Фосфоглив (с растворителем по 10 мл) 2,5 гр № 5 амп
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Фосфоглив (с растворителем по 10 мл) 2,5 гр № 5 амп

Қолжетімділігі
Тауар қолда жоқ
Үлгі
4601808007510
Елі
Россия
Өндіруші
Фармстандарт-Лексредства
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Фосфоглив®

Саудалық атауы

Фосфоглив®

Халықаралық патенттелмеген атауы

Жоқ

Дәрілік түрі

Вена ішіне енгізу үшін ерітінді дайындауға арналған 2.5 г лиофилизат еріткішпен жиынтықта

Құрамы

Бір құтының ішінде

белсенді заттар: 0,50 г фосфолипидтер (Липоид С 100)

(100 % затқа шаққанда),

0,20 г глицирризин қышқылының тринатрий тұзы

(натрий глицирризинат),

қосымша зат - мальтоза,

бір ампуладағы еріткіш құрамы - инъекцияға арналған су.

Сипаттамасы

Ақ түстен ашық-сары түске дейінгі лиофилизацияланған масса.

Еріткіш – иісі және дәмі жоқ түссіз мөлдір сұйықтық.

Фармакотерапиялық тобы

Ас қорыту жолы және зат алмасу. Бауыр және өт шығару жолдары ауруларын емдеуге арналған препараттар. Бауыр ауруларын емдеуге арналған препараттар, липотропты препараттар. Бауыр ауруларын емдеуге арналған препараттар.

АТХ коды А05ВА

Фармакологиялық қасиеттері

Фармакокинетикасы

Фосфатидилхолин

Негізінен, тығыздығы жоғары липопротеидтермен байланыса отырып, фосфатидилхолин, атап айтқанда, бауыр жасушаларына түседі. Холиндік компонентінің жартылай шығарылу кезеңі 66 сағатты, ал қанықпаған май қышқылдарында – 32 сағатты құрайды.

Глицирризин қышқылы

Глицирризин қышқылы жүйелі қан ағымына түсіп, альбуминмен байланысады және бауырға тасымалданады. Глицирризин қышқылы өзгеріссіз күйінде өтпен, қалдықтық мөлшерде – несеппен бөлініп шығады. Ішекке түскен кезде, оның бір бөлігі ішек микрофлорасы β-глюкуронидазасының әсерінен β-глициррет қышқылына гидролизденеді, ол кері сіңірілуге ұшырап, сол арқылы энтерогепатикалық циркуляцияға түрткі болады.

Глицирризин қышқылының фосфолипидтік нанобөлшектерге қосылуы оның фармакокинетикалық және фармакодинамикалық қасиеттерінің жақсаруына ықпал етеді, қандағы айналымын ұзартады және бауырға түсуін арттырады.

Фармакодинамикасы

Фосфатидилхолин (фосфолипидтердің негізгі компоненті) жасушалық және жасушаішілік жарғақшалардың негізгі құрылымдық элементі болып табылады, зақымданған кезде цитопротекторлы әсер ете отырып, олардың құрылымын және функциясын қалпына келтіруге қабілетті. Ақуыздық және липидтік алмасуды қалыпты етеді, ферменттердің және басқа да белсенді заттардың гепатоциттер арқылы жоғалуына жол бермейді, бауыр функциясын қалпына келтіреді, дәнекер тіннің түзілуін тежейді, бауыр фиброзының және циррозының пайда болу қаупін төмендетеді.

Глицирризин қышқылының қабынуға қарсы әсері бар, бауырда және басқа да ағзаларда интерферондардың өндірілуін көтермелеумен, фагоцитоздың жоғарылауы, табиғи киллер-жасушалар белсенділігінің артуы есебінен вирустардың репродукциясын басады. Антиоксидантты және жарғақшаны тұрақтандыру белсенділігінің арқасында гепатопротекторлы әсер етеді. Глицирризин қышқылы эндогендік глюкокортикостероидтардың әсерін үдетіп, бауырдың инфекциялық емес зақымдануларында қабынуға қарсы және аллергияға қарсы әсер етеді.

Тері зақымдарында жарғақшаны тұрақтандыратын және қабынуға қарсы әсерлер есебінен ауру үдерісінің таралуын шектейді және аурудың кері дамуына ықпал етеді.

Қолданылуы

Кешенді ем құрамында

- вирусты гепатитте (жедел және созылмалы)

- бауырдың майлы дегенерациясында (гепатоз)

- бауырдың басқа да зақымдануларында (дәрілік, алкогольдік, уыттық)

- бауыр циррозында

- псориазда

Қолдану тәсілі және дозалары

Ересектерге және 12 жастан асқан балаларға. Вена ішіне, лиофилизатты инъекцияға арналған 10 мл суда алдын ала ерітеді. Вена ішіне енгізуді баяу жүзеге асыру керек. 10 күн бойы күніне 2 реттаңертең және кешке 10 мл-ден енгізеді. Курс ұзақтығы дәрігердің нұсқауымен арттырылуы мүмкін.

Қолдануға болмайтын жағдайлар

- препарат компоненттеріне аса жоғары сезімталдық

- жүктілік және лактация кезеңі

- 12 жасқа дейінгі балаларға

Жағымсыз әсерлері

- тері бөртпелері пайда болуы мүмкін (жекелей сезімталдық жоғарылағанда), ол препаратты тоқтатқан кезде жоғалады

- тәуліктік дозаны арттырған кезде натрий және сұйықтықтың іркілуі, ісінулер байқалуы мүмкін

- артериялық қысымның жоғарылауы

- гипокалиемия

Дәрілермен өзара әрекеттесуі

Құтының ішіндегісін басқа ерітінділермен араластыруға болмайды. Еріту үшін тек инъекцияға арналған суды ғана пайдалану керек. Препаратты еріту үшін натрий хлоридінің немесе глюкозаның физиологиялық ерітінділерін қолдануға тыйым салынады.

Айрықша нұсқаулар

20 мл препаратты бір сәтте енгізуге болмайды. Препараттың тәуліктік дозасын енгізу екі қабылдау арқылы ғана, таңертең және кешкісін жүзеге асырылады.

Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері.

Сипатталмаған.

Артық дозалануы

Препараттың артық дозалану жағдайлары байқалмаған.

Препараттың құрамына кіретін глицирризин қышқылы үлкен дозаларында қанда глюкокортикостероидтар мен минералокортикоидтар деңгейлерінің жоғарылауы болып табылатын жалған кортикостероидты әсерді тудыруы мүмкін. Бұл организмде натрийдің іркілуіне және калийдің азаюына әкеліп,оның салдарынан артериялық қысымның артуына, организмде судың іркілуіне әкеп соқтырады.Көрсетілген симптомдар пайда болған кезде олардың айқындылығына байланысты препараттың дозасын азайтып және/немесе тәулігіне 50-100 мг спиронолактон тағайындау керек.

Шығарылу түрі және қаптамасы

2.5 г препараттан импорттық резеңке тығынмен герметикалық тығындалған, алюминий қалпақшамен қаусырылған және қорғаныш пластмасса қалпақшамен жабылған немесе біріктірілген қалпақшамен тығындалған, жарықтан қорғайтын шыныдан жасалған медициналық импорттық шыны құтыларда.

10 мл еріткіш (инъекцияға арналған су) мөлдір шыныдан жасалған импорттық ампулаларда.

Құтыға және ампулаға өздігінен желімденетін заттаңба жапсырылады.

5 құты препараттан 5 ампула еріткішпен жиынтықта поливинилхлоридті үлбірден немесе полиэтилентерефталатты үлбірден жасалған пішінді ұяшықты қаптамаға салынған.

Пішінді бір қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Жарықтан қорғалған жерде, 25 ºС-ден аспайтын температурада (препарат) сақтау керек.

0 °С-ден 25 оС-ге дейінгі температурада. Мұздатып қатыруға болмайды (еріткіш).

Балалардың қолы жетпейтін жерде сақтау керек!

Сақтау мерзімі

2 жыл (препарат)

4 жыл (еріткіш)

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Фармстандарт-УфаВИТА» ААҚ

450077, Ресей,Уфа қ.,Худайбердин к-сі, 28

Тел./факс: (347) 272 92 85, www.pharmstd.ru

Тіркеу куәлігінің ұстаушысы

«Фармстандарт-УфаВИТА» ААҚ, Ресей

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефоны, факсы, электронды пошта):

«Қарағанды фармацевтикалық кешені» ЖШС

100009, Қазақстан Республикаcы, Қарағанды қ., Ғазалиев к-сі, 16 құрылыс

Тел./факс +7 (7212) 437002, тел. +7 (7212) 908042

e-mail: kphk@kphk.kz

Дәріханалар

Тауар артығымен бар
Тауар аз қалды
Аптека № 37, Шымкент, (Фосфорная больница)
ул.Еримбетова
09:00-23:00
Аптека №166
г. Шымкент, мкр. Казгурт, тр.Туркестанское зд. 2/7
9:00-23:00