Бонджигар 90 мл сироп

Сипаттама

Дәрілік затты медициналық қолдану

жөніндегі нұсқаулық

БОНДЖИГАР

Саудалық атауы

Бонджигар

Халықаралық патенттелмеген атауы

Жоқ

Дәрілік түрі

Шәрбат

Құрамы

10 мл шәрбат құрамында

белсенді заттар:

41.0 мгақ вербезин шөбінің қою экстрактісі

38.0 мг пикрорриза курроа тамырсабақтары мен тамырларының

қою экстрактісі

32.0 мг қара алқа тұқымы мен жемістерінің қою экстрактісі

75.0 мг кәдімгі шашыратқы тұқымдарының қою экстрактісі

6.7 мг жалаң мия тамырының қою экстрактісі

44.66 мг тамарикс жыңғылы жемістерінің қою экстрактісі

24.3 мг егістік шомыр тұқымдарының қою экстрактісі

18.0 мг қылқанды бөріқарақат жемістерінің қою экстрактісі

12.0 мгүнділік сферантус шөбінің қою экстрактісі

9.0 мг жайылған берхавийшөптерінің қою экстрактісі

қосымша заттар:қант, сусыз лимон қышқылы, глицерин, метилпарагидроксибензоат, пропилпарагидроксибензоат, Тутти фрутти хош иістендіргіші, шоколадты ваниль хош иістендіргіші, пропиленгликоль, тазартылған су.

Сипаттамасы

Қызыл-қоңыр түсті, өзіне тән хош иісі және тәтті дәмі бар шәрбат тәрізді сұйықтық.

Фармакотерапиялық тобы

Бауыр мен өт шығару жолдарының ауруларын емдеуге арналған біріктірілген препараттар.

АТХ коды А05С

Фармакологиялық қасиеттері

Фармакокинетикасы

Асқазан-ішек жолынан сіңеді, 30-40 минуттан кейін әсер ете бастайды.

Фармакодинамикасы

БОНДЖИГАР – гепатопротекторлық, қабынуға қарсы, уыттылыққа қарсы және өт айдайтын әсері бар біріктірілген фитопрепарат.

Ақ вербезин - құрамында күшті гепауыттылыққа қарсы қасиеттері бар видилолактон және диметил видилолактон,аскорбинқышқылы,эклиптин алкалоиді, сондай-ақ нематодтарды қоздыратын тиофен туындылары бар.

Пикрорриза курроа - құрамында пикрозид, куткозид,андросин, апоцинин – гликозидтері бар. Гистаминге қарсы, қабынуға қарсы (тромбоциттер белсенділігін тежеу жолымен) әсер етеді, өт айдайтын және антиоксидантты әсер етеді, бұдан басқа иммуномодуляциялаушыәсері бар.

Қара алқа - құрамында гликоалколоидтар – соласодин, соламарин, соласонин бар. Тыныштандыратын, ауырғанды басатын, іш жүргізетін әсері бар.

Кәдімгі шашыратқы - құрамында таниндер, полифенолдар, майлар бар. Өт айдайтын, гепатопротекторлық әсері бар.

Тамарикс жыңғылы - құрамында тамарексин, аглюкон бар. Басқа гепатоқорғағыш препараттар әсерін белсенділендіреді, қан тоқтатқыш қасиеті бар.

Егістік шомыр - құрамында гликозидтер, эфир майы, аскорбин қышқылы, лизоцим, аминқышқылдары (орнитин, цитрулин, аргинин) бар. Антиоксидант ретінде әсер етеді, гепатотроптық және өт айдағыш әсері бар, бауырдың уытсыздандыру қабілетін күшейтеді, метаболизм реттелуіне ықпал етеді.

Қылқанды бөріқарақат - құрамында берберин алкалоидтары, бербамин, аромолин, карахин, пальматин, оксиакантин, органикалық қышқылдар және қант, кофе және форельқышқылы бар.Өт айдайтын, микробқа қарсы, диареяға қарсы әсері бар.

Жайылған берхавий - құрамында алкалоидтар триаконтанол, гентриаконтан, флавоноидтар, гликозидтер бар. Гепатопротекторлық, ауырғанды басатын, несеп жүргізетін әсер береді.

Үнділік сферантус - құрамындатаниндер, альбуминдер, майлы және эфир майы, минералдар бар. Нығайтатын, тазартатын, сергітетін әсер береді.

Жалаң мия - құрамында сапонин глицирризин, гликозид ликвиритин, флавонолдар, глюкоза, сахароза, пектиндік заттар бар. Қабынуға қарсы, қақырық түсіретін, несеп жүргізетін әсері бар.

Гепатопотекторлық әсері антиоксиданттық және жарғақшаны қалыпқа түсіретін қасиеттеріне байланысты. БОНДЖИГАР қабылдау аясында бауырдың уытсыздандыру қызметі, зат алмасуы (үшкарбонды қышқыл циклы) жақсарады, бұл ағзадан ақуыз алмасуының (оның ішінде аммиактың) жинақталған өнімдерінің шығарылуына ықпал етеді. БОНДЖИГАР-дың қабынуға қарсы әсері простагландиндер синтезін болдырмай, гепатоциттердің лизосомальді жарғақшаларын қалыпқа түсіру қабілетіне байланысты. Құрамына кіретін компоненттердің липотроптық қасиеттері есебінен БОНДЖИГАР препараты бауырда май жинақталуын болдырмайды. БОНДЖИГАР қолдану бауырдың әртүрлі патологиясында қан плазмасындағы билирубиннің жоғары деңгейінің қалыпты болуына және төмендеуіне, СФ белсенділігіне (сілтілік фосфотаздар), АЛТ (аланин трансаминазалары)және АСТ (аспарагин трансамилазалары) белсенділігіне алып келеді.

Қолданылуы

- өт шығару жолдарының дискинезиясында

- жедел және созылмалы холециститте

- түрлі этиологиядағы жедел және созылмалы гепатиттерде, химиялық заттар мен дәрілік препараттардың жағымсыз әсерлері туындатқан уытты гепатитте

- майлы гепатозда (оның ішінде қант диабетінде)

- бауыр циррозында

- алкоголизм мен нашақорлықты емдеу кезіндегі қосымша емде

Қолдану тәсілі және дозалары

Ересектерге - тәулігіне 3 рет 2шай қасықтан.

3 жастан 15 жасқа дейінгі балаларға – тәулігіне 3 рет 1 шай қасықтан.

Препаратты тамақтан кейін қабылдайды.

Аурудың жедел түрлерін емдегенде препаратты қабылдау ұзақтығы – 2 апта.Аурудың созылмалы түрлерін емдегенде4-6 апта

Жағымсыз әсерлері

-препараттың компоненттеріне аллергиялық реакциялар болуы мүмкін

-үлкен дәреттің жиілеуі

Қолдануға болмайтын жағдайлар

- препараттың компоненттеріне жекелей жоғары сезімталдық

- 3 жасқа дейінгі балалық жас

- қант диабеті

- өт-тас аурулары

- жүктілікте және лактация кезеңі

Дәрілермен өзара әрекеттесуі

Анықталмаған

Айрықша нұсқаулар

Шәрбаттың құрамында сахароза бар, қант диабеті, экссудатты диатезі бар,сондай-ақ гипокалориялық диетада жүрген пациенттер мұны ескерулері керек.

Дәрілік заттың көлік құралдарын басқару немесе қауіпті деп саналатын механизмдерді басқару қабілетіне әсер ету ерекшеліктері

Әсер етпейді

Артық дозалануы

Байқалмаған

Шығарылу түрі және қаптамасы

90 мл препараттан мойны бұрандалы, картон төсемі бар алюминий қалпақшамен тығындалған янтарь шыны құтыларға құйылған. Құтыға заттаңбалық қағаздан жасалған заттаңба жапсырылады. 1 құтыдан өлшеуіш стақанымен медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.

120 мл және 150 мл препараттан балалардың ашып алуынан қорғалған қақпағы бар янтарь түсті шыны құтыға салынған. Құтыға заттаңбалық қағаздан жасалған заттаңба жапсырылады. 1 құтыдан өлшеуіш стақанымен медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

+25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Құтының қақпағын ашқаннан кейін +25ºС-денаспайтын температурада 8 аптадан асырмай сақтау керек. Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндіруші

«Хербион Пәкістан Пвт Лтд», Пәкістан

30/28 Коранги өнеркәсіптік аймағы, Карачи қ.

Тіркеу куәлігінің иесі

«Хербион Пәкістан Пвт Лтд», Пәкістан

Қазақстан Республикасының аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Фармация Юниверсал» ЖШС

Алматы қ. Чаплин /Халлиулин к-сі. 71/66

Тел: 234-48-53, 234-44-88

Факс: 234-41-47

Е-mail: info.kz@herbion.com

Дәріханалар