Сипаттама
Дәрілік затты медициналық қолдану
жөніндегі нұсқаулық
Алтейка АРТЕРИУМ
Саудалық атауы
Алтейка Артериум
Халықаралық патенттелмеген атауы
Жоқ
Дәрілік түрі
Шәрбат, 200 мл
Құрамы
5 мл препараттың құрамында
белсенді зат: полисахаридтер құрамының 20,0 % шаққандағы жалбызтікен
тамырының құрғақ экстрактісі – 7,5 мг;
қосымша заттар: метилпарагидроксибензоат (Е 218), қант-рафинад,тазартылған су
Сипаттамасы
Өзіне тән иісі бар сарғыш-қоңырдан қызғылт-қоңыр түске дейінгі шәрбат тәрізді сұйықтық. Сақтау үдерісінде шөгіндінің болуына жол беріледі.
Фармакотерапиялық тобы
Респираторлық жүйе ауруларын емдеуге арналған препараттар. Жөтел және суық тию симптомдарын жоюға арналған препараттар. Қақырық түсіретін препараттар. Жалбызтікен тамыры.
АТХ кодыR05CA05
Фармакологиялыққасиеттері
Фармакокинетикасы.
Зерттелмеген
Фармакодинамикасы.
Жалбызтікен тамыры экстрактісі негізіндегі шәрбат, құрамына әсер етуші зат негізінде полисахарид, сондай-ақ пектиндер, амин қышқылдары, крахмал және басқалары кіретін кешенді өсімдік препараты болып табылады. Препарат бронхосекреторлық, қақырық түсіретін және бүркемелейтін әсер етеді. Асқазанның шырышты қабығының рецепторларына аздап тітіркендіргіш әсер етеді, бронх және сілекей бездерінің сөлінісін рефлекторлы көтермелейді. Қақырықтың түзілуін, оның реологиялық қасиеттерін (тұтқырлығын, серпімділігін, адгезивтілігін) қалпына келтіре отырып белсендіреді, қақырықтың шығуына ықпал етіп бронхиолдардың перистальтикалық қозғалысын және бронх жыпылықтағыш эпителийінің моторлық функциясын күшейтеді. Препараттың өсімдік тектес полисахаридті шырышы асқазанның шырышты қабығын бүркемелей отырып, цитопротекторлы және қабынуға қарсы әсер тудырады, тіндердің регенерациясына ықпал етеді. Асқазан сөлінісін азайтады. Гастропротекторлық әсері асқазан сөлінің қышқылдылығы неғұрлым жоғары болса, соғұрлым күштірек және ұзағырақ болады.
Қолданылуы
Тыныс жолдарының жедел және созылмалы аурулары: ларингит, трахеит, бронхит, бронх демікпесі кезінде кешенді ем құрамында
Қолдану тәсілі және дозалары
Қолданар алдында шайқау керек. Препаратты тамақтануға дейін тағайындайды: ересектерге және 14 жастан асқан балаларға – 1 ас қасық (15 мл) шәрбаттан тәулігіне 4 – 6 рет.
6-дан 14 жасқа дейінгі балаларға 2 шай қасықтан (10 мл) тәулігіне 4-6 рет тағайындайды; 2-ден 6 жасқа дейін – 1 шай қасық (5 мл) шәрбаттан тәулігіне 4 – 6 рет.
Емдеу курсының ұзақтығы емдеу тиімділігіне байланысты жекелей анықталады, және әдетте 7-14 күнді құрайды.
Жағымсыз әсерлері
Аллергиялық реакциялар, сілекей бөлінудің күшеюі, асқазан шырышты қабығының тітіркенуі болуы мүмкін.
Жағымсыз реакциялар туындаған жағдайда емдеуді тоқтатып, дәрігерге қаралу керек.
Қолдануға болмайтын жағдайлар
- препарат компоненттеріне жоғары сезімталдық
- 2 жасқа дейінгі балалар
Дәрілермен өзара әрекеттесуі
Жөтелге қарсы дәрілермен (мысалы, кодеинмен) бір мезгілде қолдану ұсынылмайды.
Айрықша нұсқаулар
Дәрілік затты қолдану ережелерін бұзуға болмайды.
Сақтау үдерісінде шөгінді түсуіне жол беріледі. Қолданар алдында шайқау керек.
Егер емдеу кезінде ентігу, дене температурасының жоғарылауы дамитын болса немесе препарат қолданумен байланысты емес іріңді қақырық пайда болса, дереу дәрігерге қаралу қажет.
Бір мезгілде қолданылатын препараттардың сіңірілуі төмендеуі мүмкін. Басқа препараттарды препаратты қолдануға дейін 1 сағат бұрын немесе одан 1 сағат кейін қолдану қажет.
Қант диабеті кезінде сақтықпен қолдану керек.
Жүктілік немесе лактация кезеңінде қолдану
Жүктілік және бала емізу кезеңінде препаратты қолдану тәжірибесі туралы ақпараттар жоқ.
Дәрілік заттың көлік құралын немесе қауіптілігі зор механизмдермен басқару қабілетіне әсер ету ерекшеліктері
Препаратты қолдану автокөлік басқару және басқа да механизмдермен жұмыс істеу қабілетіне әсер етпейді.
Артық дозалануы
Артық дозалану жағдайлары белгісіз
Шығарылу түрі және қаптамасы
200 мл препараттан аллюминий қалпақшалармен жабылған шыны құтыларда немесе полимер қақпақтармен жабылған полимер құтыларда.
1 құтыдан медициналық қолдану жөніндегі мемлекеттік және орыс тіліндегі нұсқаулық және дозатормен бірге картон қорапшаға салады.
Сақтау шарттары
Түпнұсқалық қаптамасында, 25ºС-ден аспайтын температурада сақтау керек.
Ашқаннан кейін 4-8ºС температура аралығында 14 тәуліктен асырмай сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды
Дәріханалардан босатылу шарттары
Рецептісіз
Өндіруші
«Галичфарм» ЖАҚ
Украина, 79024, Львов қ. , Опрышковская к-сі, 6/8.
Тіркеу куәлігі иесінің атауы және елі
«Галичфарм» АҚ, Украина
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
«ТД Фармамед» ЖШС,Алматы қ., Ходжанов к-сі, 67-ғимарат, 4а т.е.
Тел.: +7 (727) 344-99-05/06
Е-mail: Almaty@pharmamed-arterium.kz
