Юнигамма № 30 табл

Сипаттама

Дәрілік заттың медицинада қолданылуы

жөніндегі нұсқаулық

ЮНИГАММА^®

Саудалық атауы

ЮНИГАММА^®

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар

Құрамы

Бір таблетканың құрамында

Белсенді заттар:

бенфотиамин	100	мг
В6 витамині (пиридоксин гидрохлориді)	100	мг
В12 витамині (цианокобаламин)1	200	мкг

¹ -цианокобаламиннің микрокристалды целлюлозадағы 1 % қоспасы түрінде

қосымша заттар: кальций гидрофосфаты, микрокристалды целлюлоза, стеарин қышқылы, натрий кроскармеллозасы, магний стеараты, кремнийдің коллоидты қостотығы,

қабықтың құрамы: Опадрай II ақ 57U18539 (гипромеллоза, титанныңқостотығы (Е171), полидекстроза, тальк, мальтодекстрин, орташа тізбекті триглицеридтер).

Сипаттамасы

Дөңгелек, екі беті дөңес, ақ немесе ақ дерлік түсті үлбірлі қабықппен қапталған таблеткалар.

Фармакотерапиялық тобы

Витаминдер. В₁ витамині және оның В₆ және В₁₂ витаминдерімен біріктірілімдері.

АТХ коды A11DB

Фармакологиялық қасиеттері

Юнигамма^® - жүйке тінінің жағдайы мен функциясына әсер ететін B тобы витаминдерінің кешені (В₁ витамині, В₆ витамині және В₁₂ витамині).

Фармакокинетикасы

Бенфотиамин – препаратты ішке қабылдағаннан кейін бенфотиамин асқазан-ішек жолынан (АІЖ) жылдам сіңіріледі. C_max 1.2 сағаттан соң жетеді. Бауырда метаболизденеді және бүйрекпен шығарылады.

В₆ витамині (пиридоксин) – АІЖ-да сіңгеннен кейін адам организмінде таралады - көбірек концентрациялары бауыр мен миокардта анықталады, ол жерде ол жинақталады. Бауырда пиридоксин 4-пиридоксин қышқылына дейін тотығады, ол, сіңірілгеннен кейін ең көбі 2-5 сағаттан соң несеппен шығарылады.

В₁₂ витамині (цианокобаламин) – асқазанда «Кастла» ішкі факторымен өзара әрекеттескеннен кейін аш ішекте сіңеді. Сіңгеннен кейін В₁₂ витамині тіндерге тасымалданады. В₁₂ витаминінің артық мөлшері бауырда жинақталады. Бауырдан ол өтпен ішекке шығарылады, сол жерден қайта сіңеді. Цианокобаламин негізінен өтпен шығарылады, оның бүйрекпен шығарылу дәрежесі 6-дан 30%-ға дейін.

Фармакодинамикасы

Нейротроптық витаминдер - бенфотиамин, пиридоксин гидрохлориді және цианокобаламин жүйке және тірек-қимыл аппаратының қабыну және дегенеративтік ауруларына жағымды әсер береді. Қан ағымының күшеюіне ықпал етеді және жүйке жүйесінің жұмысын жақсартады.

Бенфотиамин – В₁ витаминінің (тиаминнің) майда еритін түрі. Адам организмінде тиамин белсенді тиаминпирофосфатқа өзгереді және кофермент ретінде, пировиноград және альфа-кетоглутар қышқылдарының; транскетолаза – пентозофосфат шунтының ферментінің тотыққыш декарбоксилденуіне қатысатын пируватдекарбоксилаза, альфа-кетоглутаратдекарбоксилаза кешендерінің құрамына кіреді. Бенфотиаминнің әсерінің маңызды нәтижесі транскетолаза белсенділігінің жоғарылауы болып табылады: қант диабеті кезіндегі күрделі биохимиялық бұзылулардың бірі транскетолаза ферментінің бәсеңдеуі болып табылады.

Тиамин вегетативтік талшықтар мен ганглиялардағы импульстер берілісіне қатысатын АТФ (аденозинтрифосфат) синтезіне қатысады. Синапстық берілісті жақсарта отырып, жүйке импульсінің жүруін реттейді.

В₆ витамині (пиридоксин) орталық және шеткергі жүйке жүйелерінің қалыпты қызмет атқаруы үшін қажет. Организмге түскенде ол фосфорилденеді, пиридоксаль-5-фосфатқа айналады және аминқышқылдарының декарбоксилденуін, трансаминденуін және рацемиялануын, сондай-ақ құрамында күкірт бар және гидроксилденген аминқышқылдарының ферментативтік өзгерісін жүзеге асыратын ферменттердің құрамына енеді. Триптофан алмасуына қатысады (серотонин биосинтезі реакциясына қатысуы). Жүйке тініндегі регенеративтікүдерістерді жеделдетеді.

В₁₂ витамині (цианокобаламин) организмнің тіршілігін қамтамасыз ететін бірқатар маңызды биохимиялық реакцияларға (нуклеин қышқылдарының, ақуыздың синтезіне, аминқышқылдарының, көмірсулардың, липидтердің алмасуына) қатысады.

Цианокобаламин қалыпты қан түзілімі мен эритроциттердің жетілуі үшін қажет. Жүйке жүйесіндегі үдерістерге (РНҚ, ДНҚ, миелин синтезі және цереброзидтер мен фосфолипидтердің липидтік құрамы) әсер етеді. Цианокобаламиннің коферменттік түрлері - метилкобаламин және аденозилкобаламин - жасушалардың репликациясы және өсуі үшін қажет.

В₁₂ витаминінің тапшылығы қан түзуші тін мен эпителийдің тез бөлінетін жасушаларының пролиферациясының бұзылуына, сондай-ақ нейрондардың миелиндік қабығы түзілуінің бұзылуына алып келеді.

Қолданылуы

Төмендегі неврологиялық ауруларда кешенді ем құрамында:

— шығу тегі әр түрлі полиневропатияларда (соның ішінде диабеттік, алкогольдік)

— невриттер мен невралгияларда

— омыртқаның дегенеративтік өзгерістерінен туындаған түбіршектік синдромда

— ишиаста

— люмбагода

— плекситтерде

— қабырғааралық невралгияда

— үшкіл жүйке невралгиясында

— бет жүйкесінің парезінде

Қолдану тәсілі және дозалары

Ішке, күніне 1 рет 1 таблеткадан, тамақтан кейін, жеткілікті мөлшердегі сұйықтықпен ішіп қабылдайды. Ауыр жағдайларда, дәрігермен кеңескеннен кейін, қабылдаулар санын тәулігіне 3 ретке дейін арттыруға болады.

Емдеу ұзақтығы мен қайталанатын курстары – дәрігердің ұсынымы бойынша.

Препараттың жоғары дозаларымен 4 аптадан артық емдеу ұсынылмайды.

Жағымсыз әсерлері

мүмкін:

• препарат компоненттеріне аллергиялық реакциялар (қынышу, есекжем, тыныстың тарылуы, Квинке ісінуі, анафилактикалық шок)
• жүрек айнуы, құсу, диарея, іштің ауыруы, асқазан сөлі қышқылдылығының жоғарылауы
• қатты терлеу
• безеу бөртпесі
• тахикардия
• препарат компоненттеріне жоғары сезімталдық
• декомпенсация сатысындағы жүрек жеткіліксіздігі
• 18 жасқа дейінгі балалар мен жасөспірімдерге
• жүктілік және лактация кезеңі

жекелеген жағдайларда:

Қолдануға болмайтын жағдайлар

Дәрілермен өзара әрекеттесуі

Юнигамма^® препаратын этил спиртімен бір мезгілде қолданғанда препараттың құрамына кіретін бенфотиаминнің сіңірілуі төмендейді.

Бенфотиамин тотықтырғыш заттармен, сынап хлоридімен, йодидпен, карбонатпен, ацетатпен, танин қышқылымен, сондай-ақ фенобарбиталмен, рибофлавинмен, бензилпенициллинмен, декстрозамен және метабисульфитпен үйлесімсіз.

Бенфотиамин құрамында сульфиттер бар ерітінділерде толығымен ыдырайды.

Мыс бенфотиаминнің ыдырауын жеделдетеді. Бенфотиамин рН мәндерін арттырғанда (рН 3-тен жоғары) өзінің әсерін жоғалтады.

Юнигамма^® препаратын леводопамен, циклосеринмен, пеницилламинмен, эпинефринмен, норэпинефринмен және сульфонамидтермен бір мезгілде қолданғанда пиридоксиннің әсерінің тиімділігі төмендеуі мүмкін.

ЮнигаммАНы^® колхицинмен немесе бигуанидтермен бірге қолдану аясында цианокобаламиннің сіңірілуінің төмендегені білінеді.

Юнигамма^® препаратымен емдеу кезінде артық дозалану қаупіне байланысты, құрамында В тобының витаминдері бар поливитаминдік кешендерді қатарлас қабылдаудан бас тарту керек.

Айрықша нұсқаулар

Ұсынылатын дозасын арттырмау керек.

В₆ витаминін 2 айдан астам уақыт бойы 1 г дозадан артық қабылдау нейротоксикоздың дамуын тудыруы мүмкін. В₆ витаминін күн сайын 50 мг артық дозада ұзақ уақыт бойы қабылдау шеткергі сенсорлық нейропатияның дамуын тудыруы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Емдік ауқымының кеңдігінің арқасында, бенфотиаминді ішу арқылы қабылдағанда, артық дозалануының даму ықтималдығы аз.

Алайда, В₆ витаминінің қысқа уақыт ішіндегі жоғары дозалары (тәулігіне 1 г артық), және 6 айдан астам уақыт бойы тәулігіне 100 мг дозалары нейроуытты әсерлердің дамуын тудыруы мүмкін.

Тәулігіне 1 г артық қабылдағандағы симптомдары: сенсорлық нейропатия, атаксия, құрысулар.

Емі: құстыру немесе асқазанды шаю, белсендірілген көмір беру керек. Құстыру негізінен, қабылдағаннан кейін алғашқы 30 минут ішінде тиімді. Қарқынды медициналық көмек қажет болуы мүмкін.

Шығарылу түрі және қаптамасы

Үлбірлі қабықпен қапталған 30 таблеткадан поливинилхлоридті үлбір мен алюминий фольгадан жасалған пішінді ұяшықты қаптамаға салынған.

1 немесе 2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салынады.

Сақтау шарттары

Құрғақ жерде, 10 – 30 ^оС температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Юнифарм, Инк., АҚШ

Тіркеу куәлігінің иесі

Юнифарм, Инк., АҚШ

Қазақстан Республикасы аумағында тұтынушылардан өнім (тауар)

сапасына қатысты шағымдар қабылдайтын ұйымның мекенжайы

Қазақстан Республикасындағы «Юнифарм, Инк.» (АҚШ) өкілдігі

Алматы қ., Наурызбай батыр к-сі 17, 106 кеңсе

Телефон нөмірі: +7 (727) 244-50-04

Факс нөмірі: +7 (727) 244-50-06

Электронды поштасы: info@unipharm.kz