Сипаттама
Дәрілік затты медициналық қолдану жөніндегі нұсқаулық
Аскорутин
Саудалық атауы
Аскорутин
Халықаралық патенттелмеген атауы
Жоқ
Дәрілік түрі
Таблеткалар
Құрамы
Бір таблетканың құрамында
белсенді заттар: аскорбин қышқылы - 50 мг,
рутин - 50 мг,
қосымша заттар: картоп крахмалы, кальций стеараты, тальк, қант.
Сипаттамасы
Болмашы теңбілдері, ойығы мен сызығы бар, жалпақ беткейлі, ашық жасылдау-сары түсті таблеткалар.
Фармакотерапиялық тобы
Ас қорыту жолы және зат алмасу. Дәрумендер. Аскорбин қышқылы, басқа препараттармен біріктірілімдерін қоса. Басқа препараттармен біріктірілген аскорбин қышқылы.
АТХ коды А11GВ
Фармакологиялық қасиеттері
Фармакокинетикасы
Аскорбин қышқылы көбінесе он екі елі ішек пен жіңішке ішекте жылдам сіңеді. Енгізгеннен кейін 30 минуттан соң қанда аскорбин қышқылының құрамы айқын жоғарылайды, оның тіндерімен қармалуы басталады. Бұл ретте ол алдымен қуат шығындамай жасуша жарғақшалары арқылы өтетін дегидроаскорбин қышқылына өзгереді және жасушада жылдам қалпына келеді. Аскорбин қышқылы тіндерде тек қана жасуша ішінде орналасады, үш түрде – аскорбин, дегидроаскорбин қышқылы және аскорбиген (байланысқан аскорбин қышқылы) түрінде айқындалады. Ағзалар арасында біркелкі таралмайды. Ол ішкі секреция бездерінің құрамында, әсіресе бүйрек үсті безінде көп, аз мөлшерде - мида, бүйректе, бауырда, жүрек және қаңқа бұлшықеттерінде болады. Аскорбин қышқылының мөлшері қан плазмасына қарағанда лейкоциттер мен тромбоциттерде жоғарырақ. Ол бүйректе метаболизденеді және 90% дейін оксалат түрінде, ішінара - бос түрде бүйрек арқылы сыртқа шығарылады. Рутин ас қорыту жолында сіңе отырып, аскорбаттың тасымалдануына және жинақталуына жағдай туғызады. Өзгермеген күйде және метаболиттер түрінде негізінен өтпен сыртқа шығарылады және аз дәрежеде несеппен шығарылады. Жартылайшығарылу кезеңі 10-25 сағатты құрайды.
Фармакодинамикасы
Рутин аскорбин қышқылымен бірге тотығу-тотықсыздану үдерістеріне қатысады, антиоксиданттық қасиеті бар (атап айтқанда адреналинді тотығудан сақтайды), аскорбин қышқылының тотығуына жол бермейді және тіндерде жинақталуына ықпал етеді. Екі компонент те қан тамырлары қабырғаларын нығайтады (жасуша аралық заттардың түзілуіне ықпал етеді және гиалуронидазаның белсенділігін төмендетеді), капиллярлар өткізгіштігін және сынғыштығын төмендетеді.
Қолданылуы
- С және Р гипо- және авитаминозын, тікелей емес антикоагулянттарды және салицилаттарды қолданумен байланысты капиллярлар зақымдалуының профилактикасында және емдеуде
Кешенді ем құрамында:
- қан тамырлары өткізгіштігінің бұзылуы қатар жүретін ауруларда: геморрагиялық диатез, көз торқабығына қан құйылу, капилляр токсикозы, сәуле ауруы, сепсистік эндокардит, ревматизм, гломерулонефрит, арахноидит, бөртпе сүзек, қызылша, жаншау, тромбоцитопениялық пурпура.
Қолданылу тәсілі және дозалары
Емдеу үшін ересектерге 1 таблеткадан күніне 2-3 рет, 6 жастан бастап балаларға ½ таблеткадан күніне 1-2 рет. Курсы дәрігермен жекелей анықталады.
Профилактика үшін ересектерге 1 таблеткадан күніне 1-2 рет, 6 жастан бастап балаларға ½ таблеткадан күніне 1 рет.
Жағымсыз әсерлері
- тері бөртпесі түрінде аллергиялық реакциялар болуы мүмкін
- диспепсиялық бұзылыстар, жүрек айну, құсу, эпигастрий аймағының ауыруы
- бас ауыруы, жоғары қозғыштық
- артериялық қысымның жоғарылауы
- тромбоцитоз, лейкоцитоз
Қолдануға болмайтын жағдайлар
- препарат компоненттерінің біреуіне аса жоғары сезімталдық
- қан ұюының жоғарылауымен және тромбоздарға бейімділікпен қатар жүретін жағдайлар
- тромбофлебит
- қант диабеті (аскорбин қышқылының болуына байланысты)
- жүктіліктің І триместрі
- 6 жасқа дейінгі балалар
Дәрілермен өзара әрекеттесуі
В тобының дәрумендерімен және құрамында мыс бар препараттармен бірге қолдануға болмайды. Ұзақ қолданған жағдайда (4 аптадан астам) рутин жүрек гликозидтерімен, гипертензияға қарсы дәрілермен немесе стероидты емес қабынуға қарсы препараттармен бір мезгілде тағайындауға болмайды, себебі ол олардың әсерін күшейтуі мүмкін.
Аскорбин қышқылы пенициллин тобы, темір ДЗ-ның сіңуін жоғарылатады; гепарин және тікелей емес антикоагулянттардың клиникалық әсерін төмендетеді.
Айрықша нұсқаулар
Аскорутинді тамақтан кейін тағайындайды.
Препаратты жеміс немесе көкөніс шырындарын қолданумен, сілтілі сусынмен бір уақытта пайдалану С дәруменінің сіңірілуін төмендетеді.Сонымен қатар, сіңірілуі энтериттер кезінде бұзылуы мүмкін.
Препараттың жоғары дозаларын қан ұюы жоғары науқастарға тромбофлебиттерде, тромбозға бейімділікте, қант диабетінде (құрамында аскорбин қышқылы болғандықтан) тағайындауға болмайды.
Аскорутиннің жоғары дозаларын қолданған кезде бүйрек функциясын және артериялық қысым деңгейін, сондай-ақ, ұйқы безінің функциясын бақылап отыру қажет.
Препарат қандағы билирубин, глюкоза деңгейін, трансаминазалар, лактатдегидрогеназа және т.б. белсенділігін анықтауға қатысты зертхана тестілерінің нәтижелерін өзгертуі мүмкін.
Жүктілік, лактация кезеңі
С дәруменінің жоғары дозалары эстрогендер синтезінің артуына байланысты жүктіліктің тоқтауын тудыруы мүмкін. Препарат құрамында рутин болғандықтан, оны жүктіліктің алғашқы триместрінде қолдануға болмайды.
Препаратты лактация кезеңінде қолдануға болады.
Препараттың көлік құралдарын немесе қауіптілігі зор механизмдерді басқару қабілетінеәсер ету ерекшеліктері
Аскорутинді қолдану автомобиль немесе қауіптілігі зор механизмдерді басқару қабілетіне әсер етпейді.
Артық дозалануы
Препарат артық дозаланғанда ұйқы безінің инсулярлы аппараты функциясының бәсеңдеуі, бүйрек функциясының бұзылуы, артериялық қысымның жоғарылауы мүмкін.
Емі: белсендірілген көмірі бар сумен асқазанды шаю; симптоматикалық ем жүргізу қажет.
Шығарылу түрі және қаптамасы
10 таблеткадан екі жағының полимерлік жабыны бар қаптама қағаздан жасалған пішінді ұяшықсыз қаптамада немесе 50 таблеткадан полипропиленнен жасалған қақпағы бар банкіде. 250 пішінді қаптамадан немесе 20 банкіден медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа (топтық қаптамаға) салынады.
10 таблеткадан ПВХ үлбірмен жабылған алюминий фольгадан жасалған пішінді ұяшықсыз қаптамада. ПВХ үлбірмен жабылған алюминий фольгадан жасалған 5 пішінді ұяшықсыз қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған. 55 картон қорапшадан картон қорапқа (топтық қаптама) салынады. ПВХ үлбірмен жабылған алюминий фольгадан жасалған 200 пішінді ұяшықсыз қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа (топтық қаптама) салынады.
Сақтау шарттары
Құрғақ, жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
