Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Цинепар актив
Халықаралық патенттелмеген атауы
Жоқ
Дәрілік түрі, дозасы
Сыртқа қолдануға арналған гель
Фармакотерапиялық тобы
Сүйек-бұлшықет жүйесі. Буын мен бұлшықет ауыруы кезінде жергілікті қолдануға арналған препараттар. Буын мен бұлшықет ауыруы кезінде жергілікті қолдануға арналған басқа препараттар. Басқалары.
АТХ коды M02AX
Қолданылуы
Дәрілік препарат ересектер мен 6 жастан асқан балаларда қолдануға көрсетілген
- байламдар мен сіңірлердің, бұлшықеттер мен буындардың жарақаттан кейінгі қабынуында (созылу, ширығу және соғылулар)
- жұмсақ тіндердің қабыну- дегенеративті ауруларында (тендовагинит, «білек – қол басы» синдромы, бурсит, периартрит)
- бұлшықеттер мен буындардың ауруларымен (ревматоидты артрит, остеоартроз, радикулиттер, люмбаго, ишиас) байланысты ауырусиндромы мен ісінуінде
Қолданудың басталуына дейін қажетті мәліметтер тізбесі
Қолдануға болмайтын жағдайлар
- әсер етуші заттарға немесе қосымша заттардың кез келгеніне аса жоғары сезімталдық
- диклофенакқа, аспиринге және қабынуға қарсы стероидты емес басқа да препараттарға жоғары сезімталдық
- бронх демікпесі
- тері жабындысы бүтіндігінің бұзылуы
- жүктілік, лактация кезеңі
- 6 жасқа дейінгі балалар
Басқа дәрілік препараттармен өзара әрекеттесуі
Цинепар актив гелінің басқа препараттармен өзара әрекеттесу жағдайлары сипатталмаған.
Арнайы сақтандырулар
Тек сыртқа арналған дәрі ретінде қолдану керек.
Цинепар актив гелін тек зақымданбаған теріге ғана жағады.
Препаратты зақымданған тері үстіне, ашық жараларға, көзге және шырышты қабықтарға жағуға болмайды.
Педиатрияда қолдану
6 жасқа дейінгі балаларда қолданылмайды.
Жүктілік немесе лактация кезінде
Жүктілік және лактация кезеңінде әйелдерге қолдануға болмайды.
Автокөлікті жүргізу және механизмдерді басқару қабілетіне әсер етуі
Әсер етпейді
Қолдану жөніндегі нұсқаулар
Дозалау режимі
2-4 г препаратты (сықпадан сығылған 4-8 см гель) ауыру ошағының ауданына байланысты зақымданған жерлерге тәулігіне 3-4 рет ақырындап ысқылап жағады.
Емдеу курсы 10 күннен аспауыкерек.
Енгізу әдісі және жолы
Сыртқа.
Емдеу ұзақтығы
Емдеу курсы 10 күннен аспауыкерек.
Артық дозалану жағдайында қабылдау қажет болатын шаралар
Артық дозалану ықтималдығы аз, өйткені сыртқа қолданғанда сіңу өте төмен. Препаратты кездейсоқ жұтып қойған жағдайда диклофенактың оральді түрлеріне тән жағымсыз әсерлерді тудыруы мүмкін. Жүйелік жағымсыз әсерлері болған жағдайда асқазанды шаю және адсорбент қабылдау ұсынылады.
Емі симптоматикалық.
Дәрілік препаратты қолдану тәсілін түсіндіру үшін медициналық қызметкер кеңесіне жүгініңіз
ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болғанда) қабылдаукерек шаралар
Әртүрлі жағымсыз реакциялардың пайда болу жиілігін бағалау кезінде мынадай градациялар қолданылды: өте жиі (≥1/10), жиі (≥1/100-ден <1/10-ға дейін), жиі емес (≥1/1000-нан <1/100-ге дейін), сирек (≥1/10000-нан <1/1000-ға дейін), өте сирек (<1/10000)
Аллергиялық реакциялар
Сирек: бөртпе, эритема, қышыну, есекжем.
Ұзақ қолданған кезде жүйелі жағымсыз әсерлері -жайылған тері бөртпесі, бронхтың түйілуі, ангионевроздық ісіну, фотосенсибилизация болуы мүмкін.
Көрсетілгенсимптомдар пайда болған жағдайдапрепаратты қолдануды тоқтатукерек.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
100 г гельдің құрамында
белсенді заттар: диклофенак диэтиламині 1,16 г (1 г натрий диклофенагына баламалы), зығыр майы 3 г, метилсалицилат 10 г, ментол 5 г
қосымша заттар: бензил спирті, карбомер (акрипол-974), акризол К-140,изопропил спирті, пропиленгликоль, этаноламин, динатрий эдетаты, бутилгидрокситолуол, тазартылған су.
Сыртқы түрінің, иісінің, дәмінің сипаттамасы
Ақ немесе ақ дерлік түсті гель.
Шығарылу түрі және қаптамасы
20 г, 50 г гельден бұрандалы пластмасса қақпағы бар ламинацияланған пластик сықпаға салынған. Сықпа медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау мерзімі
3 жыл.
Жарамдылық мерзімі өткеннен кейін қолдануға болмайды.
Сақтау шарттары
Құрғақ, жарықтан қорғалған жерде, 25оС-ден аспайтын температурада сақтау керек.
Мұздатып қатыруға болмайды!
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
«Марион БиотекПвт.Лтд.»
Б-49, Сектор-67, Нойда, Үндістан
Тіркеу куәлігінің ұстаушысы
«Марион БиотекПвт.Лтд.»
Б-49, Сектор-67, Нойда, Үндістан
Қазақстан Республикасы аумағында тұтынушылардан дәрілік заттар сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Spectramax» ЖШС, Қазақстан Республикасы, Алматы қ., Сейфуллин даңғ. 458-460/95, 312 кеңсе
Телефон/факс нөмірі +7(727) 344-94-37 (8)
Электронды поштасы vikaskaushik@quramax.com
