Дермазол 2%, 30 гр, крем

Сипаттама

Дәрілік затты медициналық қолданулуы

жөніндегі нұсқаулық

ДЕРМАЗОЛ^®

Саудалық атауы

ДЕРМАЗОЛ^®

Халықаралық патенттелмеген атауы

Кетоконазол

Дәрілік түрі

Крем 2% 15 г және 30 г

Құрамы

1 г кремнің құрамында

белсенді зат - кетоконазол 20 мг,

қосымша заттар: пропиленгликоль, цетостеарилді спирт, цетомакрогол 1000, ақ жұмсақ парафин, ақшыл сұйық парафин, динатрий эдетаты, полисорбат 80, сусыз натрий сульфиті, тазартылған су.

Сипаттамасы

Ақ түсті біртекті крем

Фармакотерапиялық тобы

Дерматология. Тері ауруларын емдеуге арналған зеңге қарсы препараттар. Жергілікті қолдануға арналған зеңге қарсы препараттар. Имидазол туындылары. Кетоконазол

АТХ коды D01AC08

Фармакологиялық қасиеттері

Фармакокинетикаcы

Сыртқа қолданғанда іс жүзінде резорбцияға ұшырамайды.2 % крем түрінде ұзақ қолдану кетоконазолдың қанда жиналуына әкелмейді.

Фармакодинамикасы

Зеңге қарсы дәрі, имидазолдиоксолан туындысы. Кетоконазол зеңге қарсы әсер етеді, зең жасуша жарғақшасының эргостерол синтезін спецификалық түрде бөгейді. Дерматофиттерге: Trichophyton spp., Epidermophyton floccosum, Microsporum spp., ашытқы және ашытқы тәріздес зеңдер: Candida spp., Pityrosporum ovale қатысты белсенді.

Қолданылуы

Сезімтал микроорганизмдерден туындаған тері және тырнақтың зеңдік зақымдануларын емдеуде

- тегіс тері дерматомикозында

- білезік және табан эпидермофитиясында

- шап эпидермофитиясында

- тері кандидозында

- кебек тәрізді теміреткіде

- себореялық дерматитте

Қолдану тәсілі және дозалары

Тері кандидозы, тері дерматомикозы, қол мен аяқтың эпидермофитиясы, шап эпидермофитиясы және кебек тәрізді теміреткіде ДЕРМАЗОЛ^®кремін терінің зақымданған бетіне күніне 1 рет жағу ұсынылады.

Себореялық дерматитте ДЕРМАЗОЛ^® кремін аурудың ауырлығына байланысты зақымданған жерге күніне 1 немесе 2 рет жағады. Емдеуді аурудың барлық симптомдары жоғалғаннан кейін бірнеше күн бойы немесе микологиялық зерттеудің теріс нәтижелерін алғанға дейін жалғастыру қажет. Егер 4 апта емдегеннен соң жақсаруы байқалмаса, диагнозын қайта қарау керек.

Табан дерматофитиясының әдеттегі емдеу курсы 2-6 апта (шап эпидермофитиясы - 2-4 апта), кандидамикозда - 2-3 апта, кебек тәрізді теміреткіде - 2-3 апта.

Жағымсыз әсерлері

Жағымсыз құбылыстардың даму жиілігі мынадай түрде анықталады:

өте жиі (≥1/10); жиі: (≥1/100-ден <1/10 дейін); жиі емес: (≥1/1 000-нан <1/100 дейін); сирек (≥1/10 000-нан <1/1 000 дейін); өте сирек (<1/10 000, жекелеген жағдайларды қоса); белгісіз (қолда бар деректер негізінде бағалауға келмейді)

Жиі:

• тері ашытуын сезіну
• жаққан орындағы эритема, жаққан орынның қышынуы

Жиі емес:

• жоғары сезімталдық, буллезді бөртпе, жанаспалы дерматит, бөртпе, қабыршақтану, жабысқақтық, қан кету, жайсыздық, терінің құрғауы, қабыну, тітіркену, парестезия, жаққан орындағы реакциялар
• есекжем

Белгісіз:

Қолдануға болмайтын жағдайлар

- препарат компоненттеріне жоғары сезімталдық

Дәрілермен өзара әрекеттесуі

Кремді жергілікті глюкокортикостероидтармен (ГКС) бір мезгілде немесе оларды ұзақ қолданудан кейін бірден қолданғанда ГКС таңертең (қажет болған жағдайда біртіндеп тоқтата отырып), ал ДЕРМАЗОЛ^® кремін кешке қолданған жөн.

Айрықша нұсқаулар

ДЕРМАЗОЛ^® кремі тек сыртқа қолданылады.

ДЕРМАЗОЛ^® кремін офтальмологиялық тәжірибеде қолдануға болмайды.

Жергілікті кортикостероидтармен ұзақ емдеуді тоқтатқаннан кейін тоқтату синдромын болдырмау үшін таңертең жергілікті кортикостероидтарды және кешке ДЕРМАЗОЛ^® кремін қолдануды жалғастыру ұсынылады, содан соң 2-3 апта бойы біртіндеп стероидтармен емді тоқтату керек.

Жүктілік және лактация кезеңі

ДЕРМАЗОЛ^® кремі тері арқылы сіңбейді,жүктілік және лактация кезінде мүмкін болатын жағымсыз әсерлері туралы деректер жеткіліксіз. Сондықтан жүктілік және лактация кезеңінде сақтықпен қолдану керек.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері.

Кетоконазол көлік құралын және қауіптілігі зор механизмдерді басқару қабілетіне әсер етпейді.

Артық дозалануы

Симптомдары: эритема, ісіну, жаққан жерді ашыту

Емі: препаратты тоқтату, симптоматикалық емдеу

Шығарылу түрі және қаптамасы

15 г немесе 30 г препараттан бұрандалы пластмасса қақпағы бар алюминий сықпаға салынады.

1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25⁰С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецептісіз

Өндіруші

Кусум Хелткер Пвт. Лтд.,

СП 289 (А), Риико Индл. Ареа, Чопанки, Бхивади (Радж.), Үндістан

Тіркеу куәлігінің ұстаушысы

Кусум Хелткер Пвт. Лтд., Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта):

«Дәрі-Фарм (Қазақстан)» ЖШС, Алматы қ., Достық даңғ., 117/6, «Хан Тәңірі» БО.

Телефон/факс: 8(727) 295-26-50

E-mail: claims@kusum.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Дәрі-Фарм (Қазақстан)» ЖШС, Алматы қ., Достық даңғ., 117/6, «Хан Тәңірі» БО.

Телефон/факс: 8(727) 295-26-50

Электронды пошта: phv@kusum.kz

Дәріханалар