Дип Рилиф 50 гр гель

Сипаттама

Дәрілік заттың медицинадақолданылуы

жөніндегі нұсқаулық

ДИП РИЛИФ

Саудалық атауы

Дип Рилиф

Халықаралықпатенттелмеген атауы

Жоқ

Дәрілік түрі

Сыртқа қолдануға арналған гель

Құрамы

белсенді заттар:ибупрофен 50 мг,

левоментол 30 мг,

қосымша заттар: пропиленгликоль, карбомер, этанол 96% денатурленген, ди-изопропаноламин, тазартылған су.

Сипаттамасы

Түссіз мөлдір гель

Фармакотерапиялық тобы

Жергілікті қолдануға арналған қабынуға қарсы стероидті емес препараттар.

АТС коды М02АА13

Фармакологиялық қасиеттері

Дип Рилиф – ибупрофен мен табиғи ментолдың қоспасы. Ибупрофен қабынуға қарсы стероидтық емес дәрілер тобының өкілі болып табылады. Бұл ауыруды басатын күшті әсерге ие, сондай-ақ қабынуды да азайтады. Ментолдың әлсіз тітіркендіргіш әсері бар, ол бұлшық еттердегі, түйіндердегі және буындардағы ауырудың жеңілдегенін сезінумен бірге байқалады. Ибупрофенмен бірге ментол препараттың тері арқылы тез сіңірілуін және ауыру нүктесіндегі қабынудың азаюын қамтамасыз етеді.

Қолданылуы

-ревматикалық, бұлшықет және буын ауыруларды жеңілдету және қабынуды азайту үшін

-бел ауырғанда, зақымдануларда, байламдардың созылуында және

спорттық жарақаттарда.

Қолдану тәсілі және дозалары

Сыртқа қолдануға арналған. 50 немесе 100 г сықпаны қолданғанда 1-4 см гельді, 15 г сықпаны қолданғанда 4-10 см гельді ауыратын жерге жағып, одан кейін толық сіңірілгенге дейін ысқалау қажет. Қажет болғанда күніне 3 рет, бірақ аралық 4 сағаттан жиі болмауы керек. Дәрігердің кеңесінсіз препараттың қолдану ұзақтығы 10 күннен аспауы керек.

Ревматикалық аурулар кезінде емдеу ұзақтығы аурудың ауырлық дәрежесіне және зақымдану сипатына байланысты.

Жағымсыз әсерлер

Әдетте, препаратты жақсы көтеруге болады.

Болуы мүмкін: қышыма, тітіркену, қызару және есекжем.

Алайда бұл құбылыстар күшейсе немесе кез келген басқа жағымсыз құбылыстар пайда болса, дереу дәрігерден кеңес алу керек.

Қолдануға болмайтын жағдайлар

- ибупрофенге, аспиринге және препараттың қандайда бірбасқадай құрамдас бөліктеріне жоғары сезімталдықта

- зақымданған теріге

- жүктілік жәнелактация кезеңінде

- 14 жасқа дейінгі балаларға

- гельдің құрамына қабынуға қарсы стероидты емес препараттар кіретіндіктен демікпе ұстамасын туғызуы мүмкін.

Дәрілермен өзара әрекеттестігі

Препаратты ацетилсалицил қышқылымен немесе қабынуға қасы стероидтық емес дәрілер тобына жататын басқа препараттармен бірге қолданғанда, жанама әсерлердің пайда болу қаупі артады.

Айрықша нұсқаулар

Гельді ерінге, танауларға, көз маңындағы жерлерге, жыныс мүшелері мен үлкен дәрет жолдары маңындағы жерлерге, сондай-ақ зақымданған және тітіркенетін теріге жағуға болмайды.

Гельдің жоғарыда аталған жерлерге түскенде препаратты дереу көп мөлшердегі таза сумен жуу керек.

Гель жаққан жерді үстінен таңбау керек.

Қолдану кезіндегі ескерту:

Бүйрек ауырғанда қолданар алдында дәрігердің кеңес алу керек.

Автокөлік және күрделі механизмдерді басқару мүмкіндігіне тигізетін әсері

Әсер етпейді.

Дәрігердің кеңесінсіз препаратты ұзақ уақыт бойы қолдануға болмайды.

Артық дозалануы

Тіркелген жоқ

Шығарылу түрі және қаптамасы

Гель 15г, 50г, 100г мөлшердегі алюминийлік сықпада, қолдану жөніндегі нұсқаулықпен біргекартон қаптамада.

Сақтау шарттары

25⁰С-ден аспайтынтемпературада сақтау керек.

Балалар қол жеткізе алмайтын жерде сақтау керек!

Сақтау мерзімі

3 жыл

Жарамдылық мерзімі өткеннен кейін препаратты қолдануға болмайды

Дәріханалардан босатылу шарттары

Рецептісіз

Өндіруші

Ментолатум Компани Лтд, 1 Redwood Avenue, Peel Park Campus, East Kilbride G74 5 PE, Шотландия, Ұлыбритания.

Дәріханалар