Гербион первоцвета 150 мл сироп

Сипаттама

Дәрілік затты медициналық қолдану жөніндегі нұсқаулық

Гербион^® наурызгүл шәрбаты

Саудалық атауы

Гербион^® наурызгүл шәрбаты

Халықаралық патенттелмеген атауы

Жоқ

Дәрілік түрі

Шәрбат, 150 мл

Құрамы

5 мл шәрбат құрамында

белсенді заттар: 3,08 г наурызгүл (бәйшешек) (Primula veris L. және/немесе Primula elator (L.) Hill) тамыры және жебіршөп (Thymus vulgaris L. және/немесе Thymus zygis L.) шөбі қоспасының сұйық сулы экстрактісі (0,22 г – 0,51 г наурызгүл тамырына және 0,62 г жебіршөп шөбіне баламалы)

қосымша заттар: левоментол, сахароза, метилпарагидроксибензоат

Сипаттамасы

Өзіне тән иісі мен дәмі бар қоңыр түсті шәрбат. Табиғи субстанцияларғатән, елеусіз шөгінді байқалуы мүмкін.

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Қақырық түсіретін препараттар. Қақырық түсіретін препараттар біріктірілімі.

АТХ коды R05CA10

Фармакологиялық қасиеттері

Фармакокинетикасы

Наурызгүл тамыры сапониндерінің фармакокинетикасы бойынша жеткілікті деректер жоқ. Тек сапониндердің аздаған мөлшері ғана сіңетіні байқалған. Жебіршөптің экстрактісін ішкеннен кейін эфир майының негізгі әсер етуші заты – тимол – жылдам сіңеді.

Ең жоғарғы плазмалық концентрацияға 1,97 сағаттан соң жетеді. Тимол сульфат және глюкуронид түзе отырып, метаболизденеді. Қан плазмасында, негізінен сульфат түрінде болады. Жебіршөптің немесе тимолдың эссенциалды майының бір бөлігі өкпе арқылы шығарылады. 24 сағат ішінде тимолдың 16% организмнен несеппен глюкуронид және сульфат түрінде шығарылады.

Фармакодинамикасы

Гербион^® наурызгүл шәрбаты құрамында наурызгүл тамырының (Primula veris L. және/немесе Primula elatior Hill), бақшалық жебіршөп шөбінің (Thymus vulgaris L.) сулы экстрактісі бар.

Осы компоненттердің белсенді заттары жоғарғы тыныс алу жолдарының шырышты қабаттарының секреторлық бөліністері мөлшерін тыныс алу жолдарының қабыну аурулары кезінде, суық тиюде және тұмау кезінде көбейтеді.

Препарат қақырық түсіретін, қабынуға қарсы, микробтарға қарсы әсерге ие, қақырықты сұйылтады және оның шығарылуын жылдамдатады.

Құрамында сапониндер мөлшері жоғары болғандықтан, наурызгүл тамыры экспекторант түрінде қолданылады. Сапониндер асқазанның шырышты қабатын стимуляциялайды және вагустық рефлекстің көмегімен бронхтық секрецияны күшейтеді, бронхтық шырышты сұйылтады және оның шығарылуын жүзеге асырады. Жебіршөп шөбінің экстрактісі оның құрамында негізгі бөлігі өкпе арқылы шығарылатын эфир майы болуына байланысты қақырық түсіретін және бронхоспазмолитикалық әсері бар. Өкпеге өту кезінде шырыштың бөлінуін күшейтеді және оның шығарылуына ықпал етеді, сонымен қатар тыныс алу жолдарының тегіс мускулатурасына жеңіл спазмолитикалық әсер көрсетеді, сонымен қатар түйілуді азайтады.

Сондай-ақ жебіршөп эфир майының негізгі компоненті тимолда антисептикалық әсерге ие.

Қолданылуы

Препарат қақырықтың түсуін жеңілдету үшін қолданылады:

• бөлінуі қиын, қою қақырықпен қатар жүретін тыныс алу жолдарының қабыну аурулары (бронхит, фарингит) кезінде
• жөтелмен қатар жүретін суық тию және тұмау кезінде

Қолдану тәсіл және дозалары

Ересектер мен 16 жастан асқан балалар - 2 өлшеуіш қасықтан күніне 3-4 рет.

10 жастан 16 жасқа дейінгі балалар – 1-2 өлшеуіш қасықтан күніне 3 рет.

4 жастан 10 жасқа дейінгі балалар – шәрбаттың 1 өлшеуіш қасығынан күніне 3 рет.

Емдеу курсы – 5-7 күн.

Шәрбатты жеткілікті мөлшерде жылы сумен немесе шәймен ішу ұсынылады.

4 жасқа дейінгі балаларға қолдану тәжірибесі жоқ.

Пайдаланудың алдында шайқау керек!

Жағымсыз әсерлері

Сирек (≥1/10,000 , <1/1,000):

• аллергиялық реакциялар (тері қышынуы, бөртпе)

Өте сирек (<1/10,000):

• лоқсу, құсу, диарея

Жағымсыз әсерлер пайда болса, препаратты қабылдауды тоқтату керек және дәрігерге қаралу керек.

Қолдануға болмайтын жағдайлар

• препараттың белсенді заттарына және басқа да компоненттеріне жоғары сезімталдылық
• тұқым қуалайтын фруктоза жақпаушылығы, глюкоза-галактоза мальабсорбциясы синдромы және туа біткен сахароза-изомальтаза жеткіліксіздігі
• асқазанның шырышты қабығының қабынуы (гастрит) және асқазан ойық жарасы
• 4 жасқа дейінгі балалар
• жүктілік және лактация кезеңі

- балаларға жедел обструктивті ларингиттен (қыспақ) бастан өткергеннен кейін

- бронх демікпесі

Дәрілермен өзара әрекеттесуі

Препараттың басқа дәрілік заттардың әсеріне әсер етуі жайлы деректер жоқ. Препарат әсеріне тағамның әсер етуі туралы хабарлама жоқ.

Айрықша нұсқаулар

Гербион® наурызгүл шәрбатын жөтелге қарсы препараттармен және қақырық түзілуін азайтатын дәрілік заттармен бір мезгілде қолдануға болмайды, себебі олар сұйылған қақырықтың жөтеліп шығаруын қиындатады.

Шәрбаттың құрамында сахароза бар, сондықтан қант диабеті бар науқастарға ұсынылмайды.

Педиатрияда қолданылуы

Препараттың 4 жасқа дейінгі балаларға қолданылуы жөнінде мәлімет жоқ.

Кейбір ингредиенттері жөнінде арнайы ақпарат

Гербион^® наурызгүлшәрбаты құрамында сахароза бар. Фруктоза көтере алмаушылық, глюкоза-галактоза мальабсорбциясы немесе сахароза-изомальтаза тапшылығы сияқты сирек тұқым қуалайтын бұзылулары бар пациенттерге бұл препаратты қабылдауға болмайды.

Метилпарагидроксибензоат (Е218) аллергиялық реакциялар (бәлкім баяулаған түрін) шақыруы мүмкін.

Препараттың көлік құралдарын және қауіптілігі зор механизмдерді басқару қабілетіне әсері ету ерекшеліктері

Әсер етпейді.

Артық дозалануы

Препараттың артық дозалануы жөнінде хабарлар жоқ.

Құрамында сапониндер немесе сапониндер экстрактісі бар препараттарды үлкен дозада ішке қабылдаған кезде жүрек айнуы, құсу және диарея түрінде байқалатын асқазан-ішек жолының бұзылуын туғызуы мүмкін.

Емі: белсендірілген көмірді қолдану, асқазанды шаю.

Шығарылу түрі және қаптамасы

150 мл шәрбаттан алғашқы ашылуы бақыланатын бұралып жабылатын пластик қақпағы бар күңгірт шыныдан жасалған шыны құтыға құйылған.

1 құты өлшеуіш қасығымен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

30^оС-ден аспайтын температурада сақтау керек. Ашылмаған және ашылған түрде құтыны тоңазытқышта сақтауға болмайды.

Балалардың қолы жетпейтін жерде сақтау керек!

Сақтау мерзімі

3 жыл.

Құтыны ашқаннан кейінгі қолдану мерзімі – 3 ай.

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецептісіз

Өндіруші

КРКА, д.д., Ново место, Словения

Шмарьешка цеста 6, 8501 Ново место, Словения

Тіркеу куәлігінің ұстаушысы

КРКА, д.д. Ново место, Словения

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«КРКА Қазақстан» ЖШС, ҚР, 050059, Алматы қ., Әл-Фараби д-лы 19, 1б корпусы, 2 қабат, 207 кеңсе, тел.: +7 (727) 311 08 09, факс: +7 (727) 311 08 12, info.kz@krka.biz

Дәріханалар

Қалалар