Кеторол 10 мг № 20 табл п/плён оболоч
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Кеторол 10 мг № 20 табл п/плён оболоч

664
Қолжетімділігі
Сатылымда бар
Үлгі
8901148239593
Елі
Индия
Өндіруші
Dr.Reddy`s Laboratories L
0-0-4 бөліп төлеу
166 x 4 ай
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Кеторол®

Саудалық атауы

Кеторол®

Халықаралық патенттелмеген атауы

Кеторолак

Дәрілік түрі

Үлбірлі қабықпен қапталған 10 мг таблеткалар

Құрамы

Бір таблетканың құрамында

белсенді зат – 10 мг кеторолак трометамині

қосымша заттар:

микрокристалды целлюлоза (102 типі), желатинделген жүгері крахмалы, жүгері крахмалы, сусыз коллоидты кремнийдің қостотығы, магний стеараты

қабықтың құрамы: Опадри 03К51148 жасыл (гипрометилцеллюлоза (6срs), титанның қостотығы Е171, триацетин/глицерин, темірдің (III) сары тотығы Е172, FD & С №1 бояғышы (бриллиантты көк FCF, алюминий лагы 11-13%)

Сипаттамасы

Дөңгелек пішінді, екі жақ беті дөңес, зәйтүн түсті жасыл үлбірлі қабықпен қапталған, бір жақ бетінде нақышталған "S" жазуы және басқа жақ беті тегіс, диаметрі (8.20 ± 0.20) мм және қалыңдығы(3.50 ± 0.20) мм таблеткалар.

Фармакотерапиялық тобы

Қабынуға қарсы және ревматизмге қарсы препараттар. Қабынуға қарсы стероидты емес препараттар. Сірке қышқылының туындылары. Кеторолак

АТХ коды М01АВ15

Фармакологиялық қасиеттері

Фармакокинетикасы

Кеторолак трометамин ауыруды басатын әсері бар S формасымен [-]S- және [+]R- энантиометриялық рацемиялық формалар қоспасы болып табылады.

Ішке қабылдаған кезде кеторолак асқазан-ішек жолынан жақсы сіңеді. 10 мг дозаны ашқарынға қабылдағаннан кейін 40 минуттан соң қан плазмасындағы ең жоғарғы концентрацияға (0,7-1,1 мкг/мл) жетеді. Майы мол тағамдарСmax-ты төмендетеді және оған жетуді 1 сағатқа кідіртеді. Таралу көлемінің аз болуына (<0,3 л/кг) байланысты, Кеторол® плазма ақуыздарымен толық дерлік (>99%) байланысады.

Ішу арқылы қабылдаған кездегі тепе-тең концентрацияға жету уақыты – тәулігіне 4 рет қабылдаған кезде 24 сағат. Ішке 10 мг қабылдаған кезде ол 0,39 – 0,79 мкг/мл құрайды.

Қан плазмасында айналымында болатын заттың барлығы дерлік кеторолак (96%) немесе оның фармакологиялық тұрғыдан белсенді емес метаболиті р-гидроксикеторолак болып табылады.

Кеторолак негізінен кеторалак пен оның метаболиттерін бөлу арқылы шығарылады. Несептепрепараттың енгізілген дозасының 92%-на дейін, 40%-ы метаболиттер түрінде,60%-ы өзгермеген зат ретінде, енгізілген дозаның 6%-ы нәжіс массасы арқылы анықталады. Пепарат10 % плацентарлық бөгет арқылы өтеді. Аз концентрацияларда емшек сүтінде анықталған.Гематоэнцефалдық бөгет арқылы нашар өтеді. S-энантиомер 5 сағ (СО±1.7) R-энантиомерге қарағанда2.5 сағ (СО ±0.4) 2 есе тез шығарылады және клиренсі препараттың енгізу жолына байланысты емес, плазмалық концентрациялар қатынасы S/R әр дозадан соң уақыт өте келе төмендейді. Метаболиттердің айтарлықтай ауыруды басатын белсенділігі бар.

Қартаң жастағы (65 жастан асқан) науқастарда жартылай шығарылуының терминальді фазасы, жас пациенттердегі осындаймен салыстырғанда, 7 сағатқа дейін (4,3 сағаттан 8,6 сағатқа дейін) артады. Жалпы плазмалық клиренсі жас адамдардағымен салыстырғанда,орта есеппен 0,019 л/сағ/кг-ге дейін төмендеуі мүмкін.

Бүйрек жеткіліксіздігі

Бүйрек функциясы зақымдалғанда кеторолактың шығарылуы баяулайды, мұны 6 және 19 сағат аралығын құрайтын (жеткіліксіздік дәрежесіне байланысты) жартылай шығарылу кезеңінің ұзаруы айғақтайды және жасдені сау еріктілермен салыстырғанда жалпы плазмалық клиренсінің төмендеуіне әкеледі.

Егде жастағыларда және бүйрек жеткіліксіздігі бар популяцияда (r=0.5) креатинин клиренсі менкеторолак трометаминнің жалпы клиренсі арасында байланысу нашар.

Бүйрек ауруы бар пациенттерде әрбір энантиомердің қисығы астындағы ауданы дені сау еріктілермен салыстырғанда шамамен 100% артқан. Таралу көлемі S-энантиомер үшін сіңіріледі және R-энантиомер бойынша 1/5 жоғарылайды. Кеторолак трометаминнің таралу көлемінің жоғарылауы байланыспаған фракцияның жоғарылағанын білдіреді.

Шығарылу жылдамдығы, бүйрек функциясының бұзылуы ауыр науқастарды қоспағанда, бүйрек функциясының бұзылу дәрежесіне шамамен пропорционалды дәрежеде азаяды. Мұндай науқастарда кеторолактың плазмалық клиренсі бүйрек зақымдалуының осы дәрежесі үшін күтілетін дәрежеден біршама жоғары болады.

Бауыр жеткіліксіздігі

Жартылай шығарылу кезеңі, қисық астындағы аудан есебінде елеулі айырмашылық жоқ.

Фармакодинамикасы

Кеторол® – ауыруды басатын және қабынуға қарсы әсері бар стероидты емес қабынуға қарсы дәрі (ҚҚСД). Кеторолдың әсер етуінің негізгі механизмі, басқа да ҚҚСД сияқты, оның фармакологиялық әсерінен – простагландиндер синтезінің тежелуінен көрінеді. ҚҚСД шеткеріде өте белсенді.

Кеторол® тыныштандыратын немесе анксиолитикалық әсер көрсетпейді. Кеторолак трометаминнің биологиялық белсенділігі S формасымен байланысқан. Кеторолдың ауыруды басатын шектік әсері 2-3 сағаттан соң туындайды.

Қолданылуы

- орташа және күшті айқындылық дәрежесіндегі жедел ауыру синдромын қысқа мерзімде басуда, сондай-ақ операциядан кейінгі кезеңде апиындық анальгетиктермен қажетті анальгезияда

Қолдану тәсілі және дозалары

Пайдалану туралы шешім қабылдағанға дейін Кеторол препаратын қолданудың әлеуетті пайдасы мен қауіптерін мұқият қарастырып алу керек.

Кеторол инъекциясымен және Кеторол таблеткаларымен жалпы емдеу ұзақтығы жағымсыз реакциялардың жиілігі мен ауырлығының арту қаупіне байланысты 5 күннен аспауы тиіс.

- 18-ден 64 жасқа дейінгі пациенттер үшін

Кеторол таблеткаларын бір рет 20 мг (2 таблетка) қабылдайды, кейін күніне 40 мг-ден асырмай күніне 4 рет 4-6 сағаттан кейін 10 мг(1 таблетка) қолданады.

- бүйрек жеткіліксіздігі бар және/немесе салмағы < 50 кг≥ 65 жастағы пациенттер үшін:

Кеторол таблеткаларын бір рет 10 мг (1 таблетка), кейін күніне 40 мг-ден асырмай күніне төрт рет 4-6 сағаттан кейін 10 мг(1 таблетка) қолданады.

Ең төменгі тиімді дозаны пайдалану қажет.

4-6 сағат дозалау аралығын қысқартуға болмайды.

Жағымсыз әсерлері

Препарат дозасының жоғарылауымен жағымсыз реакциялардың жиілігі мен ауырлығының қаупі де арта түседі. Пациенттерге асқазан-ішек жолы шырышының ойық жаралануы, қан кету және тесілуі, операциядан кейін қан кету, жедел бүйрек жеткіліксіздігі, анафилаксиялық және анафилактоидты реакциялар, бауыр жеткіліксіздігі сияқты препараттың күрделі жағымсыз реакциялары туралы ескерту қажет.

Кеторол немесе басқа да қабынуға қарсы стероидты емес дәрілер (ҚҚСД) қабылдайтын пациенттерде төмендегілер барынша жиі (пациенттердің шамамен 1%-дан 10%-ға дейін) байқалды:

- асқазан-ішек жолы тарапынан: іштің ауыруы*, іш қату/диарея диспепсия*, метеоризм, асқазан-ішек жолының (асқазан/ он екі елі ішек) ойық жара ауруы, асқазан-ішектен қан кету /тесілуі, қыжыл, жүрек айнуы *, стоматит, құсу.

- басқа жүйелер тарапынан: бүйрек функциясының бұзылуы, анемия, бас айналу, ұйқышылдық, ісінулер, бауыр ферменттері мөлшерінің ұлғаюы, бас ауырулары*, гипертония, қан кету уақытының ұзаруы, қышыну, тері бөртпелері, құлақтағы шуыл, тершеңдік.

* Ауру 10%-ға қарағанда жоғары

Келесі жағымсыз құбылыстар туралы қосымша хабарланды:

Жалпы реакциялар:қызба, инфекциялар, сепсис

Жүрек-қантамыр жүйесі тарапынан: жүрек жеткіліксіздігі, тахикардия (жүректің жиі соғуы), бозару, естен тану.

Тері реакциялары: алопеция, жарыққа сезімталдық, есекжем.

Асқазан-ішек жолы: анорексия, ауыздың құрғауы, кекіру, эзофагит, шөлдеу, гастрит, глоссит, гепатит, тәбеттің жоғарылауы, сарғаю, ректальді қан кету.

Қан және лимфа жүйесі: экхимоздар, эозинофилия, эпистаксис,лейкопения, тромбоцитопения.

Метаболизмдік бұзылулар: салмақтың өзгеруі.

Жүйке жүйесі: сананың шатасуы, үрей, астения, депрессия, эйфория, экстрапирамидалық симптомдар, елестеулер, гиперкинезия, ойды жинақтау алмау, ұйқысыздық, күйгелектік, парестезия, ұйқышылдық, ступор, тремор, бас айналуы, дімкәстік.

Ұрпақ өрбіту жүйесі (әйелдер): бедеулік.

Тыныс алу жүйесі: демікпе, жөтел, ентігу, өкпенің ісінуі, суық тию.

Сезу мүшелері: дәм сезудің бұзылуы, көрудің бұзылуы, естудің нашарлауы.

Урогенитальді жол: цистит, дизурия, гематурия, несеп шығару жиілігінің артуы, интерстициальді нефрит, олигурия / полиурия, протеинурия, бүйрек жеткіліксіздігі, несептің іркілуі.

Сирек бақыланатын жағымсыз реакциялар мыналар:

Жалпы реакциялар:Квинке ісінуі, өлім, анафилаксия, анафилактоидты реакциялар сияқты аса жоғары сезімталдық реакциялары, көмейдің ісінуі, тілдің ісінуі, миалгия

Жүрек-қантамыр жүйесі: аритмия, брадикардия, кеуденің ауыруы, қызару, гипотония, миокард инфарктісі, васкулит.

Тері реакциялары: эксфолиативтік дерматит, мультиформалы эритема, Лайелл синдромы, Стивенс-Джонсон синдромын жәнеуытты эпидермальді некролизді қоса, буллездік реакциялар.

Асқазан-ішек жолы: жедел панкреатит, бауыр жеткіліксіздігі, спецификалық емес ойық жаралы стоматит, ішектің қабыну ауруының өршуі (ойық жаралы колит, Крон ауруы).

Қан және лимфа жүйесі: агранулоцитоз, апластикалық анемия, гемолиздік анемия, лимфаденопатия, панцитопения, операциядан кейінгі қан кету.

Метаболизмдік бұзылулар: гипергликемия, гиперкалиемия, гипонатриемия.

Жүйке жүйесі: асептикалық менингит, құрысулар, кома, психоз.

Тыныс алу жүйесі: бронх түйілуі, тыныстың тарылуы, пневмония

Сезу мүшелері: конъюнктивит

Урогенитальді жол: гематурия және/немесе азотемиямен бүйірдің ауыруы, гемолиздік уремиялық немесе онсыз синдром.

Қолдануға болмайтын жағдайлар

- кеторолакқа немесе басқа да қабынуға қарсы стероидты емес препараттарға жоғары сезімталдық

- бронх демікпесінің, мұрын және мұрын маңы қойнауларының қайталанатын полипозының және ацетилсалицил қышқылы немесе басқа да ҚҚСП (оның ішінде анамнезде) толық немесе толық емес біріктірілімі

- ҚҚСП (анамнезде) қабылдаумен туындаған есекжем, ринит

- пиразолон қатарының дәрілік заттарын көтере алмаушылық

- гиповолемия (оны туындатқан себептерге байланыссыз)

- расталған гиперкалиемия

- асқазан-ішек жолының өршу фазасындағыэрозиялық- ойық жаралы зақымдануы, асқазан-ішектен қан кету, соның ішінде анамнезде

- ішектің қабыну аурулары

- гипокоагуляция (соның ішінде гемофилия)

- қан түзудің бұзылуы

- бүйректің ауыр жеткіліксіздігі (креатинин клиренсі 30 мл/мин төмен)

- бауырдың ауыр жеткіліксіздігі немесе бауырдың белсенді аурулары

- басқа қабынуға қарсы стероидты емес дәрілермен бір мезгілде қолдану

- пробенецидпен бір мезгілде қабылдау

- пентоксифиллинмен бір мезгілде қабылдау

- қан кетудің дамуының жоғары қаупі (соның ішінде операциядан кейін)

- күмәнді немесе расталған цереброваскулярлық қан кету, геморрагиялық диатез

- тұқым қуалайтын фруктоза көтере алмаушылығы, лапп-лактаза ферментінің тапшылығы, глюкозо-галактоза мальабсорбциясы бар адамдарға

- жүктілік, босану және лактация кезеңі

- 18 жасқа дейінгі балалар мен жасөспірімдер (қауіпсіздігі мен тиімділігі анықталмаған)

- кез келген күрделі операция алдында профилактикалық анальгетик ретінде

- коронарлық шунттауда операциядан кейінгі ауыруды емдеу үшін

Кеторолактықан кетудің жоғары қаупіне байланысты анестезияны демейтін премедикацияға арналған дәрі ретінде және хирургиялық операция кезінде ауыруды басу үшін қолдануға болмайды.

Кеторолак созылмалы ауыруды емдеу үшін қолданылмайды.

Дәрілермен өзара әрекеттесуі

Кеторолак адамның плазма ақуыздарымен күшті байланысу дәрежесін көрсетеді (орта есеппен 99,2%), бұл ретте байланысуы концентрацияға тәуелді емес.

Мына дәрілік заттарды бірге қолдану ұсынылмайды:

Кеторолакты циклооксигеназа-2 селективті тежегіштерін қоса, ASA = АСК (ацетилсалицил қышқылы, аспирин) негізіндегі басқа препараттармен немесе басқа ҚҚСД (қабынуға қарсы стероидты емес дәрілермен) пайдалануға болмайды, себебімұндай жағдайдаҚҚСП әсерімен байланысты күрделі жағымсыз реакциялардың индукциялау қаупі жоғары болуы мүмкін (қолдануға болмайтын жағдайлар бөлімін қараңыз).

Кеторолак тромбоциттер агрегациясын тежейді, тромбоксан концентрациясын төмендетеді және қан кету ұзақтығын арттырады. Аспириннің ұзаққа созылған әсеріне қарағанда тромбоциттер функциясы кеторолакты қолдануды тоқтатқаннан кейін 24-48 сағат ішінде қалыпты жағдайға қайта келеді.

Варфарин сияқты антикоагулянттармен бірге кеторолакты қолдануға болмайды, себебі ҚҚСД мен антикоагулянттарды бірге қолдану антикоагуляциялық әсердің күшеюін туғызуы мүмкін (қолдануға болмайтын жағдайлар бөлімін қараңыз).

Зерттеулер кеторолак пен варфариннің немесе гепаринмен өзара әрекеттесуінің елеулі дәрежесін көрсетпесе де, кеторолак пен гемостазға әсер ететін емдік препараттарды, соның ішіндеантикоагулянттардың (варфариннің) емдік дозаларын, гепариннің және декстрандардың профилактикалық төмен дозаларын (12 сағат сайын 2500-5000 бірлік) бір мезгілде пайдаланумен қан кетудің жоғары қаупі байланысты болуы мүмкін.

Қолда бар мәліметтер бойынша простагландиндер синтезін тежейтінкейбір дәрілік заттарды пайдаланғанда плазмада литий концентрациясының артуына әкелетін литийдің бүйректік клиренсінің тежелуі байқалады. Кеторолактың көмегімен емдеу барысында плазмада литийдің жоғары концентрациясының жағдайлары тіркелген.  

Қан плазмасында кеторолак концентрациясының және оның жартылай ыдырау кезеңінің артуы салдарынан пробенецидті кеторолакпен бір мезгілде қолдануға болмайды.

ҚҚСД мифепристонды қолданғаннан кейін сегіз-он екі күн ішінде пайдалануға болмайды, себебі ҚҚСД мифепристон әсерін әлсіретуі мүмкін.

Кеторолакты окспентифиллинмен бір мезгілде қолданғанда қан кетуге жоғары бейімділік туындайды.

Кеторолды басқа дәрілік заттармен бір мезгілде сақтықпен қолдану керек:

Барлық ҚҚСД сияқтыасқазан-ішек жолында ойық жаралану немесе қан кету дамуының жоғары қаупі салдарынан препаратты кортикостероидтармен бірге қолданғанда сақ болу керек (Айрықша нұсқаулар бөлімін қараңыз).

Тромбоцитке қарсы агенттер және серотонинді кері қармау селективті тежегіштері (SSRI=СИОЗС) ҚҚСД-мен біріктірілген жағдайда асқазан-ішектен қан кету дамуының қаупі жоғарылайды (Айрықша нұсқаулар бөлімін қараңыз).

Әдеби деректер бойынша простагландиндер синтезін тежейтін кейбір дәрілік заттар метотрексат клиренсін төмендетеді және осылайша оның уыттылығын арттыруы мүмкін.

Кеторолак трометамин дигоксиннің қан ақуыздарымен байланысуына әсер етпейді. In vitro зерттеулер салицилаттың емдік концентрцияларында (300 мкг / мл) кеторолактың байланысуы шамамен 99,2% -дан 97,5%-ға төмендегенін көрсетті, бұлқан плазмасында байланыспаған кеторолактың есептік екі есе ұлғаюын білдіреді. Дигоксиннің, варфариннің, ибупрофеннің, напроксеннің, пироксикамның, ацетаминофеннің (парацетамол), фенитоиннің және толбутамидтің емдік концентрациялары кеторолактың ақуыздармен байланысуына әсер етпейді.

Несеп айдайтын дәрілермен бірге қолдану диурездік әсердің төмендеуіне және ҚҚСД нефроуыттылқ даму қаупінің жоғарылауына әкелуі мүмкін.

Барлық ҚҚСД сияқты препаратты нефроуыттылық дамуы қаупінің жоғарылауы салдарынан циклоспоринді қатар пайдаланғанда сақтықпен қолдану керек.

ҚҚСД такролимуспен бірге қолданған жағдайда нефроуыттылықтың даму қаупі бар.

ҚҚСД диуретиктер мен гипертензияға қарсы дәрілік заттардың әсерін төмендетуі мүмкін. ACE = АӨФ (ангиотензин өзгертуші фермент) тежегіштерін және/немесе ангиотензин II рецепторлары антагонистерін ҚҚСД-мен бірге қолданған кезде әдетте қайтымды болып табылатын жедел бүйрек жеткіліксіздігінің даму қаупібүйрек функциясы бұзылған кейбір пациенттерде жоғары болуы мүмкін (мысалы, сусызданған пациенттерде немесе егде жастағы пациенттерде).

Демек,дәрілік заттардың біріктірілуі, әсіресе, егде жастағы адамдарда сақтықпен жүзеге асырылуы тиіс. Пациенттерге тиісінше (мүмкіндігінше нақты) доза есептелінуі тиіс, бұл ретте қатар жүретін емнің басындажәне кейінгі кезеңде ауық-ауық бүйрек функциясына мониторинг жүргізуге назар аудару керек.

ҚҚСД жүрек гликозидтерімен бірге қолданғанда жүрек жеткіліксіздігін ушықтыруы, GFR = СКФ (шумақтық сүзілу жылдамдығы) төмендетуі және плазмада жүрек гликозидтері деңгейін арттыруы мүмкін.

Кеторолак операциядан кейінгі ауыруды жеңілдету үшін қолданылғанда қатар жүретін апиындық анальгезияға қажеттілікті төмендетіні көрсетілген.

Жануарларға жүргізілген деректер ҚҚСД хинолонды қатардағы антибиотиктерді қолданумен байланысты құрысулардың даму қаупін арттыруы мүмкіндігін көрсетті. Бір мезгілде ҚҚСД және хинолондар қабылдайтын пациенттерде құрысулар даму қаупінің жоғарылауын туындауы мүмкін.

ҚҚСД зидовудинмен бірге қолдану гематологиялық уыттылық қаупін арттырады. Зидовудинмен және ибупрофенмен бір мезгілде ем қабылдайтын HIV (+) = АИТВ гемофилиясы бар науқастарда гемартроз (буындар қуысында қанның жинақталуы) және гематомалар қаупінің жоғарылауын растайтын деректер бар.

Эпилепсияға қарсы препараттармен (фенитоин, карбамазепин) бірге қабылдағанда ұстамалар жиілігі артады. Психотроптық препараттармен (флуоксетин, тиотиксин, алпразолам) бір мезгілде қабылдағанда науқастарда елестеулер пайда болады.

Кеторол мен деполяризацияламайтын бұлшықет релаксанттарын бір мезгілде қабылдағанда науқастарда ентігу пайда болады.

Айрықша нұсқаулар

ҚҚСД тромбоциттер агрегациясын төмендететіндіктен, кеторолакты қанды ұйыту жүйесінің бұзылуы бар науқастарға сақтықпен тағайындау қажет.

Бақылау симптомдарына сәйкес қысқа уақыт кезеңінде ең төменгі тиімді дозаны қолданғанда жағымсыз әсерлер төмендетілуі мүмкін.

Асқазан-ішек ойық жаралары, қан кету және тесілуі

Қабынуға қарсы стероидты емес препараттармен, соның ішінде кеторолакпен емдеуді қолдану салдарынан өліммен аяқталуы мүмкін және ескерту симптомдарымен немесе онсыз немесе анамнезінде асқазан-ішек жолына қатысты алдыңғы күрделі проблемаларсыз емдеу барысында кез келген уақытта туындауы мүмкін асқазан-ішектің ойық жаралары, қан кету және тесілуі туралы хабарланған.

Асқазан-ішек жолынан клиникалық күрделі қан кетулердің жоғары көрсеткіштері парентеральді апиындарды қабылдаған пациенттермен салыстырғанда кеторолактың 90 мг-ден астам орташа тәуліктік дозасын бұлшықет ішіне қабылдаған 65 жастан кіші пациенттерде байқалды.

Егде жастағы адамдарда өліммен аяқталуы мүмкін асқазан-ішектен қан кету және тесілуін емдеуге қабынуға қарсы стероидты емес препараттарды қолдану салдарынан жағымсыз әсерлердің туындау жиілігі жоғары. Асқазан-ішек жолынан қан кету, ойық жаралануы немесе тесілуінің туындау қаупі анамнезінде, әсіресе қан кетумен немесе тесілумен асқынған ойық жарасы бар пациенттерде немесе егде жастағы адамдарда вена ішіне енгізгенде қабынуға қарсы стероидты емес препараттардың, соның ішінде кеторолактың дозасын арттыруменбірге артады. Клиникалық күрделі асқазан-ішектен қан кету қаупі дозаға байланысты. Мұндай пациенттерге емді өте аз қолжетімді дозадан бастау керек. Мұндай пациенттер үшін, сондай-ақ аспиринді аз дозада немесе асқазан-ішек жолы үшін қауіпті жоғарылататын басқа препараттарды бір мезгілде қабылдауды қажет ететін пациенттер үшін цитопротекторлармен (мысалы, Мизопростолмен немесе протондық помпа тежегіштерімен) біріктірілген ем тағайындалуы мүмкін. Асқазан-ішектен қан кету туындауының бұл жасқа байланысты қауіп тобы барлық қабынуға қарсы стероидты емес препараттарға тән болып табылады. Жас пациенттермен салыстырғанда егде жастағы адамдардыплазмадан жартылай шығарылу кезеңі жоғары және кеторолактың плазмалық клиренсі қысқартылған. Препарат дозалары арасында барынша ұзақ аралық болу ұсынылады.

Қабынуғақарсы стероидты емес препараттарды анамнезінде ішектің қабыну аурулары (ойық жаралы колит, Крон ауруы) бар пациенттерге сақтықпен тағайындау керек, себебі бұл жай-күйлер нашарлауы мүмкін.Анамнезінде асқазан-ішек уыттылығы бар пациенттер, әсіресе егде жастарында емдеудің бастапқы сатыларында барлық әдеттен тыс құрсақішілік симптомдар (әсіресе асқазан-ішектен қан кету) туралы хабарлап тұруы тиіс. Кеторолакты вена ішіне қабылдайтын пациенттерде асқазан-ішектен қан кету немесе ойық жаралануы туындағанда ем тоқтатылуы тиіс.

Пероральді қолдануға арналған кортикостероидтар, серотонинді кері қармау жеке тежегіштері немесе аспирин сияқты тромбоцитке қарсы препараттар сияқты ойық жараның немесе қан кетудің туындау қаупін арттыруы мүмкін препараттарды бір мезгілде қабылдайтын пациенттерге сақ болу ұсынылады.

Варфарин сияқты антикоагулянттар қабылдайтын пациенттерге препаратты пайдалануға болмайды.

Басқа да қабынуғақарсы стероидты емес препараттар сияқтыпациенттер пайызы мен оларда асқазан-ішек асқынуларының туындау дәрежесі дозаны арттыру және вена ішіне енгізгенде кеторолакпен емдеу курсының ұзақтығы салдарынан жоғарылауы мүмкін. Клиникалық күрделі асқазан-ішектен қан кету туындау қаупі препарат дозасына байланысты. Бұл, әсіресе, вена ішіне кеторолактың 60 мг-ден астам орташа тәуліктік дозасын қабылдайтын пациенттерге қатысты. Анамнезінде ойық жара ауруыкеторолакпен ем қабылдаған кезде күрделі асқазан-ішек асқынуларының туындау мүмкіндігін арттырады.

Гематологиялық әсерлер

Коагуляцияның бұзылуы бар пациенттерге Кеторолакты қабылдауға болмайды. Антикоагуляциялық ем қабылдайтын пациенттер Кеторолакты осы препараттармен бір мезгілде қабылдағанда қан кетулер туындауының қауіп тобында болады. Кеторолак пен гепариннің төменгі профилактикалық дозасын (12 сағат сайын 2500 - 5000 бірлік), сондай-ақ декстрандыбір мезгілде қолдану түпкілікті зерттелмеген, сондықтан қан кету туындау ықтималдығының жоғары болуына себеп болуы мүмкін. Антикоагулянттар немесе төмен дозалы гепарин қабылдайтын пациенттерге кеторолакты қолдануға болмайды. Гемостазға жағымсыз әсер көрсететін басқа препараттарды қабылдайтын пациенттер Кеторолакты қолданған кезде бақылауда болуы тиіс. Бақылау клиникалық зерттеулерде клиникалық маңызды операциядан кейінгі қан кету жиілігі 1%-дан аз болды.

Кеторолак тромбоциттер агрегациясын тежейді және қан кету уақытын арттырады.Қан ұюы қалыпты пациенттерде коагуляция уақыты артты, бірақ екіден он бір минутқа дейінгі қалып шегінде болды. Аспиринді қолданудан болатын ұзақ әсерге қарағанда тромбоциттік функция кеторолакты қолдануды тоқтатқаннан кейін 24-тен 48 сағатқа дейінгі уақытта қалпына келеді.

Бұлшықет ішіне немесе вена ішіне енгізген кезде Кеторолакты операция барысында пайдаланумен байланысты операциядан кейінгі ерте қан кетулер туралы хабарламалар бар. Осылайша, кеторолак қан кету туындауының үлкен қаупімен операциялар болған пациенттерде қолданылмауы тиіс. Гемостаз көрсеткіштерінің ауытқуын болдырмайтын жағдайларда, мысалы, косметикалық немесе біркүндік хирургияда,простата немесе тонзилэктомиярезекциясында аса сақ болу керек. Кеторолакты қолданған кезде жарадан қан кету және мұрыннан қан кету белгілері туралы хабарланған. Дәрігерлер кеторолактың және циклооксигеназаны тежейтін басқа да қабынуға қарсы стероидты емес дәрілердің фармакологиялық ұқсастығына, сондай-ақ, әсіресе егде жастағы адамдарда қан кету туындау қаупіне мұқият болуы тиіс.

Тері реакциялары

Қабынуғақарсы стероидты емес препараттарды қолданумен байланысты эксфолиативті дерматит, Стивенс - Джонсон синдромы және уытты эпидермальді некролизді қоса, кейбірі өліммен аяқталатын күрделі тері реакциялары туралы өте сирек хабарланды. Осындай реакциялардың туындауы бойынша қауіп тобындағы пациенттер емнің басында анықталған: мұндай реакциялар көп жағдайда емнің алғашқы айында туындаған. Тері бөртпесі, шырыштың зақымдалуы немесе препаратқа аса жоғары сезімталдықтың басқа белгілері пайда болғанда кеторолакпен емдеу тоқтатылуы тиіс.

Жүйелі қызыл жегі және Шарп синдромы

Жүйелі қызыл жегісі және Шарп синдромы бар пациенттер асептикалық менингит туындауының қауіп тобында болады.

Кардиоваскулярлық патологияларда натрийдің/сұйықтықтың іркілісі және шеткері ісінулер

Анамнезінде артериялық гипертензиясы және/немесе жүрек жеткіліксіздігі бар пациенттерге сақтықпен қарау керек, себебі қабынуға қарсы стероидты емес препараттармен емдеумен байланысты сұйықтықтың іркілуі және ісіну туралы хабарланған.

Кеторолакты қоса,қабынуға қарсы стероидты емес препараттар қабылдаған кейбір пациенттерде сұйықтықтың іркілуі, артериялық гипертензия және шеткері ісіну байқалған, сондықтан бұл препаратты жүрек жеткіліксіздігі, артериялық гипертензиясы немесе осыған ұқсас патологиялары бар пациенттерге сақтықпен қолдану керек.

Препараттың кардиоваскулярлық және цереброваскулярлық әсері

Анамнезінде гипертензиясы және/немесе жеңіл немесе орташа конгестивтік жүрек жеткіліксіздігі бар пациенттерге тиісті мониторинг жүргізу және кеңес беру қажет, себебі қабынуға қарсы стероидты емес препараттар қабылдау салдарынан сұйықтықтың іркілісі және ісіну туралы хабарланған.

Эпидемиологиялық деректер коксибтерді немесе кейбір қабынуға қарсы стероидты емес препараттарды (әсіресе жоғары дозаларда)артериялық тромбоздық асқынулардың (мысалы, миокард инфрактісі немесе инсульт) туындау қаупінің азғана жоғарылауына себеп болу мүмкіндігін болжауға негіз бола алады. Кеторолак миокард инфарктісі сияқты тромбоздық асқынулардың мөлшерін арттыру қабілетін анықтамағанына қарамастан, жеткіліксіз болса да деректер бар, соның негізінде кеторолакты қолданған кезде мұндай қауіпті жоққа шығару керек.

Бақыланбайтын артериялық гипертензиясы, созылмалы жүрек жеткіліксіздігі, белгіленген ишемиялық жүрек ауруы, шеткері артериялық ауруы және/немесе цереброваскулярлық бұзылыстары бар пациенттер кеторолакты тек мұқият тексеруден өткеннен кейін ғана қабылдаулары тиіс. Осыған ұқсас шешім кардиоваскулярлық аурулардың (мысалы,гипертензия, гиперлипидемия, қант диабеті және шылым шегу)туындау қауіп факторы бар пациенттерді емдегенге дейін қабылдануы тиіс.

Кардиоваскулярлық бұзылулар, бүйрек пен бауыр функциясының бұзылуы

Қан көлемі және/немесе бүйректік қан ағымының әлсіреуіне себеп болуы мүмкін патологиясы бар пациенттерді сақтықпен қарау керек, мұнда бүйректік простагландиндер бүйректік перфузияны қамтамасыз еткенде демеуші рөл атқарады. Мұндай пациенттерде қабынуға қарсы стероидты емес препараттарды қолдану препарат дозасына байланысты бүйректік простагландин құрылымының әлсіреуіне себеп болуы және анық бүйрек жеткіліксіздігіне түрткі болуы мүмкін. Қан жоғалту немесе қатты сусыздану салдарынан салмақ жоғалтқан пациенттер, бүйрек функциясы бұзылған, жүрек жеткіліксіздігі бар, бауыр функциясы бұзылған пациенттер, егде жастағы адамдар және диуретиктер қабылдайтын пациенттерде мұндай реакцияның зор қаупі болады. Мұндай пациенттердің бүйрек функциясын бақылап отыру керек. Әдетте қабынуға қарсы стероидты емес препараттармен емді тоқтатқаннан кейін артынша емдеуді бастар алдындағы жай-күйге дейін сауығады. Гиповолемияны туғызатын операция кезінде жоғалған сұйықтық/қанды қалпына келтірудің бұзылуы бүйректік дисфункцияға себеп болуы мүмкін, ол өз кезегінде Кеторолакты қолданған кезде күшеюі мүмкін. Сондықтан, дегидратация түзетілуі және пациент қалпына келгенге дейін маман сарысу мочевинасын және креатининді, диурезді қатаң бақылау ұсынылады. Бүйректік диализдегі пациенттер үшін кеторолак клиренсі қалыпты көрсеткіштің шамамен жартысына дейін қысқартылған және уақытша жартылай шығарылу кезеңі шамамен 3 есе жоғарылады.

Бүйрекке әсері

Басқа да қабынуға қарсы стероидты емес препараттар сияқты кеторолак бүйрек функциясы бұзылған немесе анамнезінде бүйрек ауруы бар пациенттерге сақтықпен қолданылуы тиіс, себебі ол простагландиндер синтезінің күшті әсер ететін тежегіші болып табылады. Бүйректік простагландиндер бүйрек перфузиясын демеуге маңызды рөл атқаратын айналымдағы қан және/немесе бүйректік қан ағымы көлемінің қысқаруын туғызатын патологиясы бар пациенттерде кеторолакты және басқа да қабынуға қарсы стероидты емес препараттарды қолданғанда нефроуыттылық анықталғандықтан, сақ болу керек.

Мұндай пациенттерде кеторолакты немесе басқа да қабынуға қарсы стероидты емес препараттарды қолдану дозаға байланысты простагландиннің бүйректік құрылымының қысқаруына түрткі болуы және анық бүйрек жеткіліксіздігін немесе декомпенсацияланған бүйрек жеткіліксіздігін туғызуы мүмкін. Мұндай реакция туындауының үлкен қаупі бүйрек функциясының бұзылуы, гиповолемия, жүрек жеткіліксіздігі, бауыр функциясының бұзылуы бар пациенттерде, сондай-ақ диуретиктер қабылдайтындарда және егде жастағы пациенттерде болады. Кеторолакты немесе басқа да қабынуға қарсы стероидты емес препараттарды қабылдауды тоқтатқаннан кейін әдетте препаратты қабылдау басталар алдындағыжай-күйге дейін сауығуы тиіс.

Простагландиндер синтезін баяулататын басқа препараттар сияқты препараттың бір дозасын қолданғаннан кейін туындауы мүмкін кеторолак трометамол қолдану аясында сарысу мочевинасының, креатининнің және калийдің жоғарылауы туралы хабарланған.

Бүйрек функциясы бұзылған пациенттер:Кеторолак трометамол мен оның метаболиттері бірінші кезекте бүйрек арқылы шығарылатындықтан, бүйрек функциясының орташа және ауыр бұзылуы бар пациенттерге (сарысулық креатинин 160 мкмоль/л-ден артық) Кеторолакты қабылдауға болмайды. Бүйрек функциясының әлсіздеу бұзылуы бар пациенттер кеторолактың төмен дозасын қабылдауы тиіс (бұлшықет ішіне немесе вена ішіне тәулігіне 60 мг аспайтын) және олардың бүйректік статусы дәрігердің ұдайы бақылауында болуы тиіс.

Бауыр функциясы бұзылған пациенттер үшін пайдалану: Цирроз салдарынан бауыр жеткіліксіздігі бар пациенттерде кеторолак клиренсінде немесе жартылай шығарылу кезеңінде ешқандай клиникалық маңызды өзгерістер байқалмаған.

Бауыр функциясының бір немесе бірнеше көрсеткіштерінің шектік жоғарылауы көрініс беруі мүмкін. Бұл бұзылулар ауыспалы болуы, өзгеріссіз қалуы немесе емді жалғастырумен бірге үдеуімүмкін. Қан сарысуында аланин-аминотрансферазаның немесе аспартатаминотрансферазаның елеулі жоғарылауы (қалыптан 3 есе жоғары) бақылау клиникалық сынақтарында 1%-дан аз пациентте көрініс берді. Бауыр ауруларымен байланысты дамитын клиникалық белгілер немесе симптомдарда немесе немесе жүйелік көріністер, аурулар пайда болғанда Кеторолакты қабылдауды тоқтату керек.

Анафилаксиялық (жалған анафилаксиялық) реакциялар

Анафилаксиялық (жалған анафилаксиялық) реакциялар (анафилаксияны, бронх түйілуін, гиперемияны, бөртпелерді, гипотонияны, ларингеальді ісінуді және Квинке ісінуін қоса, бірақ мұнымен шектелмей) аспиринге, анамнезінде вена ішіне енгізгенде басқа да қабынуға қарсы стероидты емес препараттарға немесе кеторолакқа аса жоғары сезімталдығы бар пациенттерде және анамнезінде осындайы жоқ пациенттерде көрініс беруі мүмкін. Мұндай құбылыстар анамнезінде Квинке ісінуі, бронх түйілуі реактивтілігі (мысалы, демікпе) немесе мұрын полиптері бар пациенттерде де көрініс беруі мүмкін. Анафилаксия сияқты, жалған анафилаксиялық реакциялар өліммен аяқталуы мүмкін. Осылайша, кеторолак анамнезінде демікпесі бар пациенттер, сондай-ақ мұрын полиптерінің ашық айқындалған немесе ішінара синдромы, Квинке ісінуі және бронх түйілуі бар пациенттерүшін қолданылмауы тиіс.

Сақтық шаралары және ұрпақ өрбіту функциясына әсері

Циклооксигеназа/простагландин синтезін баяулататын басқа препараттар сияқты Кеторолакты пайдалану ұрпақ өрбіту функциясын бұзуы мүмкін, соның салдарынан препаратты жүкті болғысы келетін әйелдерге қабылдау ұсынылады. Жүкті болудың қиындықтарымен немесе ұрпақ өрбіту функциясына қатысты тексерілудегі әйелдерге Кеторолакты қолдануды тоқтату керек.

Сұйықтықтың іркілуі және ісіну

Кеторолакты қолданған кезде сұйықтықтың іркілуі, гипертензия және ісіну туралы хабарланған, сондықтан препаратты жүрек жеткіліксіздігі, гипертензиясы немесе ұқсас жай-күйлер бар пациенттерге сақтықпен қолдану керек.

Метотрексатты бір мезгілде сақтықпен қолдану ұсынылады, себебіпростагландин синтезін баяулататын кейбір препараттар метотрексат клиренсін төмендеткен және оның уыттылығын күшейтті.

Дәрілік препаратты шамадан тыс қолдану және оған тәуелділік

Кеторолактәуелділік туғызбайды. Препаратты қабылдауды тоқтатумен байланысты және кеторолакты вена ішіне қолдануды күрт тоқтатқаннан кейін ешқандай симптомдар байқалмаған.

Дәрілік заттың көлікті немесе қауіптілігі зор механизмдерді басқару қабілетінеықпал ету ерекшеліктері

Кеторолды тағайындаған кезде науқастарда орталық жүйке жүйесі тарапынан (бас айналу, ұйқышылдық) және сезім мүшелері тарапынан (естудің нашарлауы, құлақ ішінің шуылдауы, көрудің нашарлауы) жағымсыз құбылыстар дамиды, зейінді жұмылдыруды және реакция шапшаңдығын қажет ететін жұмыстарды орындаудан бас тарту керек.

Артық дозалануы

Симптомдары: абдоминальді ауырулар, жүрек айнуы, құсу, асқазанның және он екі елі ішектің пептикалық ойық жарасы, эрозиялы гастрит, бүйрек функциясының бұзылуы, метаболизмдік ацидоз. Асқазан-ішектен қан кету, жедел бүйрек жеткіліксіздігі сирек болса да болуы мүмкін.

Емі: асқазанды шаю, адсорбенттерді енгізу (белсенділендірілген көмір), симптоматикалық ем.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада 10 таблеткадан.

Пішінді ұяшықты 2 немесе 10 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

«Д-р Редди’с Лабораторис Лимитед»

7-1-27 Амерперт, Хайдерабад-500 016, Үндістан

Тіркелу куәлігі иесінің атауы:

«Др. Редди’с Лабораторис Лимитед», Үндістан

Қазақстан Республикасы аумағында тұтынушылардан өнім сапасы жөнінде шағымдарды қабылдайтын және дәрілік заттың тіркеуден кейінгі қауіпсіздігіне жауапты ұйымның мекенжайы

«Д-р Редди’с Лабораторис Лимитед» компаниясының Қазақстандағы өкілдігі:

050057Алматы қ., 22 линия к-сі, 45 тел: 8(727)3941688

факс: 8(727)3941294, e-mail: Maira.Zhagiparova@drreddys.com

Дәріханалар

Тауар артығымен бар
Тауар аз қалды
Аптека № 26, Шымкент, (ТЦ Мега-центр)
ул. Тауке-хана, б/н
10:00-23:00
Аптека №139 (ПТ)
г. Шымкент, ул. Байтурсынова, 18
Круглосуточно
Аптека Центральная № 99, Шымкент, (Янги-Шахар)
Тамерлановское шоссе, 30
Круглосуточно
Аптека №129
г. Шымкент, ул. Рыскулова, 44А
Круглосуточно
Аптека № 23, Шымкент, (мкр.Спортивный)
мкр. Спортивный, д.24
Круглосуточно
Аптека № 51 Europharma (Аскарова)
ул.Аскарова 22
Круглосуточно
Аптека № 42, Шымкент (Нурсат, ЦОН)
мкр.Нурсат, 2
Круглосуточно
Аптека № 101, Шымкент,(ГОДБ №1)
мкр.Нурсат 122А, ОДБ
09:00-23:00
Аптека № 3, Шымкент, (Обл.больница)
ул.Казыбек би,18
Круглосуточно
Аптека № 156, Шымкент, (ТД Фиркан)
ул.Капал Батыра, дом 4А
Круглосуточно
Аптека №4, Шымкент
мкр.Кызылжар ул.Жиделибайсын 92
09:00-23:00
Аптека № 72, Шымкент, (Кайтпас, мечеть)
мкр.Кайтпас-1, ул.Алматинское, б/н
Круглосуточно
Аптека № 41, Шымкент, (ТЦ Гиперхауз)
угол Рыскулова - Дулати
9:00-22:00
Аптека №289
мкр. Нурсат ул. Астана дом №82
09:00-23:00
Аптека №295
Байтурсынова №81
09:00-23:00
Аптека № 180, Шымкент, (СМУ-4)
ул. Гагарина, 149А
Круглосуточно
Аптека № 19, Шымкент, (Медтехника)
проспект Республики, д.28
Круглосуточно
Аптека № 24, Шымкент, (11мкр, кафе Прага-9)
ул. Уалиханова, 223
Круглосуточно
Аптека №292
Каратауский район, мкр. Нуртас, квартал 190, ул. Жанакурылыс, зд 3933А
09:00-23:00
Аптека №166
г. Шымкент, мкр. Казгурт, тр.Туркестанское зд. 2/7
9:00-23:00
Аптека № 6, Шымкент, (Роща)
проспект Абая,33а
Круглосуточно
Аптека № 37, Шымкент, (Фосфорная больница)
ул.Еримбетова
09:00-23:00
Аптека № 157 ПТ
г. Шымкент, квартал 192, 359/18 мкр. Туран
Круглосуточно
Аптека № 100, Шымкент, (Кунаева)
бульвар Кунаева, д.42, ВП-1
Круглосуточно
Аптека № 89, Шымкент, (Тулпар городок)
Тулпар, Кайтпас-2
Круглосуточно
Аптека № 252 Europharma (Нурсат)
мкр.Нурсат 157
Круглосуточно
Аптека № 79, Шымкент, (ТЦ Арзан)
Тамерлановское шоссе,ТД Арзан
Круглосуточно
Аптека № 228 Europharma (Самал)
мкр. Самал 2, участок 2414
Круглосуточно
Аптека № 22 Europharma (Бейбитшилик)
ул.Бейбитшилик 20
Круглосуточно