Фламин 50 мг, №30, табл.
Тауарлардың көрінісі фотосуретте көрсетілгеннен өзгеше болуы мүмкін

Фламин 50 мг, №30, табл.

Қолжетімділігі
Тауар қолда жоқ
Үлгі
4823000801127
Елі
Украина
Өндіруші
Здоровье ФК ООО
  • Сипаттама

Сипаттама

Дәрілік затты медициналық қолдану

жөніндегі нұсқаулық

ФЛАМИН-ЗДОРОВЬЕ

Саудалық атауы

Фламин-Здоровье

Халықаралық патенттелмеген атауы

Жоқ

Дәрілік түрі

Таблеткалар 50 мг

Құрамы

Біртаблетканың құрамында

белсенді зат - фламин (флавоноидтардың қосындысының құрамына шаққанда 70 %) 50 мг,

қосымша заттар: лактоза моногидраты, картоп крахмалы, жүгері крахмалы, магний карбонаты, кальций стеараты.

Сипаттамасы

Жалпақ цилиндр пішінді сары немесе қоңырлау реңді сары түсті, теңбілдері, ойығы бар, әлсіз спецификалық иісті таблеткалар.

Фармакотерапиялық тобы

Ас қорыту жолы және зат алмасу. Бауыр және өт шығару жолдары ауруларын емдеуге арналған препараттар. Өт шығару жолдары ауруларын емдеуге арналған препараттар. Өт шығару жолдары ауруларын емдеуге арналған басқа препараттар.

АТХ коды A05АХ

Фармакологиялық қасиеттері

Фармакодинамикасы

Фламин-Здоровье – құмсалаубастың гүлдерінен (салаубас; Helichrysum arenarium L) алынған құрамында флавон бар полифенолды дәрілік зат.

Құрамында флавоноидты гликозидтер (салипурпозид, изосалипурпозид, кемпферол, апигенин), ащы дәмді, иіткіш заттар, стериндер, эфир майлары жәнебасқа биологиялық белсенді заттар (органикалық қышқыл, каротиноидтар, полисахаридтер және т.б.) бар. Өт бөлінуін арттырады, холестерин/өт қышқылы арақатынасын өзгертеді, өттегі холаттар мөлшерін арттырады, өт тастары түзілуінің алдын алады. Өт қалтасы және өт шығару жолдары сфинктерінің тегіс бұлшықеттеріне спазмолитикалық әсер етеді. Асқазан сөлі бөлінуін стимуляциялай отырып, тамақтың жақсы қорытылуына ықпал етеді. Гипохолестеринемиялық және гепатопротекторлық әсер етіп, антиоксидантты әсер береді. Препарат бауыр паренхимасында және өт шығару жолдарында қабыну үдерісін азайтады, бауырдағы қан айналымын жақсартады.

Қолданылуы

- созылмалы холециститте

- өт жолдарының дискинезиясында

Қолдану тәсілі және дозалары

Ересектерге және 6 жастан асқан балаларға ішке, тамақтың алдында 30 минут бұрын, аздаған мөлшердегі сумен ішуге тағайындайды.

Ересектерге және 14 жастан асқан балаларға күніне 3 рет 50 мг (1 таблетка) тағайындайды, қажет болғанда дозаны күніне 2-3 рет 100 мг дейін (2 таблетка) арттыруға болады.

10-нан 14 жасқа дейінгі балаларға 50 мг (1 таблетка) күніне 2 рет тағайындайды.

6-дан 10 жасқа дейінгі балаларға 50 мг (1 таблетка) күніне 1 рет қолданады.

Емдеу курсының ұзақтығы 10-40 күнді құрайды (аурудың сипатына, ауырлық дәрежесіне және ауру ағымына қарай). Қажет болғанда емдеу курсын дәрігер тағайындауы бойынша қайталауға болады.

Жағымсыз әсерлері

Сирек

- аллергиялық реакциялар (тері бөртпесі, есекжем, қышыну)

- артериялық қысымның жоғарылауы (артериялық гипертензиясы бар науқастарда).

Қолдануға болмайтын жағдайлар

- препарат компоненттеріне жеке жоғары сезімталдық

- обтурациялық сарғаю

- диаметрі 10 мм асатын тас болған жағдайдағы өт-тас ауруы

- ойық жара ауруының өршуі

- бауырдың, өт қалтасының, ұйқы безінің және өт шығару жолдарының жеделқабыну аурулары

- 6 жасқа дейінгі балалар

Дәрілермен өзара әрекеттесуі

Фламин-Здоровье препараты бауыр және өт жолдарының ауруларында тағайындалатын басқа да дәрілік заттармен кешенді қолдануға болады. Лямблиозды емдегенде метронидазол және аминохинол белсенділігін жоғарылатады.

Айрықша нұсқаулар

Асқазан функциясының қышқыл түзуі жоғары пациенттерге сақтықпен тағайындайды.

Препарат құрамында лактоза бар, сондықтан оны тұқым қуалайтын галактоза жақпаушылығы, лактаза тапшылығы немесе глюкоза/галактоза сіңуінің бұзылуы бар пациенттерге қолдануға болмайды.

Педиатрияда қолданылуы

6 жасқа дейінгі балаларға Фламинді пероральді суспензия дайындауға арналған түйіршіктер түрінде тағайындайды.

Жүктілік және лактация кезеңі

Препаратты жүктілік және бала емізу кезеңінде қолданудың ерекшеліктері зерттелмеген, сондықтан тағайындау кезінде қауіп/пайда арақатынасын ескеру керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлік басқаруда немесе басқа механизмдермен жұмыс істегенде реакция жылдамдығына әсер етпейді.

Артық дозалануы

Артық дозалану жағдайлары сипатталмаған.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

Үш пішінді ұяшықты қаптама медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

30 таблеткадан алғашқы ашылуы бақыланатын қақпақпен жабдықталған дәрілік заттарға арналғанпластмассаконтейнерге салынады. Контейнердегі бос кеңістікті медициналық гигроскопиялық мақтамен толтырады.

Контейнерге заттаңба желімделеді.

Бір контейнер медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау шарттары

Құрғақ, жарықтан қорғалған жерде, 8 ºС-ден 25 ºС-гедейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

“Здоровье” Фармацевтикалық компаниясы” ЖШҚ, Украина

Тіркеу куәлігінің иесі

“Здоровье” Фармацевтикалық компаниясы” ЖШҚ, Украина

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Фарм-Евро» ЖШС

050039, Алматы қ., Майлин к-сі, 72 үй, 34 пәтер

Тел.: +7(727) 271-10-17

Факс: +7(727) 271-84-97

E-mail: farmevro@mail.ru