Тауарлардың көрінісі фотосуретте көрсетілгеннен өзгеше болуы мүмкін

Гепадиф № 50 капс

8934
Қолжетімділігі
Сатылымда бар
Үлгі
4870144320656
Елі
Казахстан
Өндіруші
Глобал Фарм
0-0-4 бөліп төлеу
2234 x 4 ай
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Гепадиф®

Саудалық атауы

Гепадиф®

Халықаралық патенттелмеген атауы

Жоқ

Дәрілік түрі

Капсулалар

Құрамы

Бір капсуланың құрамында

белсенді заттар: 150 мг карнитин оротаты (оның ішінде 73.8 мг оротқышқылы және 76.2 мг карнитин)

12.5 мг бауыр сығындысының уытқа қарсы фракциясы (оның ішінде 0.000125 цианокобаламин)

25 мг пиридоксин гидрохлориді

0.125 мг цианокобаламин

2.5 мг аденин гидрохлориді

0.5 мг рибофлавин,

қосымша заттар: микрокристалды целлюлоза, лактоза моногидраты, сусыз коллоидты кремнийдің қостотығы, магнийстеараты,

капсула қабығының құрамы

корпусы: желатин, титанның қостотығы (Е 171), темірдің қара тотығы (Е 172), темірдің қызыл тотығы (Е 172), темірдің сары тотығы (Е 172),

қақпағы: желатин, титанның қостотығы (Е 171), темірдің қара тотығы (Е 172), темірдің қызыл тотығы (Е 172).

Сипаттамасы

Ішіне қоңыр реңді ашық-сары ұнтақ салынған бозғылт-шоколад түсті корпусы және қоңырқай-шоколад түсті қақпақшасы бар, «Н.S.D.» және «hepadif» таңбасы бар қатты желатинді капсулалар.

Фармакотерапиялық тобы

Бауыр және өт шығару жолдарының ауруларын емдеуге арналған препараттар. Бауыр ауруларын емдеуге арналған препараттар.

АТХ коды А05ВА

Фармакологиялық қасиеттері

Фармакокинетикасы

Ішке қабылдағаннан кейін белсенді заттардың жиынтығы он екі елі ішекте босап шығады. В тобының суда еритін дәрумендері (цианокобаламин, рибофлавин, пиридоксин), карнитин орататы, бауырдыңуытқа қарсыфракциясы,аденин гидрохлоридінің сіңуі жіңішке ішектің ұзына бойында жүреді. Цианокобаламин бүйректе, ішек қабырғаларында, көбінесе бауырда жиналады, бауырдан өтпен бірге ішекке шығарылады да қайтадансіңеді. Рибофлавиннің организмге таралуы біркелкі емес: өте көп мөлшері миокардта, бауырда, бүйректе байқалады. Пиридоксин бауырда фармакологиялық тұрғыдан белсенді метаболиттерді (пиридоксальфосфат, пиридоксаминофосфат) түзе отырып, метаболизденеді, бұлшықеттерге, бауырға, орталық жүйке жүйесіне таралады. Элиминациялануы көбінесе бүйректермен жүзеге асады.

Фармакодинамикасы

Бауыр ауруларын емдеуге арналған препарат. Гепатоциттердің митохондрияларында бос май қышқылдарының b-тотығу үдерісініңкомпоненттері – майлардың метаболизмін, биосинтетикалық үдерістіынталандырады, гепатоциттердің некрозын болдырмайды, гепатоциттердің пролиферация үдерісін, бауыр-энзимдік жүйені қалыпты етеді және бауырдың қалыпты функциясын орнына келтіреді. Коэнзимдердің, нуклеин қышқылдарының компоненттері болып табылатын аденин гидрохлоридінің бар болуықантүзу үдерісінің реттелуін қамтамасыз етеді. В тобының дәрумендері (цианокобаламин, рибофлавин, пиридоксин) – тотығу-тотықсыздану үдерістерін реттейді, ақуыз, май және көмірсу алмасуына қатысады, триптофанның, метиониннің, цистеиннің, глутамин қышқылының және басқа амин қышқылдарының алмасуларына қатысады. Пиридоксин липидтік алмасудың қалыпқа келуіне мүмкіндік жасайды. Цианокобаламин трансметилдену үдерісіне, сутегіні тасымалдауға, метиониннің, нуклеин қышқылдарының, холиннің, креатиннің түзілуіне қатысады.

Карнитин ұзын тізбекті май қышқылдарының ыдырауына және май қышқылды метаболизмдік шунттің көмірсумен орын алмасуына мүмкіндік береді, ас қорыту ферменттерінің секрециясын және белсенділігін арттырады, астың сіңуін жақсартады.

Бауыр сығындысының уыттылыққа қарсы фракциялары токсиндердің байланысуы мен шығарылу үдерісіне қатысатын амин қышқылдарының кешені болып табылады және уыттануға қарсы әсер етеді.

ГепадифÒ препараты асқазанның сөлініс функциясын арттырады, өттің бөлінуін жақсартады, жіңішке ішекте көмірсулардың сіңуін жеңілдетеді, ішектің қалыпты микрофлорасын сақтау үшін қажет. Бауырдың гликогенді тұрақтандырушы, синтетикалық, уыттануға қарсы функцияларының жақсаруына мүмкіндік береді, бауыр жасушаларының инсулиннің әсеріне сезімталдығын арттырады, инсулиннің инкрециясына мүмкіндік береді.

Қолданылуы

Кешенді ем құрамында мынадай ауруларда және жай-күйлерде:

  • бауыр циррозында
  • бауырдың майлы дистрофиясында (бауыр стеатозында)
  • бауырдың алкогольдік зақымдануында
  • бауырдың дәрілік зақымдануында (ісікке қарсы, туберкулезге қарсы дәрілерді ұзақ уақыт қабылдаудан)
  • жедел және созылмалы гепатитте

Қолдану тәсіліжәне дозалары

Ересектерге тамақтануға байланыссыз ішкеқабылдауға 2 капсуладан күніне 2-3 рет.

Ең жоғарғы бір реттік доза: 2 капсула, ең жоғары тәуліктік доза: 6 капсула.

Емдеу ұзақтығы негізгі аурудың барысына байланысты, және әрбір жағдайда жеке анықталады. Емдеуде Гепадифті® парентеральді түрдеенгізуден бастап, кейін препаратты пероральді қабылдауға көшу ұсынылады.

Жағымсыз әсерлері

  • аллергиялық реакциялар (тері бөртпесі, қышыну, есекжем, Квинке ісінуі )
  • бас ауыруы, бас айналуы, психикалық қозу
  • жүрек айнуы, құсу, іштің ауыруы, диарея, іш қатуы
  • несептің сары түске боялуы мүмкін

Қолдануға болмайтын жағдайлар

  • препараттың компоненттеріне жекелей көтере алмаушылық
  • жүктілік және лактация кезеңі
  • 18 жасқа дейінгі балалар мен жасөспірімдер (балаларда қолдану тәжірибесі жоқ)
  • нефролитиаз
  • эритремия, эритроцитоз, тромбоэмболия
  • асқазан және он екі елі ішектің ойық жарасы өршуі

Дәрілермен өзара әрекеттесуі

В6 дәрумені леводопа әсерін бәсеңдетеді, изониазид және басқа да туберкулезге қарсы препараттарды қолдануда байқалатын уытты білінулердің алдын-алады немесе азайтады.

ПАСҚ, циметидин, кальций препараттары, этанол В12 дәруменінің сіңуін төмендетеді.

Рибофлавин стрептомицинмен үйлесімсіз және бактерияға қарсы препараттардың тиімділігін (окситетрациклин, доксициклин, эритромицин, тетрациклин және линкомицин) төмендетеді.

Үшциклдық антидепрессанттар, имипримин және амитриптилин, рибофлавин метаболизмін, әсіресе жүрек тіндерінде тежейді.

Айрықша нұсқаулар

Гепадиф® препаратынқабылдау уақытында құрамында В тобының дәрумендері бар полидәрумендер жиынтығын тағайындауға болмайды.

Препарат қабылдау Эрлих реагентін пайдаланумен жүргізілетін уробилиногеннің жалғаноң тестіне алып келуі мүмкін.

Гепадиф® препаратымен емдеу уақытында алкоголь қабылдауға болмайды.

Анамнезде асқазан және он екі елі ішектің ойық жарасы бар науқастарда, жүрек және бүйректің ауыр ауруларында, жаңа түзілімдер болғанда сақтықпен пайдалану керек.

Препарат құрамында қосымша зат ретінде лактоза болғандықтан, оны лактаза жеткіліксіздігі, галактоземиясы немесе глюкоза-галактоза мальабсорбциясы синдромы бар пациенттерде қолдануға болмайды.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып көлік құралдарын және басқа да қауіптілігі зор механизмдерді басқаруда сақтану керек.

Артық дозалануы

Симптомдары: жүрек айнуы,құсу, диарея, жағымсыз әсерлердің күшеюі. Үлкен дозаларда ұзақ уақыт қолданғанда шеткері нейропатия дамуы мүмкін.

Емі: асқазанды шаю, белсендірілген көмір, гиперосмостық іш жүргізгіштер қабылдау.

Шығарылу түрі және қаптамасы

10 капсуладан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада. 3, 5 немесе 10 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшада.

Сақтау шарттары

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтаумерзімі

3 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецептісіз

Өндіруші

Celltrion Pharm. Inc., Корея.

588-2, Sakok-ri, Eewol-myun, Chinchun-gun, Chungcheongbuk-do, Korea

Қаптаушы

«Абди Ибрахим Глобал Фарм» ЖШС

Қазақстан Республикасы, Алматы обл., Іле ауданы, Өндірістік аймақ 282

Тіркеу куәлігінің иесі

«Абди Ибрахим Глобал Фарм» ЖШС

Қазақстан Республикасы, Алматы обл., Іле ауданы, Өндірістік аймақ 282, тел.: +7 (727) 356-11-00, 8-800-070-11-00

Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауданы, Өндірістік аймақ 282, тел.: +7 (727) 356-11-00, 8-800-070-11-00, электронды поштасы: info@aigp.kz

Дәріханалар

Тауар артығымен бар
Тауар аз қалды
Аптека № 23, Шымкент, (мкр.Спортивный)
мкр. Спортивный, д.24
Круглосуточно