Тауарлардың көрінісі фотосуретте көрсетілгеннен өзгеше болуы мүмкін

Триметабол порошок 3 гр+150 мл раствор д/перор.прим-я

Қолжетімділігі
Тауар қолда жоқ
Үлгі
8436029300067
Елі
Швейцария
Өндіруші
GrupoUriach
  • Сипаттама

Сипаттама

Дәрілік затты медициналық қолдану

жөніндегі нұсқаулық

ТРИМЕТАБОЛ ®

Саудалық атауы

Триметабол®

Халықаралық патенттелмеген атауы

Жоқ

Дәрілік түрі

Ішке қабылдау үшін ерітінді дайындауға арналған 3 г ұнтақ, 150 мл ерітіндімен жиынтықта

Құрамы

100 мл дайындалған ерітіндінің құрамында:

Белсенді заттар:

Ципрогептадин ацефиллинаты35 мг

L-лизин гидрохлориді 5 г

D, L-карнитин гидрохлориді 7,5 г

Тиамин гидрохлориді (B1 дәрумені) 600 мг

Пиридоксин гидрохлориді (B6 дәрумені) 600 мг

Цианокобаламин (B12 дәрумені) 20 мг

Қосымша заттар: повидон К-30, метилпарагидроксибензоат, натрий сахарині, бүлдірген эссенциясы, мальтитол, тазартылған су, маннитол.

Сипаттамасы

Ұнтақ

Дәрумендерге тән иісі бар қызғылт түсті біртекті ұнтақ

Ерітінді

Құлпынай иісі бар сарғыш түсті мөлдір сұйықтық

Фармакотерапиялық тобы

Тәбет стимуляторлары

АТХкоды А15

Фармакологиялық қасиеттері

Фармакокинетикасы

Триметабол® пероральді қабылдаудан кейін жақсы сіңіріледі, ең жоғары концентрациясына қолданғаннан кейін 4 сағаттан соң жетеді.

Организмде таралуы және емшек сүтіне енуі туралы деректер жоқ.Препарат қабылдағаннан кейін 12 сағат ішінде несеппен шығарылады.

Фармакодинамикасы

Препараттың негізгі компоненті – ципрогептадин ацефиллинаты (метопин), онда серотонин антагонисінің қасиеттері бар, әрі гипоталамусқа әсер ете отырып, тәбетті көтермелейді. Препарат кальций өзекшелеріне бөгейтін әсер береді. Тәбеті төмендеген балаларда гипотония немесе ас қорыту жүйесінің бұзылуы жиі туындайды, сондықтан тек ашығу орталығын көтермелеу тамақтану және организмнің оны қорытуы және сіңіруі арасындағы сәйкессіздікті туындатуы ықтимал. Осыдан сақтану үшін препарат құрамында асқазан сөлі және ұйқы безісекретінің өндірілуін көтермелейтін карнитин болады, бұл дәрумендер, микроэлементтер және нәрлі заттардың сіңуіне оңтайлы жағдайды қамтамасыз етеді.

Тағамның толық сіңуі үшін ферменттік жүйенің оңтайлы жұмысын қамтамасыз ету қажет. Сондықтан препарат құрамында дәрумендер кешені (В1, В6, В12) болады, олар липидтер, ақуыздар және көмірсулар метаболизмінде коферменттер рөлін атқара отырып, олардың жасушалық деңгейде сіңірілуіне ықпал етеді.

L-лизин препарат формуласын толықтырады, ақуыздар биосинтезінің негізі болып табылады, гормональді емес анаболизмдік әсер көрсетеді.

Теңгерімді құрамының нәтижесінде препарат тәбетті жақсартады және дене салмағының артуына ықпал етеді.

Қолданылуы

- тәбетті көтермелеуге гормональді емес анаболизмдік дәрі ретінде.

Қолдану тәсілдері

Қолданар алдында ерітіндіні дайындап алу қажет.

Ерітіндіні дайындау.

Пакеттің ішіндегісін құтыдағы ерітіндіге төгу керек. Құтыны жауып және шайқау керек.

2 жастан 3 жасқа дейінгі балаларға: 2.5 мл күніне 3 рет.

3 жастан 6 жасқа дейінгі балаларға: 5 мл күніне 3 рет.

6 жастан асқан балаларға және ересектерге: 5-10 мл күніне 3 рет.

Триметаболды® тамақтан 30 минут-1 сағат бұрын қабылдау керек.

Емдеу курсын дәрігер әр адамға жеке анықтайды.

Жағымсыз әсерлері

Жиі

- ұйқышылдық, сылбырлық

- ауыздың құрғауы

- айқын көрмеу

- аллергиялық реакциялар

- седативтік әсер

- баяу типті аллергиялық реакциялар

Сирек:

- іш қату

- бас айналу, бас ауыру

- әлсіздік

- мидриаз, аккомадация проблемалары

- егде пациенттердегі сананың шатасуы

- тітіркену және балаларда ұйқысыздық

- несептің іркілуі

- жүрек қағуының жиілеуі, гипотония

- бөртпе, есекжем, фотодерматит

- баяу типті аллергиялық реакциялар

- бронх түйілуі

Ұйқышылдық болуы мүмкін, дозаны азайта отырып, оның алдын алуғаболады. Кейбір пациенттерде тыныштандыратын әсері қолданудың 2 – 3 күні жоғалады.

Қолдануға болмайтын жағдайлар

- белсенді заттарға немесе қосымша заттардың кез келгеніне жоғары сезімталдық

- бүйректің жедел жеткіліксіздігі

- бауырдың жедел жеткіліксіздігі

- 2 жасқа дейінгі балалар

- жүктілік және лактация кезеңі

- глаукома

- қуықасты безінің гипертрофиясы

- несептің іркілуі

- демікпе статусы, демікпе ұстамасы

- пилородуоденальді стеноз

- қуық мойнының және дуоденальді сфинктердің бітелуі

Дәрілермен өзара әрекеттесуі

Алкоголь ішімдіктерімен бір мезгілде қабылдағанда орталық жүйке жүйесінің қызметі алкогольмен бәсеңдеуі мүмкін.

МАО тежегіштері ципрогептадиннің антихолинергиялық әсерін күшейтуі мүмкін. Ципрогептадин флуоксетиннің, фенелзин және пароксетиннің депрессияға қарсы әсерін азайтуы мүмкін.

Пероральді контрацептивтер және аскорбин қышқылы цианокобаламиннің белсенділігін азайтуы мүмкін.

Бұл дәрілік зат гистаминнің тері реакциясын тежеуі және аллергенді экстрактілер пайдаланылатын тестіде жалған-теріс нәтижелер көрсетуі мүмкін.

Айрықша нұсқаулар

Антихолинергиялық әсерлеріне байланысты анамнезде бронх демікпесі, гипертиреоз, гипертония, өкпенің созылмалы обструкциялық ауруы бар, көзішілік қысым жоғарылаған және жүрек-қантамыр аурулары бар пациенттерді ерекше бақылауға алу қажет.

Триметаболды ұзақ уақыт қолдану немесе оның дозасын арттыру ұсынылмайды.

Егде және әлсіреген науқастар седацияға, бас айналуға, сананың шатасуы жәнегипотонияға анағұрлым бейім болады.

Препарат құрамындағы метилпарагидроксибензоат есебінен аллергиялық реакцияларды (кештеу баяу типі болуы мүмкін) туындатуы мүмкін.

Мальтит болуына байланысты, тұқым қуалайтын фруктоза жақпаушылығы немесе глюкоза-галактоза мальабсорбциясы бар пациенттер препаратты қолданбауы тиіс.

Жүктілік және лактация кезеңі

Жүктілік кезінде қолдануға болмайды.

Препараттың емшек сүтіне енуіне қатысты деректер жоқ, алайда препараттаципрогептадиннің болуына байланысты емдеу кезеңінде емшек емізуді тоқтата тұру немесе бұл препаратты қабылдамау керек.

Автокөлікті немесе басқа да қауіпті механизмдерді басқару қабілетіне ықпал ету ерекшеліктері

Әлсіздік, ұйқышылдық және бас айналу сияқты жағымсыз әсерлер пайда болуы мүмкін екендігіне байланысты көлікті немесе қауіпті механизмдерді басқаруды тоқтата тұру керек.

Артық дозалануы

Триметабол® препараты салыстырмалы түрде жоғары емдік индексті иеленген және оны қайта дозалау күрделі болады.

Жасы кіші балаларда қабылдау сәтінен бастап 30 минуттан 2 сағатқа дейін елестеулер және құрысулар болатын ОЖЖ стимуляциясын туындатуы мүмкін. Ауыздың құрғауы, қарашықтың ұлғаюы және асқазан-ішек бұзылыстары болуы мүмкін.

Емі: симптоматикалық және демеуші ем, қажет болғанда жасанды тыныс алуды қоса.Құстырту немесе физиологиялық ерітіндімен асқазанды шаю ұсынылады. Гипотония туындағанда вазопрессорлар ұсынылған.

Шығарылу түрі және қаптамасы

3 г ұнтақтан алюминий фольгамен және термиялық тәсілмен басылған полиэтиленмен (paper 50 g/m2/Aluminium 9/LDPE 25g/m2) ламинацияланған қағаздан жасалған саше-пакетке салынады, 150 мл ерітіндіден алюминий қалпақшасы бар Топаз түсті (сары немесе қоңыр) (Topaz PET bottle) ПЭТ (полиэтилентерефталат) құтыларда.

1 құты және 1 саше-пакеттен медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

Ерітінді және ұнтақтың сақтау мерзімі – 5 жыл.

Дайындалған ерітіндінің сақтау мерзімі – 1 ай.

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз.

Өндіруші

J. Uriach & Cia, S.A., Испания,

Ав. Ками Рейаль, 51 – 57, 08184 Палау – Солита және Плегаманс,

Барселона, Испания

Тіркеу куәлігінің иесі

J. Uriach & Cia, S.A., Испания

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«Sabipharm» ЖШС, Қазақстан Республикасы, Алматы, Әл-Фараби, 19, «Нұрлы Тау» БО, 1Б блок, 202 кеңсе, тел/Факс: 8(727)311 05-91, email: sabipharm@yandex.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

«Sabipharm» ЖШС, Қазақстан Республикасы, Алматы, Әл-Фараби, 19, «Нұрлы Тау» БО, 1Б блок, 202 кеңсе, тел/Факс: 8(727)311 05-91, email: sabipharm@yandex.ru