Сипаттама
Дәрілік затты медициналық қолдану
жөніндегі нұсқаулық
Не-Бол
Препараттың саудалық атауы
Не-Бол
Халықаралық патенттелмеген атауы
Ибупрофен
Дәрілік түрі
Гель 5%, 30г
Құрамы
100 ггельдің құрамында
белсенді зат – ибупрофен 5.00 г
қосымша заттар: карбомер 940, метилпарагидроксибензоат, пропилпарагидроксибензоат, триэтаноламин, пропиленгликоль, 2-пропанол, тазартылған су.
Сипаттамасы
Бөгде қосылыстарсыз, мөлдір, біртектігель
Фармакотерапиялық тобы
Сүйек-бұлшықет жүйесі. Буын және бұлшықет ауырулары кезінде жергілікті қолдануға арналған препараттар. Жергілікті қолдануға арналғанқабынуға қарсы стероидты емес препараттар. Ибупрофен.
АТХ коды М02АА13
Фармакологиялық қасиеттері
Препарат жергілікті ауырғанды басатын, қабынуға қарсы және ісінуге қарсы әсер етеді. Ибупрофеннің әсер ету механизмі циклооксигеназа ферментін бөгеу есебінен простагландиндер синтезін бәсеңдетуге негізделген. Гель сыртқа қолдануға арналған. Оның құрамында ең бастысы простагландин биосинтезін тежей отырып, қабынған тіндерде, қолданған орында қабынуға қарсы және ауыруды басатын әсер беретін белсенді ингредиент, ибупрофен, фенилпропион қышқылының компоненті бар. Сулы / спиртті гельден құралғандықтан, препарат зақымданған бөлікке жаққан кезде тыныштандыратын және салқындататын да әсер етеді.
Қолданылуы
- арқаның ауыруында, ревматизмдік және бұлшықет ауыруларында, созылу, деформация және спорттық жарақаттарда.
Қолдану тәсілі және дозалары
СЫРТҚА!
Гельді ауыратын бөлік аймағының терісіне тәулігіне 2-3 рет жағады.
Гельдің ұзындығы 5-10 см жолағы пайдаланылады.
Дәрігердің кеңесінсіз емдеу курсын 10 күннен асыруға болмайды.
Ревматизм ауруларында емдеу ұзақтығы аурудың ауырлық дәрежесі мен зақымдану сипатына байланысты.
Жағымсыз әсерлері
Сирек:
- терінің қызаруы, ісінуі, қабынуы немесе қышынуы түрінде тері жабындарыныңжергілікті тітіркенуі
-қабынуға қарсы стероидты емес дәрілерге жоғары сезімталдық жағдайында бронхтың түйілу құбылысы болуы мүмкін.
Аса жоғары сезімталдық: аса жоғары сезімталдық реакциялары ибупрофенмен емдеуден кейін мәлімделген. Олар (а) спецификалық емес аллергиялық реакциялардан және (б) демікпе, өршіген демікпе, бронх түйілуі немесе ентігу қамтылатын тыныс алу жолдары реактивтілігі анафилаксияларынан немесе әртүрлі типтегі бөртпелер, қышыну, есекжем, пурпура, ангиодистрофия және сиректеу, буллезді дерматоздар (эпидермальді некролиз және мультиформалы эритеманы қоса) қамтылатын әртүрлі тері ауруларынан құралуы мүмкін.
Асқазан-ішек: іштің ауыруы және диспепсия сияқты жағымсыз құбылыстар туралы хабарланған.
Бүйрек: Бүйрек жеткіліксіздігі тарихында бүйрек аурулары бар пациенттерде туындауы мүмкін.
Қолдануға болмайтын жағдайлар
- ибупрофенге және препараттың басқа компоненттеріне жоғары сезімталдық
- анамнезде ацетилсалицил қышқылы немесе басқа қабынуға қарсы стероидты емес дәрілерді қолданумен байланысты бронх демікпесі немесе басқа аллергиялық көріністер ұстамаларының болуы
- жүктілік және лактация кезеңі
- 14 жасқа дейінгі балалар
Дәрілермен өзара әрекеттесуі
Қабынуға қарсы стероидты емес препараттар қан қысымын төмендететін дәрілік заттармен өзара әрекеттесуі, антикоагулянттардың әсерін күшейтуі мүмкін, дегенмен мұның сыртқа енгізілетін препаратпен болу ықтималдығы өте сирек. Аспирин немесе басқа ҚҚСП қатар қабылдау жағымсыз реакциялар жиілігінің артуына әкелуі мүмкін.
Айрықша нұсқаулар
Препаратты ашық жаралы беткейге, зақымданған теріге жағуға болмайды, гельді көзге және басқа шырышты қабықтарға тигізбеуге тырысу керек. Жасы 14 жасқа дейінгі балаларға дәрігердің тағайындауы бойынша қолдануға болады.
Пайдаланғаннан кейін бірден қолды жуу керек.
Окклюзиялық таңғышты пайдаланбау керек.
Пероральді ҚҚСП, ибупрофенді қоса, кейде бүйрек жеткіліксіздігімен, белсенді пептидтік ойық жаралар өршуімен байланысты болуы және демікпесі бар сезімтал пациенттерде аллергиялық бронх реакцияларын туындатуы мүмкін. Сыртқа қолданылатын ибупрофеннің жүйелік сіңірілуі пероральді дәрілік түрлеріне қарағанда аз болғанымен, сирек жағдайларда мұндай асқынулар туындауы мүмкін. Осындай себептер бойынша белсенді пептидтік ойық жарасы, бүйрек аурулары немесе демікпе тарихы бар пациенттер, ауыруды басатын басқа дәрілерді қабылдайтын пациенттер сияқты, ибупрофен гелін пайдаланудан бұрын медициналық көмекке жүгінулері тиіс. Егер симптомдар нашарлайтын немесе сақталатын болса, пациенттер медициналық көмекке жүгінулері тиіс.
Пациенттерге фотосезімталдық болу мүмкіндігін болдырмас үшін, өңделген аймаққа күн сәулесінің шамадан тыс әсер етуін болдырмау ұсынылады.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері.
Препаратты қолдану автокөлікті немесе қауіптілігі зор механизмдерді басқару қабілетіне әсер етпейді
Артық дозалануы
Гельмен артық дозалану жағдайлары сипатталмаған. Препаратты кездейсоқ ішке қабылдап қойған кезде жүрек айнуы және құсу байқалуы мүмкін. Мұндай жағдайлар кезінде асқазанды тазартып (құстырту), симптоматикалық ем жүргізу қажет.
Шығарылу түрі және қаптамасы
30 г препараттан алюминий сықпада.
1 сықпадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
Құрғақ, жарықтан қорғалған жерде, 30°C-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Интерфарма, Үндістан
902, Викрам Тауэр, 16, Раджендра Палас, Нью-Дели – 110008
Tel. +91-11-25869290,+91-11-41538481
E-mail - interpharma@hotmail.com
Тіркеу куәлігінің иесі
Интерфарма, Үндістан
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«КазЕвроФарм» ЖШС
Алматы қ., Құрманғазы к-сі 48 «а», 9 кеңсе
Индекс 050000
Телефон нөмірі (727) 2729871, 2615141
Факс нөмірі (727) 2614466
Электрондық пошта: Info@kazeuropharm.com
