараты" АҚ
Ресей, 420091, Қазан қ., Беломорская көш., 260
Тел.: (843) 571-85-58; факс: (843) 571-85-38
Е-mai1: marketing@tatpharm.ru
Тіркеу куәлігінің иесі
"Татхимфармпрепараты" АҚ, Ресей
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын; дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«МегаФармПлюс»ЖШС
Қазақстан Республикасы, ОҚО, 160019, Шымкент қ., Абай ауданы, Қызыл жар ықшам ауданы, Қарасу к-сі, № 30
Тел.: 8 (7252) 45-31-23; факс: 8 (7252) 45-31-56
Е-mail: megafarmplus@yandex.kz
