Магния сульфат 25%, 5 мл, №10, амп.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Магния сульфат 25%, 5 мл, №10, амп.

Қолжетімділігі
Тауар қолда жоқ
Үлгі
4823006403899
Елі
Украина
Өндіруші
Дарница Фармацевтическая
  • Сипаттама

Сипаттама

Дәрілік препаратты медициналық

қолдану жөніндегі нұсқаулық (Қосымша парақ)

Саудалық атауы

Магний сульфаты

Халықаралық патенттелмеген атауы

Жоқ

Дәрілік түрі, дозасы

Инъекцияға арналған 25 %, 5 мл ерітінді

Фармакотерапиялық тобы

Қан және қан түзу ағзалары. Қан алмастырғыштар және перфузиялық ерітінділер. Вена ішіне енгізуге арналған ерітінділерге қоспалар. Электролитті ерітінділер. Магний сульфаты.

АТХ коды В05ХА05

Қолданылуы

Қолдануды бастағанға дейін қажетті мәліметтер тізбесі

Қолдануға болмайтын жағдайлар

Қолдану кезінде қажетті сақтық шаралары

Магний сульфаты бүйрек жеткіліксіздігі бар пациенттердесақтықпен пайдаланылуы тиіс, дозаны төмендету талап етіледі.

Магний сульфатын бауыр комасында бүйрек жеткіліксіздігі даму қаупі мүмкіндігінде тағайындау ұсынылмайды.

Миастения кезінде, миастениялық криздің асқынуын немесе үдеуін болдырмау үшін сақтықпен қолданылады. Қауіп пен пайданы бағалау жекелеген жағдайларда емдеу басталғанға дейін жүргізілуі тиіс.

Сарысудағы кальций деңгейінің мониторингі магний сульфатын алатын пациенттерде рутиндік емшара болуы тиіс.

Басқа дәрілік препараттармен өзара әрекеттесуі

Магний тұздарын дигиталис гликозид алатын адамдарға сақтықпен тағайындау керек.

Барбитураттар, есірткілік анальгетиктер, ұйықтататын препараттар тыныс алу орталығының тежелу ықтималдығын арттырады.

Парентеральді енгізу кезінде магний тұздары оқшауламайтын деполяризацияланбайтын миорелаксанттардың (мысалы, тубокурариннің) әсерін күшейтеді және ұзартады.

Нифедипин немесе нимодипин сияқты кальций өзектерінің бөгегіштерін бір мезгілде қабылдау кальций иондарының теңгерімсіздігіне сирек әкелуі мүмкін және бұлшықет функциясының бұзылуына әкелуі мүмкін.

Парентеральді магний мен аминогликозидті антибактериялық дәрілердің нейробұлшықеттерді бөгейтін әсерлері аддитивті болуы мүмкін.

Арнайы ескертулер

Жүктілік немесе лактация кезінде

Жүктілік кезіндегі қауіпсіздік анықталмаған, алайда эклампсиясы бар пациенттің шұғыл жағдайында магний сульфаты осы жағдайды жеңілдету үшін тағайындалуы мүмкін, бірақ бұл анасына сияқты бала өміріне де қауіпті.

Барлық басқа препараттардағы сияқты, егер бұл өмірлік маңызды қажеттілік болмаса, жүктілік немесе бала емізу кезінде магний сульфатын тағайындауға болмайды. Бұл ретте дәрігердің бақылауымен енгізу қажет.

Магний плацента арқылы өтеді. Жүкті әйелдерде қолданғанда ұрықтың жүрек соғу жиілігін бақылау, сондай-ақ оны босанғанға дейін 2 сағат бұрын енгізуден аулақ болу қажет.

Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Көлік құралын басқару және механизмдермен жұмыс істеу қабілеті әсеріне зерттеу жүргізілген жоқ.

Қолдану жөніндегі нұсқаулар

Дозалау режимі

Вена ішіне

а) Гипомагниемия кезінде магний тапшылығын емдеу.

Пациенттердің ерекше топтары

Ересектер мен қарт адамдар:

Дозаны клиникалық жағдайға байланысты жеке белгілейді. Дозаны емдік әсерді және қан сарысуындағы магний иондарының концентрациясын ескере отырып нақтылайды.

Тапшылықтың орнын толтыру үшін (несеппен жоғалтуды ескере отырып) 160 ммоль магний иондары (160 мл 25% ерітінді) вена ішіне баяу инфузия (глюкозада 5%) ең көп 5 күн ішінде қажет болуы мүмкін. 25% ерітіндіні б/і енгізу тәсілін пайдалану туралы деректер жоқ.

Балалар:

Тапшылықта магний қоспасы: 100мг/ кг (0.4 мл/кг 25% ерітінді немесе 0.4 ммоль / кг магний иондары) бір рет, қажет болған жағдайда 12 сағаттан кейін қайталана отырып.

Магнийдің төмен деңгейлерінен туындаған құрысулар: 20-40 мг/кг (0.08 – 0.16 мл/кг 25% ерітінді немесе 0.08-0.16 ммоль/кг магний иондары) қажет болған жағдайда әрбір 4-6 сағат сайын қайталана отырып.

Бүйрек жеткіліксіздігі:

Бүйрек жеткіліксіздігі кезінде дозалар төмендеуі мүмкін. Бүйректің экскреторлық қабілетін арттыруға жол бермеу үшін сақ болу керек. Дозасы 48 сағат ішінде 20г аспауы тиіс (80 мл 25% ерітінді немесе 80 ммоль магний иондары).

Эклампсия туындатқан одан әрі құрысулардың алдын алу үшін

Вена ішілік демеуші ем

Алдымен 4г/20мл немесе 16 ммоль/20мл магний иондарының жүктеме дозасын в/і (16 мл 25% ерітінді) немесе кейбір жағдайларда 5г/25мл немесе 20 ммоль/25мл в/і (20 мл 25% ерітінді) жоғарыда сипатталғандай, содан кейін соңғы құрысудан кейін ұзақтығы 24 сағат болатын 1г/с инфузиясын енгізеді.

Қайталанатын құрысулар: емдеудің вена ішілік сызбасы кезінде құрысулар қайталанған кезде тағы 2-4г/8-16 мл 25% ерітіндіні немесе 8-16 ммоль/8-16 мл магний иондарын (әйелдің салмағына байланысты, 2г егер 70кг (8 мл 25% ерітінді) кем болса, вена ішіне 5 минут ішінде тағайындайды.

Дозаның тиісті төмендеуі бүйрек функциясы бұзылған пациенттер үшін жүзеге асырылуы тиіс; ауыр дәрежедегі бүйрек функциясы бұзылған кезде дозаның болжамды төмендеуі 48 сағат бойы ең көп дегенде 20г (80 ммоль магний иондары) құрайды.

Енгізу әдісі және жолы

Бұлшықет немесе вена ішіне.

Бұлшықетішілік ем шеткері веналарға қол жеткізу мүмкін болмаған кезде ғана қолданылуы тиіс.

Емдеу ұзақтығы

Қатысы жоқ

Артық дозаланған жағдайда қолданылуы қажет шаралар

Симптомдары

Артық дозаланудың клиникалық белгілері гипермагниемия белгілері болады.

Емі

Тиісті шаралар қандағы магний деңгейін төмендету үшін қабылдануы тиіс. Гипермагниемиямен байланысты жүйке-бұлшықет бөгетін 2.5-5 ммоль кальций баламалы дозада вена ішіне енгізу керек кальций глюконаты сияқты кальций тұздарының көмегімен жоюға болады.

Дәрілік препараттың бір немесе бірнеше дозасын өткізіп алған кездегі қажетті шаралар

Қатысы жоқ

Тоқтату симптомдары қаупінің барын көрсету

Қатысы жоқ

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолданар алдында дәрігерге немесе фармацевтке жүгініңіз.

Дәрілік препараттар стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

- аса жоғары сезімталдық реакциялары

- ысынуды сезіну, тершеңдік, диплопия

- артериялық гипотензия

- құйылулармен, шөлмен, артериялық гипотензиямен, ұйқышылдықпен, жүрек айнуымен, құсумен, сананың шатасуымен, түсініксіз сөйлеумен, қосарлы көрумен, жүйке-бұлшықет блокадасына байланысты сіңір рефлекстері жойылуымен, бұлшықет әлсіздігімен, тыныс бәсеңсуімен, электролитті-су – теңгерімі бұзылуымен (гипофосфатемиямен, гиперосмолярлық дегидратациямен), ЭКГ өзгерістерімен ( PR, QRS және QT аралықтары ұзаруы), брадикардиямен, жүрек аритмиясымен, комамен және жүрек тоқтауымен сипатталатын гипермагниемия.

- тыныс алу орталығының салдануына дейін болатын тыныс алу орталығының бәсеңсуі

-тыныс алу жиілігінің баяулауы, ентігу

- сіңір рефлекстерінің әлсізденуіне алып келетін шеткері жүйке-бұлшықет берілісінің блокадасы

- сылбыр салдану

- гипотермия

- қан айналымының жедел жеткіліксіздігі

- үрейлену, ұйқышылдық, сананың шатасуы

- полиурия

- бұлшықет әлсіздігі, жатыр атониясы

- салдарлы тетания белгілері бар гипокальциемия

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ

http://www.ndda.kz

Қосымша мәліметтер

Дәрілік препараттың құрамы

5 мл препараттың құрамында

белсенді зат – магний сульфаты гептагидраты1.25 г,

қосымша зат – инъекцияға арналған су.

Сыртқы түрінің, иісінің, дәмінің сипаттамасы

Мөлдір түссіз сұйықтық

Шығарылу түрі және қаптамасы

Нүктесі немесе сындыру сақинасы бар шприцпен толтырылатынбейтарап шыныдан жасалған ампулаға 5 мл ерітіндіден құяды.

Әрбір ампулаға заттаңба жапсырылады.

5 ампуладан поливинилхлоридті үлбір мен алюминий фольгадан жасалған пішінді ұяшықты қаптамаға қапталады.

Пішінді ұяшықты қаптамаларды медициналық қолдану жөніндегі мемлекеттік және орыс тілдерінде бекітілген нұсқаулықтармен бірге картон қорапқа салады. Қаптама санына қарай медициналық қолдану жөніндегі нұсқаулықтар салынады.

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610151)

Автожауапберуші нөмірі: +7 7252 (561342)

Электронды пошта: complaints@santo.kz

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610151)

Автожауапберуші нөмірі: +7 7252 (561342)

Электронды пошта: complaints@santo.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610150)

Электронды пошта:phv@santo.kz; infomed@santo.kz